هو في حاجه اسمها حب

[نور ونار]

هو على حسب تعريفك ايه للحب ؟ او تعريفهم ايه ؟ يا ترى كلام وشو وناس تعرف ولا عباره عن ايه ؟
الحب زى اى شىء محتاج عمل وجهد ووقت .. الاعجاب والشغف دآ دى واحده من اصل تلاته
لازم يتواجد فى العلاقه الناجحه
اللى اغلب اللى بيعرف ان فيه شغف وانجذاب شديد يقولك حب ؟
نو الجواز مبنى ع تلات عناصر وفقا لدراسه اتعملت لـ د \ ديفيد ام . باس ود\ سيندى ام . ميستون ..
بيقول لازم الجواز يعتمد ع تلات حاجات .. الحميميه والشغف والالتزام ..
الشغف هو الانجذاب والولع وتكون هايم ومبسوط وفرحان .. الحميميه هو شعورك بالامان
وتكون مقرب للشخص جدا فعارف ومبسوط بوجوده لحد هنا ممكن يعمل منك اصحاب كويسين
يجى دور الالتزام كل حد ملتزم بالتانى وهنا دور الازواج .. طيب لو فيه حميميه والتزام ومافيش شغف ؟
دآ اللى بنسميه بينهم عشره ووحد وموده ورحمه والحياه بتكمل عادى ..
طيب لو فيه حميميه ووشغف ومافيش التزام ؟ يبقى صحاب عادى من ارتباطات ولا التزامات
طيب لو فيه التزام بس من غير حميميه ولا شغف دول ناس ع حافه الطلاق .. طيب يا ترى الحب بيخلص ؟
لا احنا بنتعامل بغباء لازم تعرفى تبنى وتصبرى وتفهمى وتتوددى وهو كمان
تبنوآ علاقتكم واحده واحده فى وجود التلات العناصر اللى فوق .. مافيش عنصر فيهم يبقى باظت ..

[محمود الخارجى]

تقريبا لا مفيش

[عاشقه الورد]

اقتباس المشاركة الأصلية كتبت بواسطة *فجر الاسلام* اللي بيحب مش بيقسي ولا بيجرح وكل شخص ادري بحاله وبحال شريك حياته مانقدرش نحكم علي اي طرف مافيش حد مابيغلطش مشكله ان الناس مابقتش تستحمل سواء الراجل او الست ربنا يهدي الجميع ويصلح الحال

الناس بقت تكتم اللي جواها ومحدش فاهم حد لو كل واحد حكي اللي جواه الدنيا ترتاح
يارب تسلمي ع مرورك حبيبتي

[عاشقه الورد]

اقتباس المشاركة الأصلية كتبت بواسطة ahmed 22 الحب غالبا في الزمن ده قبل الجواز ما هو الا عمليات تجميل بيعملها نقاشين

فعلا صدقت اخي
تسلم ع مرورك

[عاشقه الورد]

اقتباس المشاركة الأصلية كتبت بواسطة lamees هو تقريبا حبيبتي الموضوع بعيد تماما عن الحب هي طقوس اي مشروع في بدايته الحماس والفرحة وبعد البداية قريبا ما تأتي النهاية لان الأبطال يتخلون عن ادوارهم الحقيقية أن يأسسوا الشركة الحقيقية البيت والأسرة وكل منهم يقوم بواجباته فيكون التخلي عن هذة المهمة اسهل ما يكون اساس الشركة فاسد فيظهر العطل سريعا ويكون الطلاق اسهل الحلول شكرا للنقاش

فعلا جبتي الخلاصه اختي
تسلمي ع مرورك

[عاشقه الورد]

اقتباس المشاركة الأصلية كتبت بواسطة واد حبيب الحب موجود وعايشين بيه ولكن بيختلف من شخص لشخص مش كل حياة فاشله يبقي الحب كله فاشل زي ما في حب في فراق والعكس تسلمي علي موضوعك

فعلا اخي
تسلم ع مرورك

[دموع غاليه]

من ناحيه أن فيه حب أكيد في حب بس المهم أنت أو إنت بتحبي بجد ولا موهومه أنه حب اللي بيحب بجد مبيهونش عليه حبيبه إن يبعد عنه إنه يكسر قلبه بيحاول علي أد ما يقدر أنه يبقي جنب الشخص اللي بيحبه حتي لو في عقبات بيعدوها مع بعض وكل واحد فيهم مكلبش في التاني غير كدا مابيبقاش حب
وكمان الجواز مش ليه علاقه بالحب مش شرط كل اتنين متجوزين كانو بيحبو بعض قبل الجواز ممكن يجي حب بعد الجواز هو مش بيبقي حب بمعني الصحيح بس بيبقي حب العشره حبك لبيتك وولادك انك تحافظي عليهم ودا الأهم
والحكمه بتقول مش مهم الحب في الجواز أد ما مهم المعامله ما انا ممكن اكون مش بحب الشخص دا بس يعامله بإحترام وود عشان الحياه تمشي
ربنا يسعدك
تقبلي مروري

[maspero11]

كلام موفق جدااااااااااااااااااااااااااااااااااااا

[زينب جمال]

اكيد افضل شي الحب الاخوي

[ساحر الأحزان]

لا يوجد غني عن الحب
من غير الحب لا يوجد طعم للحياه
ولكن احنا ننظر لانفسنا
هل حقا نحن نحن
هل نحن صادقون بحبنا
ام نتخذ من الحب ستار لنزواتنا
موضوع قيم منك
تحياتي