حوا والرجيم

[حازم34]

. كتير بيسألوني عن الريجيم ويتابعوا كتير قنوات وكتير مقالات والحكايه في كلمتين من اخيكم أدم بس تسمعوها وتبلغوها وتوفروا على نفسكم كتير حاجات..... الوزن والرشاقه مهمه لحوا وآدم.... مش علشان الاستايل والموضه بس دا علشان الصحه كمان.... وقبل البدأ نشوف الوزن اخباره ايه واد ايه لازم يكون ونهتم ودي معادله وسهله كمان.... نقسم الوزن على الطول بالمتر تربيع... ازاي بقى يعني لو الوزن ستين والطول ١٧٠ نقول ٦٠علي 1.7 تربيع اي نضرب ها الرقم في بعضه ونقسم عليه الوزن.... من ١٨ الي ٢٢ وزن مثالي فوق ٢٥ يميل الي السمنه فوق ٣٠سمنه فوق ٣٥ بدين.... طيب ونعمل ايه..... اولا اهم شي نقوم من على الطعام واحنا نفسنا فيه...... ثانيا.. ناكل بتاني خالص ولا نتابع فون ولا تليفزيون..... يكون قبل الأكل فاكهه وسلطات... ايوا تمام ونشرب ٥٠٠ملي مايه قبل الأكل بالذات ونحافظ عليها.... وبعدين الاكل لازم بروتين ودهون ونشويات.... ولو كترتي بالدهون في الأكل يبقى لازم عليكي بقطعه حلويات... ليه لان النشويات والحلويات محرقه للدهون ... طب وبعدين خلي اكلك خفيف وممكن اكتر من تلت وجبات بس حاجه بسيطه وصدقيني التعود مهم في الناحيه دي بالذات.... والرياضه مهمه جدا ممكن في الأسبوع تمشي اربع ساعات... اهتمي جدا بالخضار والفاكهه وابعدي على قد ما تقدري عن الحلويات... واهتمي بالماء جدا جدا واشربي في اليوم على الاقل لترين وشويات..... وخلي نفسك راضيه اووووى وافرحي دايما لان الناحيه النفسيه مهمه بالذات.... البيتزا حلوه وشهيه بس قطعه واحده يكفي وابعدي وابعدي عن المياااه الغازيه بالذات... أكثري من الجزر والكيوي والعصير وخصوصا البرتقال... والكبده وصفار البيض... والخضار الطازج زي الجرجير والفجل..... والطماطم... ولا للاسراف في الأكل والدين نهانا عن كدا ورسولنا صلى الله عليه وسلم قال.... ما ملأ ابن آدم وعاء شر من بطنه فإن كان لابد فاعلا فثلث لطعامه وثلث لشرابه وثلث لنفسه.... وقال صلى الله عليه وسلم نحن قوم لا ناكل حتى نجوع واذا اكلنا لانشبع... هذا الحديث جمع الطب كله بالذات والي موضوع اخر لإخواتي الكريمات اسأل الله ان يحفظكن ويبارك لكن في كل شي ويجعلكن مباركات أينما حللتم وكنتم

[.Lamar]

نصائح قيمة
وجهد مشكور اخى حازم
تسلم يارب

[حازم34]

اقتباس المشاركة الأصلية كتبت بواسطة .lamar نصائح قيمة وجهد مشكور اخى حازم تسلم يارب

الله يسلمك ويسعدك اهلين اهلين وهلا ومرحبا نورتي وانرتي والله اسعدني المرور تحياتي الك

[ايمان طلعت]

المعادلة اللي قولتها لقياس كتلة الجسم
لكن الاهم معرفه معادلة السعرات الحرارية اليومية

اختلف معاك في كام نقطه
لو اكلت دهون تاكل حلويات عشان بتحرق
الكلام ده غير صحيح بالمرة
الدهون وخصوصا الصحيه منها مبتعليش نسية السكر فالدم
فبالتالي لو اكلتها مش هتحس بعدها بجوع
لكن لو اكلت حلويات بعدها هتلاقي نسبه السكر عالية جدا و فجأه هتحس بجوع شديد في فترة قصيرة

اكثري من العصير
طبعا غير صحيح
اكل الفاكهه افضل من عصرها
كوب العصير ممكن ياخد اربع برتقالات غير ان الالياف بتاعتعا بتتفتت
واضافه السكر دى كارثه لوحدها
العكس لو اكلت برتقالتين هتشبع

بالنسبة للبيض فيه ناس بتاكل البياض بس عشان الصفار فيه دهون
البيضه تتاكل كامله عشان الجسم يستفاد منها والدهون اللي فيها دهون صحيه


تحياتي

[فداااااااااااء]

تسلم ايدك أخي حازم
ويدوم نشاطك

[حازم34]

اقتباس المشاركة الأصلية كتبت بواسطة ايمان طلعت المعادلة اللي قولتها لقياس كتلة الجسم لكن الاهم معرفه معادلة السعرات الحرارية اليومية اختلف معاك في كام نقطه لو اكلت دهون تاكل حلويات عشان بتحرق الكلام ده غير صحيح بالمرة الدهون وخصوصا الصحيه منها مبتعليش نسية السكر فالدم فبالتالي لو اكلتها مش هتحس بعدها بجوع لكن لو اكلت حلويات بعدها هتلاقي نسبه السكر عالية جدا و فجأه هتحس بجوع شديد في فترة قصيرة اكثري من العصير طبعا غير صحيح اكل الفاكهه افضل من عصرها كوب العصير ممكن ياخد اربع برتقالات غير ان الالياف بتاعتعا بتتفتت واضافه السكر دى كارثه لوحدها العكس لو اكلت برتقالتين هتشبع بالنسبة للبيض فيه ناس بتاكل البياض بس عشان الصفار فيه دهون البيضه تتاكل كامله عشان الجسم يستفاد منها والدهون اللي فيها دهون صحيه تحياتي

اهلين اهلين اهلين..... اولا بالنسبه للدهون والحلويات ال هيا السكريات وانا قلت السكريات محرقه للدهون ودا كلام علمي لماذا عندما يتناول الشخص الدهون ويحتاج تحويلها الي طاقه خلي بالك الدهون تتحول إلى كوانزيم A... ولكن لايستطيع الجسم الاستفاده منها الا في وجود البيروفيت Pyruvate. ومين مصدره الرئيسي هو الجلوكوز وايضا له مصدر اخر وهو الأحماض الامنيه ولكن الجسم لايضحي بها بسهوله طيب ليه الدهون موجوده وعلى صوره acetyl coenzyme A. بالبيروفيت ال مصدره الجلوكوز هتقدر الدهون تدخل دورات اضافيه من كريبس سيكل Krebs لتستوعب الكميات الكبيره من استيل كوانزيم ايه... وتنتج الطاقه ولذلك الدهون تحترق في نار السكريات ..... ولذلك الان مثلا وجبه مريض السكر تكون كالتالي ٥٥٪ نشويات و٣٥٪. دهون و١٥٪بروتين.... ومعلومه أخرى..... الكربوهيدرات تسمى مضادات تكوين الأجسام الكيتونيه anti ketogenic اما الدهون تسمى مولدات الكيتوجينك ketogenic بالنسبه للفاكهه أكلها مهم اكيد جدا وانا وصيت بهذا وقلت الفاكهه والخضار وقلت شرب الماء مهم جدا جدا... وفيه ناس تفضل العصير وممكن عصير الليموندا او البرتقال.... اكيد الألياف مهمه لتلاشي موضوع الأسماك ومشاكل الامعاء ومش شرط التحليه بالسكر في العصير ممن كميه بسيطه او عسل نأتي لصفار البيض ان ركزت عليه علشان هو غني بفيتامين ب وخصوصا ب ١٢ ودا مهم جدا..... وفي الاخير قلت بلا إسراف او تبذير نورتي وانرتي وتحياتي الك اسأل الله ان يسعدك

[حازم34]

اقتباس المشاركة الأصلية كتبت بواسطة فداااااااااااء تسلم ايدك أخي حازم ويدوم نشاطك

اهلين اهلين وهلا ومرحبا نورتي وانرتي واسعدني مرورك الله يسلمك ويسعدك يارب

[دمعه حائره]

الحلويات بتجوع جدا وبتزود الوزن
والمشي مهم جدا للصحه الجسديه والنفسيه
تسلم دكتور

[حازم34]

اقتباس المشاركة الأصلية كتبت بواسطة دمعه حائره الحلويات بتجوع جدا وبتزود الوزن والمشي مهم جدا للصحه الجسديه والنفسيه تسلم دكتور

اهلين اهلين وهلا وغلا ومرحبا استاذه الفكر والابداع.... إنا لا اوصي بالحلويات ابدا ولكن إذا اكلنا دهون واردنا التخلص منها يبقى ناكل سكريات ومنها الحلويات بس كدا....... الله يسلمك ويسعدك اسعدني مرورك ويشرفني دايما المرور تحياتي الك

[ندوشه 2011]

ربنا يخليك للولاية