احساس مؤقت

[ahmed 22]

صباح الخير
بصراحة ماليش دماغ اعدلها ولا اكملها فقلت انزلها زي ما هي كدا


في ناس بتدفن بالألم
احساس مؤقت بالعدم
و في ناس تخاف المها يصرخ
بتخاف عيون كتير تشوفها
الشفقة تقتلها
والغرقة تنجدها
تلاقيها تغرق في الغميق
تبدأ تدوب
جوا دايرة من السراب

قلقها خوف من الناس
لتحكم علي الأساس
اللي اتبني بأبواب ازاز
بيعكس جوا منه ضعف فيك
ومن بره الكل شايف
نفسه فيك ..
أنت القوي.. أنت الأساس ..

احساس بيوهم
احساس يعيش جواك سنين
من غير ما يلحم
احساس بيحفر فيك قبور
حٌفر كتير جوا الصدور
لكل علة بتسقي ذلة
متنكرة في زي القبول

وبعوامل الزمن
تتعري حبة حبة من الامل
تتصدر جزء جزء للحياة
فتفكر كل يوم
تفرد دراعك للمواجهة
وفي النهاية تستخبي
مافيش اجابة لميت سؤال
ومافيش دوافع للمواجهة

[دمعه حائره]

المواجهه محتاجه قدر كبير من القوه والشجاعه
قبلهم الدافع والهدف اللي يخليك تقدر
كلمات رائعة وعوده مميزه تسلم

[واد حبيب]

خليك دايما انت الاقوي وسط الناس
دوس علي وش الظالم وعديم الاحساس
عيش حياتك وانسي كلام الناس
كلمات جميله منك ياغالي
تقبل تحياتي

[شاعرة الرومانسيه]

كتير بنهرب من المواجهه مش خوف لاء
لكن يمكن ده التصرف الصحيح
تسلم ايدك
🌹🌹🌹🌹

[Lamees]

اوقات الضعف بيبان علينا
لان قوتنا مهما زادت
بتضعف في الهموم
ممكن اقول خليك قوي
بس الحقيقة أن حتى القوة
بيمر عليها اوقات بتضعف

استاذ احمد عطاء رائع سيدي
تحيتي

[مهيب الركن .]

كتمان الحزن فن لا يجيده الا من يملكون
كبرياء يخشون أن تخدشه الشكوى
ومواجهة الصعاب خير وسيلة للقضاء عليها
سلم قلمك الراقي اخى الغالى

[جنة الرياض]

اقتباس المشاركة الأصلية كتبت بواسطة ahmed 22 صباح الخير بصراحة ماليش دماغ اعدلها ولا اكملها فقلت انزلها زي ما هي كدا في ناس بتدفن بالألم احساس مؤقت بالعدم و في ناس تخاف المها يصرخ بتخاف عيون كتير تشوفها الشفقة تقتلها والغرقة تنجدها تلاقيها تغرق في الغميق تبدأ تدوب جوا دايرة من السراب قلقها خوف من الناس لتحكم علي الأساس اللي اتبني بأبواب ازاز بيعكس جوا منه ضعف فيك ومن بره الكل شايف نفسه فيك .. أنت القوي.. أنت الأساس .. احساس بيوهم احساس يعيش جواك سنين من غير ما يلحم احساس بيحفر فيك قبور حٌفر كتير جوا الصدور لكل علة بتسقي ذلة متنكرة في زي القبول وبعوامل الزمن تتعري حبة حبة من الامل تتصدر جزء جزء للحياة فتفكر كل يوم تفرد دراعك للمواجهة وفي النهاية تستخبي مافيش اجابة لميت سؤال ومافيش دوافع للمواجهة

اللهم اشفي كل مريض يتألم

[ساحر الأحزان]

جميل الكلام والتعبير احمد

احسنت اخي

تحياتي وتقديري