إنتي دعائي

[Şα3Đ..♥]

عارف احساس التوهان
و انك ضايع و انت لوحدك
حسيت احساس الحرمان ؟
علشان فجأه محدش جمبك
زود ع الاحساس ده كمان
غربه و وحده و دنيا عنيده

تايه سرحان جوا الدنيا
و شكلك بتدور علي حاجه
فجاه بتجيلك و ف ثانيه
اللي تملي الدنيا سعاده
تاخدك و تتوه ف حتت تانيه
و فجأه بتعيش دنيا جديده

مختلفه عن كل الناس
حلوه وفيها حاجه غريبه
بيشدني صوتها الوناس
ولا الحنيه و الطيبه
عارف انت زي الاحساس
اللي بييجي بعد التنهيده

تعرفي إنك إنتي دعائي
ديما ف ركوعي وف السجده
وكنت انا بدعي وبتمناكي
انك تيجي بعد الوِحده
و متاكد ان انا هلقاكي
فعلا كانت حاجه غريبه

و عارفه كمان ان انتي حياتي
وبقيتي جزئي و الكل
ولو عمري كله استناكي
انا مش هزهق ولاَ ها مِل
ده انا قلبي ما صدقي ولقاكي
يلا نبني دنيا سعيده

[ساحر الأحزان]

وحشتنا الحاجات الحلوه دي ابوسعد

لا تحرمنا من جديدك
ومن جميل احاسيسك الحلوه

تحياتي واحترامي

[Şα3Đ..♥]

حبيبي
وانتوا كمان والله
ان شاء الله نرجع نتفاعل تاني
بس الناس ترجع بس

[العاشق الذى لم يتب]

صديقى سعد
وحشتنى
كلمات ولااجمل
وحب سافر بنا عنان السماء
سلمت والنبض

[Şα3Đ..♥]

اقتباس المشاركة الأصلية كتبت بواسطة العاشق الذى لم يتب صديقى سعد وحشتنى كلمات ولااجمل وحب سافر بنا عنان السماء سلمت والنبض

و الله وانتوا اكتر يا غالي
منورني
ومتشكر اوي
تحياتي

[دموع غاليه]

الله عليك يا سعد إحساسك رائع
وربنا يتقبل منك دعاءك بإذن الله
تحياتي ليك

[Şα3Đ..♥]

اقتباس المشاركة الأصلية كتبت بواسطة دموع غاليه الله عليك يا سعد إحساسك رائع وربنا يتقبل منك دعاءك بإذن الله تحياتي ليك

متشكر جدا لحضرتك
نورتني
تحياتي ليك

[Lamees]

انتي دعائي ... العنوان نفسه ابداع والله استاذ سعد
حلو الحب الممزوح بالدعاء
تحيتي