مين فينا،، مسابقه عاشق العاميه

[دمعه حائره]

مركز الخليج

مين فينا ماداقش المر
وقال على طعمة ده مسكر
ومين فينا ماشافش الصعب
وقال على طريقه أنا هاقدر
هاتحدى جبال من الهم
هاتحمل
أنا قادر وهاعافر
ولو الكون وقف ضدى
مش راجع ومش هاندم
ولاهاخسر
لكن تقلت همومه عليه
واتكتفت بالحزن إيديه
يبكى نهاره وطول لياليه
وفـ كلامه يتحسر
على خاينين ماصانوا العشره
على اللى طلعوا دهب قشره
راحوا وسابوله جراح وقهر
هايبكى كتير ومين يسمع
واللى فات لو كان يرجع
هايرجع ليه وبإيه ينفع
ندم ودموع
فى سكة مافيهاش رجوع
وناس ماتت ضمايرهم
عايشين بيدوسوا على غيرهم
ويشمتوا فى قلوب بتتكسر
#mena_hassan

[ايمان طلعت]

هنندم على اللي باع وكسر ليه
كلنا بنحام ونقول هنعمل ونعمل
لكن كله قسمة ومكتوب
كلمات رائعه غاليتي
دام نبض قلمك
تحياتي

[عاشق ولهان]

كلمات جميله يا منه

روائعك تزين المسابقات

تحياتي وتقديري لقلمك المبدع

تمنياتي لكي بالتوفيق

[حـيـــــآة ❤]

حلوه اوي ❤️❤️
تسلم ايدك يا منتي

[شاعر الإحساس]

اللي بيشمت ...شخص فاشل
مش عارف ينجح...فبيحاول يشمت ف الغير
اختلفت الطرق...لكن توحدت النتيجه

التعامل مع امثالهم...هي التهميش
لان مينفعش ياخدوا حيز من التفكير والاهتمام...
وسيرد كيدهم في نحرهم...


معزوفة بدات بالقوه والمعافره...
وانتهت بمواجهة هؤلاء الذين يحاولون اعاقة المسير
لكن القافله ستسير...رغم الكثير

عاميه جميله يا منه...
واسلوب متزن سلسل راقي...
كعادة حروفك لها سطوع خاص...
واختيار تعابير جميله ...باسلوب ممتع
وسجع جميل ...

دام نبض قلمك وحرفك...
ودمت بكل خير وسعاده
بالتوفيق

[شروق محمود]

الله رووووعه
واحساس جميل بما كتبتى
يدوم الابداع منون

[حازم34]

اه ثم اه على الفات لو كان يرجع ... اه من خانوا العشره وطلعوا دهب قشره


ما ابدع الكلمات في نسج فيه إبداع كما العاده


واغلبنا هذه الحاله


يسلموا على الفكر الراقي والابداع


ودايما يا رب التواجد الجميل


ونتعلم منكم الإبداع


تحياتي الك

[شاعر الحب الحزين]

الله عليكي يا شمس المنتدى
قلتي كلام القلب وتألقتي جدا في وصفك
بالتوفيق ان شاءالله يا منة
شكري وتقديري وامتناني 🌷

[واد حبيب]

بيعجبني اسلوبك الجميل في اختيار الكلمات
دايما كلماتك لها معني جميل واحساس راقي
تسلم قلمك ونبض قلبك علي كلماتك الجميله
تقبلي تحياتي

[۩۩ elMagic ۩۩]

من فينا فعلا
اهو كله بيعدي بقا
دام عطاءك وتواجدك دمعه
الله يحفظك