أول فرحة تزعلني

[شاعر الحب الحزين]

وسط الحضور بلف وادور
تايه مش عارف ليه
قالوا الناس متكبر مغرور
معرفوش ف القلب إيه
ابتسمت وقلبي حزين مكسور
أنا اللي جبته وضحكت عليه
كنت صديق وكان مجرد دور
والنهارده بس عرفت ليه


أيوة باركتلك لما عرفت الخبر
بس لما شفت إيدك في إيده
رحت مشيت بعيد عن كل البشر
ولقيت دموعي ف فرحك بيزيده


أول مرة أبقى جنبك
وأحس إني في عالم تاني
أول مرة أبقى بحبك
كنا اصحاب وكنتي عاجباني
يعني كده أنا بره قلبك
ومش هنبقى اصحاب تاني


عمري ما كنت في يوم أتصور
إن أول فرحة تزعلني تبقى فرحتك
وإني أبقى جنبك وأروح أدور
على جرح ودمعة ينسوني ضحكتك
يلا يا قلبي كل شيء نصيب ومقدر
داري دموعك وروح بارك لصاحبتك


ش . ح

[ساحر الأحزان]

شعور حزين

بين المحبين


شعور الفراق

وانتهاء ما كان

ليصبح ذكري في عالم النسيان

احسنت فيما عبرت شاعرنا

صاحب القلم الجميل

تحياتي وتقديري لك

[بحر القمر]

مشاعر متقلبه يغمرها شجن
ورغم كده
فكرك وقلمك رائعين اخي
اسعدك الرحمن

[نجاة حسام]

بتكون دموع حزن فى اولها وبعدها كل شىء بيتنسى
يمكن بنحاول ننسى المقصود هى فتره لغبطه وبتعدى
دام التميز خالد
تحياتى

[شاعر الحب الحزين]

اقتباس المشاركة الأصلية كتبت بواسطة ساحر الأحزان شعور حزين بين المحبين شعور الفراق وانتهاء ما كان ليصبح ذكري في عالم النسيان احسنت فيما عبرت شاعرنا صاحب القلم الجميل تحياتي وتقديري لك

سلمت والنبض الطيب أخي أمجد
أسعدتني حضوراً وقولا
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي مشاعر متقلبه يغمرها شجن ورغم كده فكرك وقلمك رائعين اخي اسعدك الرحمن

وأنت أروع أخي ياسر
سلمت والنبض الطيب أخي
أسعدتني بحضورك الطيب
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة همس الرحيل بتكون دموع حزن فى اولها وبعدها كل شىء بيتنسى يمكن بنحاول ننسى المقصود هى فتره لغبطه وبتعدى دام التميز خالد تحياتى

عندك حق فترة لغبطة وبتعدي
تسلمي لحضورك وتفاعلك الطيب نجاة
أسعدتيني حضوراً وقولا
شكري وتقديري وامتناني 🌺