خللي عشمك في الله وحده اتعشم في ربنا بقوة

[بحر القمر]

خللي عشمك في الله وحده اتعشم في ربنا بقوة
لما سيدنا موسي ركب السفينه مع سيدنا الخصر وسيدنا الخضر ربنا علمه بعض من امور الغيب .. اول لما ركبوا السفينه سيدنا الخضر خرمها ! سيدنا موسي غضب ! إزاي تخرقها وهما ناس جدعان ركبونا ومطلبوش مننا اي مقابل ! ومع الوقت سيدنا الخضر قاله انا خرقتها لان في مملكه بيحكمها ملك حرامي بياخد أي سفينه تعجبه وهو جي وراهم بجنوده، واصحاب السفينه مساكين مفيش حيلتهم اي حاجه غيرها بياكلوا منها عيش وهي مصدر رزقهم الوحيد .. فحبيت اعيب السفينه بحيث إنها متعجبش الملك ويسيبها تمر من عنده بسلام ..
- زعلان قوي علي الفركشه اللي حصلتلك ؟


- مخنوق عشان محلتش كويس في الماده ؟
- خسرت شغلانه ؟ فرصة جوازه ؟ كان نفسك في حاجه حلوه ومحصلتش !
- ربك عالم انك شبطان وقلبك عشمان في حلم ودعوه ونفسك تتقبل .. لكن ايش عرفك انها عشان متحققتش كانت خير ؟ بنت اخويا ف البيت عندنا عندها سنتين ونص بنجيب لها شيبسي وشيكولاته وعصير يوميًا .. فبقت لما تبكي ونيجي نقولها نجيبلك عصير؟ تعيط ماتسكتش، لو جيبنا ليها حاجه حلوه مبتفرحش ! لانه بقي عادي .. لو متعودتش علي كده كان هيبقي الشيكولاته بالنسبالها سبب كافي لسكوتها .. ربنا بيحرمك علشان لما يدوقك الحلو ترضي بيه ويعجبك .. وتحس بقيمته .. فبعد حرمانك ده صدقني هيحلي روحك وقلبك وبقك، رزقك في دراستك .. جوازك .. عيالك .. ف كل حاجه هتاخده .. متنكسرش .. لو عرفت الغيب هتشتم نفسك علي كل لحظه ظنيت ظن سوء في الله .. كل شيء بيحصل له حكمه من ربنا .. إنت شوفت البوست ده لانك ربنا بيوصلك رساله معينه إنك متيأسش .. إتعشم في ربنا وإطمع، رزقك هتاخده وهتتراضي ع الآخر وتقول شبعت وقريب قوي كمان، وبُكره تفتكر الكلام ده ..
اللهم علمني حسن الظن بك وارزقني اليقين فيك وهب لي سعادة تُنسيني حزني وتُطيب خاطري يا الله 👐❤