سرك في بير / مسابقه أفضل موضوع حصري في بنات مصر

[بحر القمر]

سرك في بير
ما تطلعوش
اصل الديابه والوحوش
مابيرحموش
احنا في غابه
فيها ديابه
واوعاك في يوم
ما تحفظوش
هتلوم في روحك
وتزيد جروحك
ويتوه طموحك
ولا تعرفوش
كل الحكايه نصيحه مني بدون غرض
اغلب نفوسهم بالزمن ده بهم مرض
اوعاك تقول السر تبقى كمالة عدد
وساعتها تبحث عن كيانك ما تلاقيهوش
انا نصحتك والنصيحه طيبه
والانعزال والوحده حاجه مجربه
ثقتك في بعض الناس هتصبح متعبه
واللي يوقع الناس معاه ما بيرحموش
داري ياقلبي وبهدوء على شمعتك
دي حاله مش هتموتك
ولو عملت في يوم فتك
هتشوف ندم ما شفتهوش
احنا في زمن فيه المصالح والشمال
والحال بيتغير بسرعه لالف حال
وعشان كده وبدون جدال
اكتم في سرك ما تقولوش

[شاعر الحب الحزين]

الله الله الله يا ابو اليسر
حطيت العلة والدوا في كلامك
نصيحة غالية تتغلغل بين سطورك
ووصف حقيقي لما وصلنا إليه
أبدعت وأحسنت أخي ياسر
شكري وتقديري وامتناني ❤️

[بحر القمر]

ربنا يكرمك ويسعدك اخي
اسعدني توقيعك الجميل
تسلم يارب

[yasmin dd]

كلام جميل جداا👍
دام نبض قلمك
بالتوفيق فى المسابقة

[بحر القمر]

متشكر جدا جدا
كل التقدير

[مهيب الركن .]

السر هو ما سررته فى نفسك وليس ما تفوهت به لأحد
ان ضاق صدرك وتحدثت فصدر من حدثته أضيق

تحياتى لكلماتك الراقية اخى الغالى
التى صاغها قلمك بمنتهى الجمال

[بحر القمر]

اسعدني جدا حضورك وكلماتك اخي
كل الاحترام لك

[ساحر الأحزان]

احسنت يا صاحب الحرف الجميل

سرك لا تبوح به

ان بحت به

فهو اصبح مثل الطوق علي عنقكك

احسنت وموفق ياسر

تحياتي وتقديري

[بحر القمر]

اقتباس المشاركة الأصلية كتبت بواسطة ساحر الأحزان احسنت يا صاحب الحرف الجميل سرك لا تبوح به ان بحت به فهو اصبح مثل الطوق علي عنقكك احسنت وموفق ياسر تحياتي وتقديري

يدوم حضورك الطيب اخي العزيز
تحياتي مع كل التقدير

[fanaa]

كله رااااايح 😂
كلمات جميلة جدا عاش