صوت عالي (مسابقة احساسك في صوره)

[شاعر الإحساس]

"صوت عالي"

وصوت عالي ...وانا مالي
قالولي اتجوزي بدري
سابوني لوحش مش داري

كأنه شيطان بيتفنن
يهيني بشكل عشوائي

لا انا منه ..ولا مني
وكل مابينا زاد ناري

ايدين تنهش ..وناس واقفه
قالولي جتني ميت وكسه
محدش عاش ورباني !

وهانوا البيت دا ميت مره
وقالوا بعيد غوري بره
ومتجيش ليناااا تاني

وانا محتاره بالمره
مابين بيتنا..وحياه مره
وروحي تايهه قدامي

ودا كله بسبب اهلي
رموني بس من بدري
وقالوا القطر عداني

انا تايهه وبعيد رايحه
وسايبه الطرحه والفرحه
وغيرت اناااااا عنواني

انا عايشه ومش عايشه
وتهت خلاص ومش شايفه
وماشيه بجرح وبعاني

انا الطفله اللي يوم كبرت
وانا اللي بصبرها صبرت
وقالوا عليا مييييت كلمه
وصوتهم كان قاسي عالي



25/09/2020

وليدة اللحظه..من الهاتف


شاعر الإحساس

[واد حبيب]

الله عليك يا شاروخ
دايما مبدع حتي وليد اللحظه
تسلم قلمك وقلبك ياغالي

[حـيـــــآة ❤]

جسدت مشكله مهمه جدا
عبرت فعلا عن الصوره
تسلم ايدك شاعرنا

[فداااااااااااء]

اهل مجرمون يلقون ببناتهم فى جحيم الحياة من اجل الخلاص من المسئولية تجاههم
فهم ينظرون اليهم على انهم عبئ ووجب التخلص منه سريعا
جميلة جدا اخى شاعر
احسنت التعبير بجميل نبضك

بالتوفيق لك اخى

[big bốss]

عاش يا ابو على

فعلا انها مشكلة اغتيال البراءه

كلمات اروع ما يكون

احسنت

[ايمان طلعت]

العيب على الاهل اللي بتبيع بناتها
وهي اللي بتشوف الويل و الذل
عبرت عن القضية بشكل رائع
بحروف سلسه قوية

عندما شاروخ
يطلق صاروخ 😁
دام نبض قلمك
تحياتي

[بحر القمر]

وما احلى واجمل الشعر الذي يعبر عن مشاعر او مواقف
او حالات انسانيه واقعيه
جميل جدا استاذي
احسنت

[دمعه حائره]

مااروع كلماتك جايه في محلها ومعبره جدا عن الصوره
بنغمه وسلاسه تخلينا عاوزين نقرأها تاني
تسلم يارب ويدوم الابداع

[SaMa.]

الكلام ماشى اوى مع الصورة وعجبتنى

[شاعر الحب الحزين]

قالوا أن الصورة بألف كلمة
ولكن كلماتك بألف صورة
نعم هي مشكلة الكثير
تغيرت مبادئ وأسس القبول في الزواج
الناس لم تعد ترى في الناس سوى المال
الأصل أن تزوجوهن لمن ترضونهم دينا وخلقا
وليس لمن ترضونهم مالا وجاه

شاعر الإحساس والحس المرهف
أوصلت رسالتك بشكل هادف بناء
وأضف إلى ذلك الواقعية الشديدة بكلماتك
كنت ومازلت رائع ومبدع سلمت والنبض الرقيق
شكري وتقديري وامتناني 🌹