ادم وابتسام

[حازم34]

أدم انسان اتولد وعاش واجتهد .... وأصبح راجل عصامي واحب ابتسام وابتسام حبته..... راجل بجد وهمام.... بيحبها َيخاف عليها ويكفي الاهتمام...... واجووزوا الاتنين.... بفرح على الاد كدا.... مافي داعي للبهرجه والمصاريف والاتنين اتفقوا.... وكان فرح جميل يكفي ان أدم يرى الفرح في عيون ابتسام..... وبدأ أدم مرحله جديده يشتغل ويجهد ويعمل ويعطي ابتسام.... وهبه ربنا لهم ولد وبنت توم في أول فرحتهم.... وعمت البيت الفرحه والوئاهم..... قالها ايه رايك يا ابتسام نشتري حته أرض من الحاج عبد السلام ونبني بيت دور ولا اتنين..... قالت ومالوا يا حبيبي.... اهو يبقى احسن من الإيجار كمان.... وشافوا المر واتحملوا قساوه الايام.... الصبح فول والضهر بطاطس محمره وبالعشا بتنجان.... والأولاد بتكبر هبه ورضوان.... والمدارس حلت عليهم َزاد العبء. كمان وكمان... وكانوا صابرين وشاكرين.... وآدم كل يوم يرجع الساعه واحده ولا اتنين.... وابتسام بتدعي ربنا يقويه..... وبنوا البيت وكل شي بقى تمام..... وعداد الكهربه ركب والمايه.... واتحقتت الأحلام.... وفي يوم دق الباب مين قالها افتحي انا من المجلس المحلي فين أدم يا ام رضوان..... قالت خير قالها لازم يجي علشان بيتكم مخالف وتتصرفوا يوم ولا يومين.... تشيلوا فرشكم علشان الهدم صاير في كل مكان..... قالت ابتسام هدم ايه.... قالها البيت ال انتم قاعدين فيه.... قالت ودا يرضيك دا احنا شفنا المر وشربناه وقلنا بيت في وطنا يأوينا..... ولا ايه يا بيه... احكم انت يا سعاده البيه. قالها مش بيدي انا عبد المامور ولازم انفذ الأمور...... سكتت ورفعت اياديها لربها وقالت الله شايف ومطلع سبحانه نعم الإله.... وجه أدم ... ما تكلمت ووضعت له العشا وابتسمت في وجهه وقالت شوفت يا آدم.... قال خير يا ابتسام... بيقولوا هدوا بيت في البلد تبع المسكينه ام حسام..... ابتسم وقالها عارف والله يا ابتسام... وحاسس بيكي ولكن ربك كريم وهتتحل بفضل الله الكريم المنان.... حكت له القصه وال جه وسأل عليه ولازم نطلع من بيتنا كمان.... نظر إليها والدمع سأل.... وقال ال اخذ القرار هو ساكن فين في بيت زينا ولا بيت بالملايين.... لو كان زينا هنطلع ويطبق عليه الحال.... غير كدا والله يا ابتسام ما نخرج ابدا.... البلد بلدنا والأرض ارضنا وما بنيينا الا بموافقتهم.. وغير كدا الهد شي محال.... إنا مصري وحر اه بتعب وبشقي بس في الظلم لا والف لا حتى يتعدل الحال... حالنا مايل يا ابتسام ان رضينا بالظلم وقولنا تمام.... نظرت اليه ابتسام... وقالت راجل يادم ولا كل الرجال....

[واد حبيب]

الله ينور عليك ياغالي
تسلم الايادي

[فداااااااااااء]

بس آدم بيواجه وحش معندوش لا ضمير ولا رحمة
والدفاع لازم يكون بقوة والا مهما عمل هو لوحده هيداس
وكم من آدم هدم بيته من غير حق من أجل الترهيب ودفع الاتاوة
سلمت اخى ودام نبض قلمك

[شروق محمود]

فعلا فيه ناس غلابه كتير
ربنا على المفترى
تسلم دكتور قصه تحكى حاله عايشينها
تسلم ايدك

[يحيى الفضلي السودان]

سلس السرد وجميل المعاني

[حازم34]

اقتباس المشاركة الأصلية كتبت بواسطة واد حبيب الله ينور عليك ياغالي تسلم الايادي

اهلين اهلين اهلين حبيبنا نورت وانرت والله اسعدني مرورك وردك ويشرفني دايما المرور الله يسلمك ويحفظك ويسعدك ومنور دايما

[حازم34]

اقتباس المشاركة الأصلية كتبت بواسطة فداااااااااااء بس آدم بيواجه وحش معندوش لا ضمير ولا رحمة والدفاع لازم يكون بقوة والا مهما عمل هو لوحده هيداس وكم من آدم هدم بيته من غير حق من أجل الترهيب ودفع الاتاوة سلمت اخى ودام نبض قلمك

اهلين اهلين وهلا ومرحبا اختي الكريمه عبير الحروف... يعلم الله اني حزين جدا وتعبت فعلا من هؤلاء المجرمين هما عايشين أجمل عيشه وبيدوروا على المطحونين وبيشجعهم ال الأصول يكون في صفنا ال شغال عندنا بس هنقول ايه لهم يوم اكيد قريب بإذن الله نورتي وانرتي ويشرفني ويسعدني مرورك دايما تحياتي الك

[حازم34]

اقتباس المشاركة الأصلية كتبت بواسطة شروق محمود فعلا فيه ناس غلابه كتير ربنا على المفترى تسلم دكتور قصه تحكى حاله عايشينها تسلم ايدك

اهلين اهلين اهلين وهلا ومرحبا القلم الجميل والفكر الراقي شروق نورتي وانرتي والله واسعدني مرورك وردك الغلابه هم من صنعتهم الفروق الاجتماعيه ولو فيه عداله ما كان هيك.... الله يسلمك ويسعد قلبي ربي اااااامين تحياتي الك للمرور الجميل

[حازم34]

اقتباس المشاركة الأصلية كتبت بواسطة يحيى الفضلي السودان سلس السرد وجميل المعاني

اهلين اهلين اهلين اخي الكريم يحي الفضلي منور اخي كيف حالك طمني عنك اسعدني وجودك الراقي الجميل ولا حرمنا الله وجودك اخي تسلم والله تحياتي الك

[دمعه حائره]

قصه موثره جدا وبتتكرر كل يوم
ربنا مع الناس ويلطف بيها
تسلم اخي