إياك وألفة النعمة, لا تألف النعمة

[بحر القمر]

احمد.مكي لما جاله مشكله كبيره ف الكبد والطحال المشكله دي خلتو ميقدرش يشرب مياه ووصل لدرجه انو لما بيبلع ريقه بيتعذب فضل شهر ونص بيتعالج غلط لحد ماشك ان عنده المرض الخبيت
وبعد تشخيص تاني عرف ان مرضه صعب جدا بسبب مشكله الطحال والاكل والشرب كانت بيتاخد محاليل لانه ميقدرش يبلع اي حاجه



مكي كمل قصته وقال "ان التلاجه قدامه فيه اطيب ما لذ وطاب بس ميقدرش يقرب منها ميقدرش يقوم يحضن ابنه انا ابني ومراتي كانو بيتعذبو قدام عيني عذاب صعب جدا بسبب مرضي ممكن يكون معاك كل حاجه ف الدنيا بس ربنا بيقولك مش هتطول منها حاجه ده اقوي درس انا اتعلمته من مرضي واتغيرت كتير جدا بعده"

اول مره من زمان اتفرج علي لقاء كامل .
بس علقت معايا جمله قالها مكي انك ( لا_تألف_النعمة )
يعني متعتبرش ان النعم ال ربنا ادهالك دي كلها حاجه عاديه.لازم تشكر ربنا علي كل نعمه عليك وتحس بقيمتها لانه لو اتاخدت منك نعمه واحده بس هترجعله راكع وتقوله يارب رجعهالي ومش هبطل اشكرك واحمدك عليها
صحتك , اهلك , ولادك , زوجتك , تعليمك وغيرهم
كل دي نعم ربنا عليك اوعي تغفل عنها او تبطل تشكره عليها ..