خايف بواقى الوقت

[fanaa]

دلوقت..
خايف بواقي الوقت تقتلني
وآخر دقيقة من الأمل
ماتت على أرض الخريف
خايف عقارب وقتي تلدغني
وكل ثانية من الزعل
وقفت على ضلعي الضعيف
دلوقت..
فاضل معايا
من ترابي جروح
وحبة ألم غير محتمل
ومرارته مزروعة بنتشوش
دلوقت..
عندي من الزمن فوبيا
وخوف شديد
لو قطره فات
أنا أصلي وصلة من الخيوط
مربوطة فيه بكل الجهات
ممكن رقم..
عدت عقارب وقته ماشفتهوش
وممكن أكون..
فجوة عصور الماضي والحاضر
بوابة سودة
من وقت الحياة
تدخلها عيل تجري وتسافر
تخرج عجوز صايبه الجنون
بس الأكيد..
انا كل حاجة وقعها الزمن
وسابها متحاوطة بسجون
تطلع عيون الشمس همس
بس الغروب سجان شديد
وأنا زي طير..
لو بات فى يوم
جوه القفص
يقطع جناحه يموت شهيد
الوقت بحر ..
وماليش مصير الا الغرق
وسلاحه ساعة معقربة
هتفوت كتير عليك ساعات
تاخد سنين عمرك قلم
على دنيا فانية متربة
وتنام سنين
وسنين تنامك بالغلط
وتفوق على..
جري العقارب بالحياة
وتلاقي عمرك أتربط
وتبص لمرايتك
تلاقي شبح الوقت
يظهر فى مرة
ومرة تانية يغيب
وتقول لنفسك..
أنا كنت هنا دلوقت
مين الا حط.
جوه شعري الشيب
دا أنا لسة عيل
من يومين فاتو
كل الا فات كل راح
كل الا ماتو
كانو لسة هنا دلوقتي!
ودلوقت!
خايف بواقي الوقت تقتلني🥺
🕷️🚶
#ياطبيب
#رحيل
#aya_ibrahem

[شاعر الحب الحزين]

رغم سرعة مرور الوقت في لوحتك الرائعة
إلا أنني مازلت عاجزاً عن الرد وكأن الوقت
الذي مضى بسرعة منها جاء واستقر بعقلي هنا
الصمت في حرم الجمال جمال وكلماتك أهل للإحساس والجمال
ماشاءالله عليكي ربي يحميكي 👏👏👏
شكري وتقديري وامتناني 🌺

[إيلاانا]

وكثيرًا ما تُشغلين الحياة و لا نشعر بذلك العمر الذي يمر بنا
نكبر ونتذكر ما مضى وكأنه بالأمس القريب
فيا عجبًا من عمرًا يمضي وما نزال نتعثر في ملذات الحياة
ولا نجمع ونحصد ليوم الحصاد
حقيقة اخذتني كلماتك حيث ما كان وسيكون
وكأنها صفعة اثارت في نفسي الخوف
كلمات جميلة واسلوب شيق
سلم حرفك وصاحبته
دمتِ بخير وسلام
اسعدك المولى
إيلانا

[بحر القمر]

في الحياه
امور واحوال وتغييرات وتقلبات
علينا فقط
الصبر والدعاء


اسعدك الله ووفقك
كل التقدير

[ساحر الأحزان]

الوقت

وجب استغلاله

لانه لا عوده له

هو يمضي وينقص من اعمارنا

ومعه تمضي الايام والسنون

احسنت يا ايه

تحياتي وتقديري

[حـيـــــآة ❤]

هو الوقت اكبر شبح مخيف فعلا
و ما اسرعه

تسلمي ي ايه
معبره جدا,❤️

[ياسمينة ❤]

يمر الوقت ويمضى العمرولا نشعر به
كلمات وأسلوب ممتع فى الكتابة
دام نبض قلمك

[يحيى الفضلي السودان]

قلم يتفرد اسلوبا عصريا
وعطر نرجس يسكب بقنينة صائغ ذهب ماهر
إبداع

[Şα3Đ..♥]

خايف بواقي الوقت تقتلني
و اصبح رهينه لروتيني و الايام
انا كنت صابر و الصبر غفلني
ارجع ثواني لورا تحدف سنين قدام

[fanaa]

تسلمولي كلكم ❤️😍