موضوع مهم وخطير

[حازم34]

السلام عليكم ورحمه الله وبركاته

اداره المنتدى والمشرفين والمراقبين والأعضاء والزوار


اكيد الكل يتابع ويعرف اليوتيوب والان أصبح مصدر دخل للكثير

على حسب المشتركين في القناه والاعجابات والشير

دايما تأتيني تنبيهات لبعض قنوات اليوتيوب لكي اتابع او اشترك


ومن العجب العاجب رأيت حتى أطباء وصيادله ونساء عاديين


يتكلمون في اشياء كثيره وبدون رقابه على الأمر

استمعت لأحدهم وهو يقول انه دكتور وعايش في أوربا

وكان يتكلم عن مرض السكر للأسف ذهلت من الاسلوب واياهم البعض ان مرض السكر عادي جدا


حتي في بدايه حديثه قال الإنسولين انزيم قلت لعلها زله لسان

ولكنه كررها ولو امامي في اختبار شفوي لسحبت من درجته العلميه


ثانيا قال ان السكر نوعان فقط

وهذا خطأ. ثالثا قال لو جاني مريض سكر هعالجه ازاي يقي


بالامتناع عن الكربو هيدات ال هيا النشويات


اكيد لما يأتي شخص وحاس بأعراض معينه ويذهب الي طبيب


لابد أن بعمل التحاليل اللازمه ويعرف مستوى السكر اولا

هل هو مرتفع ولم يصل إلى حد انه افرز بالبول

لو كان مرتفع. نحذر المريض ونوصيه بالزياضه ونظام غذائي معين

وكمان بيتعمل له تحليل تحمل الجلوكوز


حاجات كتير

والله مغالطات تودي في داهيه


وكمان يقول السبب في السكر وخصوصا النوع الثاني الغير معتمد على الإنسولين
بأنه توجد مقاومه لدخول الإنسولين

ونسي ان قله افراز الإنسولين من خلايا البنكرياس وهيا تسمي بيتا

هيا السبب


ولذلك احذر البعض من الوثوق بهولاء


لامور كثيره جدا

ثانيا اشوف بعض الصيادله

وينصح باستخدام ادويه معينه وهي خطيره جدا

لابد من فحص ضغط الدم قبل أخذها

وكذلك ممنوعه منعا باتا في حاله تعاطيها مع بعض الادويه

وصدقوني ناس بتموت نتيجه اخذ هذه الادويه بدون وصفه


ثالثا

اشوف نساء كتير بيعملوا خلطات ويقسمون بالله

انها بتجيب نتيجه وخلطات هيا لاتعرفها

حتي اني ابتسمت كانت واحده منهن تقسم ان هذه خلطه لتبييض البشره

وايدها ظاهره سمراء قلت كانت نفعت نفسها


نعم فيه كريمات تبيض البشره ولكن البشره ال تعرضت للشمس او آثار حبوب او حرق

وهيا كريمات طبيه ومسجله ولكن تستخدم بطرق معينه


فنصيحه ارجوا عدم الاتصات لهؤلاء

انا فعلا سجلت قناه الرد على هؤلاء

ولكن لظرف خاص باخي أجلت الأمر


وتكون قناه هيا لتوعيه الناس لان المخاطر بتكون غير محسوبه العواقب

لو يعلمون كيف يخرج ال مستحضر الطبي من اجراءت من هيئه الغذاء والدواء

ما تجرأو على ذلك

حتي كريمات نيفيا واولاي وغيرها تخضع للاختبارات الجلديه

وكل اللوشانات وصبغات الشعر وغيرها


أطلت عليه وهذا أمر شرحه يطول

تحياتي لكم جميعا

وربي يحفظكم اااااامين

[حـيـــــآة ❤]

بالنسبه للدكاتره انا شخصيا تعرضت لوعكات جامده جدا بسبب تشخيصات غلط من ٣ دكاترة قبل كدا
فا يعوض الله اصلا ع مهنة الطب والقسم ال بيقسموه..

بالنسبه اصلا لحوار اليوتيوب دة
الشعب بقى محتار يجيب فلوس منين
من الفيوز الكتير بقى
فابيطلع يهري اي هري
او بتطلع تهري اي هري
عشان الفلوس
وفي ناس ساذجه بتتابع عادي

[فداااااااااااء]

من الجميل ان تحاول توعية الناس من هذا الغش من اشخاص فقدوا الضمير
انا شوفت قبل كدا طبيب كان بيعلق على شخص بيقول كلام غير صحيح طبيبا ونصح متابعيه بعدم الاستماع اليه
مافيش رقابة ومافيش وعي وناس كتير اتأذت بسبب هؤلاء

تسلم اخى

[حازم34]

اقتباس المشاركة الأصلية كتبت بواسطة حـيـــــآة ❤ بالنسبه للدكاتره انا شخصيا تعرضت لوعكات جامده جدا بسبب تشخيصات غلط من ٣ دكاترة قبل كدا فا يعوض الله اصلا ع مهنة الطب والقسم ال بيقسموه.. بالنسبه اصلا لحوار اليوتيوب دة الشعب بقى محتار يجيب فلوس منين من الفيوز الكتير بقى فابيطلع يهري اي هري او بتطلع تهري اي هري عشان الفلوس وفي ناس ساذجه بتتابع عادي

اهلين اهلين وهلا ومرحبا الفكر الراقي الجميل والقلم المبدع نورتي وانرتي


سلامات الك يارب وماتشوفين اي شر ابدا

وفعلا وكما تقولين الله يعوض أصبح كل شي تجاره

وفعلا الهري في اليوتيوب موجود من كل نوع وللأسف فيه متابعين


يسلموا على المرور الراقي والرد الراقي


اسعدني مرورك. تحياتي الك

[حازم34]

اقتباس المشاركة الأصلية كتبت بواسطة فداااااااااااء من الجميل ان تحاول توعية الناس من هذا الغش من اشخاص فقدوا الضمير انا شوفت قبل كدا طبيب كان بيعلق على شخص بيقول كلام غير صحيح طبيبا ونصح متابعيه بعدم الاستماع اليه مافيش رقابة ومافيش وعي وناس كتير اتأذت بسبب هؤلاء تسلم اخى

اهلين اهلين وهلا ومرحبا

نورتي وانرتي اختي الكريمه

اسعدني المرور والرد القيم

واجب فعلا ومن الضروري توعيه الناس


حسبنا الله ونعم الوكيل


تحياتي لمرورك الراقي وردك

الله يسلمك ويسعدك

[شروق محمود]

بالفعل الموضوع ده انتشر جدا
كل من هب ودب يتكلم ف كل حاجه
واللى يغيظك ان الواحده تقول وصفه
وتحلف انها جباره ويمكن هى مش جربتها اصلا
موضوع قيم
تسلم ع التوعيه دكتور

[ايمان طلعت]

اى حد دلوقتي بيعمل قناه وينشر اى هبد وخلاص
مش مهم المحتوى ولا بيظهر ايه ولا مين
المهم الدولارات
ابقي عرفنا قناتك بقى

[دمعه حائره]

فعلا ظاهره منتشره والمعلومات مش مؤكده
وانا بشوف ان اي ادويه لازم تتاخد من طبيب مش من اي وصفه من حد
تسلم دكتور موضوع مهم فعلا

[حازم34]

اقتباس المشاركة الأصلية كتبت بواسطة شروق محمود بالفعل الموضوع ده انتشر جدا كل من هب ودب يتكلم ف كل حاجه واللى يغيظك ان الواحده تقول وصفه وتحلف انها جباره ويمكن هى مش جربتها اصلا موضوع قيم تسلم ع التوعيه دكتور

اهلين اهلين وهلا ومرحبا نورتي وانرتي والله


ويسلموا على هذا الرد البناء حقا كل من هدب ودب بيعمل قناه


ويقسم باغلظ الإيمان ودي بلوي


اسعدني مرورك ويشرفني دايما والله

تحياتي الك وربي يسعدك

[حازم34]

اقتباس المشاركة الأصلية كتبت بواسطة ايمان طلعت اى حد دلوقتي بيعمل قناه وينشر اى هبد وخلاص مش مهم المحتوى ولا بيظهر ايه ولا مين المهم الدولارات ابقي عرفنا قناتك بقى

اهلين اهلين وهلا ومرحبا نورتي وانرتي وطمينينا عنك يارب تكوني بخير


علشان موضوع الضرس

كنت لسه بقول يارب تكون بخير وسعدت لما رأيت ردك



اسعدني المرور الراقي ويشرفني


اكيد هعلن عنها هنا بإذن الله تعالى اول ما ابدأ


لكي خالص التحيه والتقدير ربي يحفظك