أعضاء بنات مصر في ضيافه ساحر الأحزان مع خلود

[ساحر الأحزان]

بسم الله الرحمن الرحيم

اليوم بتعتبر أول حلقة من برنامج

أعضاء بنات مصر في ضيافه ساحر الأحزان

ومعى ضيفه انضمت من فتره قريبه ولكنها عضوه قديمه في المنتدي


لكن نشاطها جميل ومميز

وهي العضوه

خلود
ربنا يخليك يارب تسلملي ،🖤

عضوة مميزة ونشيطة فى المنتدى







أهلا بك معنا فى البرنامج


ونخش بقى على الأسئلة

ممكن نتعرف على بطاقة لولي الشخصية ؟
😂😂😂
انا خلود م المنيا عندي ٢٣ سنه ف المنتدي هنا م زمان اوي واعرف ناس كتير
بس مبقناش نتكلم زي الاول ..اتخرجت م تربيه نوعيه موسيقي بعد معاناه ٥ سنين 💔💔 واتجوزت م سنه وربنا رزقني ب سيف ..عقبال الجميع يارب 😍🖤
ترتيبك فى عائلتك؟
المهزأ ال ف النص 🙂 تان واحده ف اخواتي 😂

مين أقرب الأشخاص ليكى فى العائلة ؟
مممم بصراحه مافيش بس دا ميمنعش اني بحبهم كلهم بس حد قريب مني لا مافيش

ياترى سرك عند والدتك ؟
مافيش اسرار نهائي .

ولا عند والدك ؟ولا عند مين أخواتك ولا أصدقائك؟
صحابي ايوا


صداقة الطفولة بتكون حلوة هل ليكى أصدقاء من الطفولة لحد دلوقتى؟
ايوا ليا كذا واحده قريبين مني لغايه دلوقت .
خلود

متسرعة ؟

هادية؟

عصبية ؟

أى الصفات أقرب ليكى ؟
التلاته ف بعض احيانا ببقي هاديه واحيانا عصبيه واحيانا متسرعه .



خلود

ذكرى تحبى أن لا تنسيها ؟

..مممم م بلاش 🙂😂😂 حاجات كتير وناس كتير
بس خلاص بقي

وذكرى تحبى أن تنسيها؟
وفاه عمي كان اقرب مني بروحي واتمني اني انسي يوم وفاته.



موقف عالق فى ذاكرتك؟
وفاه عمي وصحبتي .


حياتك الشخصية ؟
مالها ؟!🤔

هل أنتى من النوع المغلق على نفسة ؟
لا مش دايما


ولا من محبى الصداقات؟
اه جدا


أية رئيك فى السياسة هل بتحبى الكلام فيها؟
لا خالص ماليش فيها نهائي

وأية رئيك فى الوضع الحالى ؟
زفت





ما رئيك فى مشاركة البنات فى السياسة ؟
زفتين والله 😂



يا ترى مش حنشوف سيدة ترشح نفسها للرئاسة ؟
هتعك الدنيا

ولا رئيسة وزراء
بلاش .


نخش على المنتدى

ما سبب معرفتك علي منتدي بنات مصر؟
مش فاكره بالظبط بس كان ف شخصيه اعرفها ع الفيسبوك عرفتني ع المنتدي دا م زمان .


أنتى منتشرة فى المنتدى بسى كتاباتك مقتصدة على أقسام معينة ؟
أية السبب؟وهل ممكن نشوف كتابات خلود
اه يعن بحب صفحات مكشوفه أخري ادخل اكتب حاجه وأخرج أو لو دخلت مدونه كذا حد وخلاص ..وبصراحه ماليش كتابات وبحب اقرأ وأتابع ف صمت لكن مش بحب اكتب .

مين الكاتب المفضل عندك فى المنتدى ؟
شاعر الحب الحزين ع م اعتقد الاسم كدا .



ومين أقرب أصدقائك ؟
هنا ولا ف العالم الواقعي ؟


الأتنين

ما رئيك فى بنات مصر ؟
جدعان والله وغلابه وولاد اصول .

من حيث السلبيات ومن حيث الأيجابيات ؟
ممم كسلبيات معظم البنات بتحاول تقلد الاجانب شويه بحيث انها تتماشي مع الموضه ودا شئ مش لطيف .. الإيجابيات والله حلوين ف كل حاجه وبنات جدعان وميه ميه 😂🖤🖤



ما أحب الأقسام عندك ؟
صفحات مكشوفه


من هم الكتاب فى المنتدى المتابعة لمواضيعهم ؟
مش كتير بس شاعر الحب الحزين ..احساسي صحيح ..سامر ..ساحر الاحزان
وحياه وجبل عالي


تحبى تقولى أية للأعضاء فى المنتدى
اتمني نرجع زي زمان واتمني الغايب يرجع والمنتدي يبقي زي الاول .

بشكرك خلود علي الاهتمام بطلب الضيافه
العفو ع اي انا مبسوطه جدا م الحلقه ومبسوطه جدا بحواري معاك 🌹

شكرا لكي خلود وأن شاء الله نشوفك معنا علي طول داخل المنتدي بجميل نشاطك

وأنتظرونى فى اللقاء القادم

مع ضيف أخر

تحياتي

[khL ouD]

فكره جميله خالص وانبسط جدا بحواري معاك 😍🖤🖤

[سيناا]

ياسيدي ياسيدي على الاستضافات وكمان مع خلود لا لا لازم نقووووول ياعيييين ياعييييين

خلودة ام يوسف ربي يسعدها كانت ومازالت وجودها بالمنتدى له طابع خاص هي من زمااااان معنا ونشيطة وشجاعة ولكن شريرة ههههه

تذكري فريق الاشرار خلود كنا عاملين اجواء غير شكل

وجودها يضيف الى المكان اتمنى تفضل تدخل تطمنا عليها

واتمنى لها حياة زوجية مليئة بالحب والتفاهم والاستقرار

خلود البنت دي والله كانت تضحكنا ضحك بأفعالها هنا ههههههه

ربي يسعدها ويسعدك يازعيم

[fanaa]

استضافة حلوة ومنورة ياخوخة ياسكرة

[حـيـــــآة ❤]

خلود القمر بتاعنا كنت أنا وهي وسامر شله زمان
الف مبروك يصغنن ❤️❤️❤️❤️🥺
و سيف يتربى في عزك يارب .. ماشاء الله

يديكم العافيه يارب

[khL ouD]

اقتباس المشاركة الأصلية كتبت بواسطة سيناا ياسيدي ياسيدي على الاستضافات وكمان مع خلود لا لا لازم نقووووول ياعيييين ياعييييين خلودة ام يوسف ربي يسعدها كانت ومازالت وجودها بالمنتدى له طابع خاص هي من زمااااان معنا ونشيطة وشجاعة ولكن شريرة ههههه تذكري فريق الاشرار خلود كنا عاملين اجواء غير شكل وجودها يضيف الى المكان اتمنى تفضل تدخل تطمنا عليها واتمنى لها حياة زوجية مليئة بالحب والتفاهم والاستقرار خلود البنت دي والله كانت تضحكنا ضحك بأفعالها هنا ههههههه ربي يسعدها ويسعدك يازعيم

سامر رئيس العصابه 😂😂😂 رئيس الاشرار
حابه وجودي جدا معاكو والله اخواتي وبيتي التان ربنا يخليكوا ويسعدكوا يارب ♥️♥️♥️

[khL ouD]

اقتباس المشاركة الأصلية كتبت بواسطة fanaa استضافة حلوة ومنورة ياخوخة ياسكرة

حبيبتي بنورك والله ♥️♥️

[khL ouD]

اقتباس المشاركة الأصلية كتبت بواسطة حـيـــــآة ❤ خلود القمر بتاعنا كنت أنا وهي وسامر شله زمان الف مبروك يصغنن ❤️❤️❤️❤️🥺 و سيف يتربى في عزك يارب .. ماشاء الله يديكم العافيه يارب

وحشاني جدا والله 🥺🥺💔💔
حبيبتي الله يبارك فيكي يارب ويسعدك امين ♥️♥️♥️♥️

[شاعر الحب الحزين]

استضافة جميلة لشخصية أجمل
خلود وما أدراك ما خلود
كانت مشهورة برمزياتها الغريبة
وشخصية رقيقة في تعاملها وكلامها
طبعا ليا الشرف بذكرها اسمي وسعيد جدا ب ده
أتمنالك التوفيق في حياتك يا خلود وربنا يباركلك في
سيف ويحفظك ويحفظ أسرتك ويبعد عنكم كل شر 🌺

الله يعطيك العافية أخي أمجد
بداية جميلة وفي انتظار المزيد من الحلقات
مع أعضاء منتدانا الغاليين ❤️🌺

[بحر القمر]

لقاء طيب ومميز
طريقة الاسئله مميزه جدا اخي العزيز ساحر
واجابات اختنا خلود مميزه
اسعدكم الله جدا
تحياتي ودعواتي لكم