طب ايه ؟

[ahmed 22]

بما اننا بطلنا فرجة عالتليفزيون من الزمان
تقوم تنطلك الاشعارات و لا البوستات بتاعة الفيس بوك قدامك عشان تعرفك الاخبار والدنيا
و من ضمن الايام تلاقي بطل البوستات دي هو خالد يوسف ولقاؤه مع عمرو اديب

عادي يعني مش فارقة
يمكن ماعنديش الفضول اعرف قالوا ايه حتي
بس واضح انهم بيحتفوا برجوعه وكدا وبيحاولوا يرجعوه للحياة تاني

انا غالبا مش بحب اكلم عن اشخاص بعينهم
بس يا اخي البلد دي بقت غريبة بشكل تخض اخر كام عشر سنين
يعني في ظواهر غبية كتيرة بتحصل كدا وحاجات مش مفهومة وهي كتيرة الصراحة
وماتتعدش

يعني واحدة منهم مثلا
لما تيجي تشوف ناس زي

هشام طلعت مصطفي
ومرتضي منصور
وخالد يوسف

وتيجي تكلم كدا مع نفسك
وتقول ايييييييه ؟
ايه بقااا

واحد كان محكوم عليه بالاعدام في قضية قتل
وطلع بعفو صحي وواضح ان صحته ما شاء الله بومب اهو
وبقا صاحب التيكية دلوقتي وماسك كل مشروعات الحكومة والبلد والبناء
ماتعرفش كنا مزنوقين في كوبري ولا ايه فقلنا نطلعه

والتاني مسابش شرف حد في البلد الا وخاض فيه
وتحس انه حاليا بابعاده عن الصورة بيتحمي اكتر منه بيتعاقب
وماشوفناش اي رد فعل تجاهه .. ولا كأنه كان متواجد
وبكرة ولا بعده يرجع تاني والحياة ماشية

والتالت زي ما انتوا شايفين كدا .. كفاية اقول خالد يوسف بس
يعني ذاكرتنا مش قصيرة اوي كدا عشان ننسي ..
يعني احترموا عقولنا بس

نرجع تاني ونقول
طب ايه يا عالم يا معفنة
المفروض عاوزينا نفهم ايه بالزبط ؟؟؟
ايييييييييييه

[شاعر الحب الحزين]

يا صاحبي بقى اللي يشخلل جيوبه
لو عاب الخلق محدش يتكلم ف عيوبه
يعتذر بماله يخليهم يحبوا أسلوبه
يدفع ويرجع يغلط ويدوس الدنيا ب كعوبه

لا تعليق غير إن خالد يوسف ده شوه اسم خالد
وأتمنى ميكونش ده اسمه الحقيقي 😅
شخص سيء وكشف فساد الكثير من العاهرات

يسعد قلبك ❤️

[حـيـــــآة ❤]

روحت عملت سيرش عن خالد يوسف لقيتني افتكرت بلاويه ايوا
هو اي حد فاسد حاله هيمشي اوي هنا
زي الراقصات ال بييجوا من برا لهنا مثلا

كله رايح

[Şα3Đ..♥]

لا يأتي على الناس زمانٌ إلَّا وما بعده أشر منه، حتى تلقوا ربكم

[ساحر الأحزان]

يابني انت في عصر الانشكاح

ادفع واخلص

وخلصت الحكايه

دي يا احمد ولا حتكون اول البدايه

ولا اخر النهايه

منتظرين جميل مواضيعك الحلوه احمد

[super mames]

يارب يصلح حال امتنا ويعافينا من كل شر

[رنيم حمدي]

تعليق جميل

[رنيم حمدي]

موضوع جميل