قصتي والبحر

[بحر القمر]

اتصلو علي اصحابي وقالو ايش رايك نسافر لاحدى المدن السياحية يا ثامر قلت لهم موافق . جهزت نفسي و حقائبي واستعديت للسفر في يوم الاربعاء كان يوم جميل ولطيف جدا وكنت متهلف للسفر ومشتاق للبحر كثير ,رن هاتفي . الو ... ثامر .. متأسفين ترا السفرة اللغيت علشان ظروفنا ما سمحت لنا ... ولا يكون بخاطرك .... لاتزعل علينا يا ثامر . تكذر شوي خاااطري وقتها .
ثامر : لا عادي ومافيها شي كلن وظرفه . قلت في نفسي ليش ما اسافر انا لوحدي فكرت في وقتها وقلت توكلت على الله جهزت سياراتي بسرعة وحملت حقائبي نويت للشرقية وسلمت على اهلي وقلت لهم ماشي مع زملائي علشان ما يقلقو علي , استعنت بالله ومشيت وانا في الطريق لوحدى طبعا اكلم نفسي واشوف الاماكن الي كنت مريت فيها سابقا مع اهلي مع زملائي واتذكرها وابتسم , وصلت للشرقية مع اذان العشاء ووقفت عند مطعم وطلبت منه عشاء سفري علشان اتناوله عند البحر مع العصيرات والموية وبعض الحاجات , وصلت للهافمون ...اجمل مكان للرومانسية ياااااسلام وقتها اصبح الجوء هادي ولطيف جدا , قلت في نفسي خليني ابعد عن ضوضاء الناس . طبعا حصلت لي مكان بعيد شوي عن الناس وكان صراحة موقع استراتيجي وحلو كثير جداا وكان وقتها التاريخ 14 يعني القمر راح يكتمل والله شي فظيع وحلوو , نزلت فرشتي والعشاء وتعشيت قلت خل اسوي لي شاي علشان اروق ...بعدها قربت عند البحر وحطيت رجولي في البحر(عزكم الله ) وقعدت اطالع في السماء والنجوم والجوء بديع وررروعة وكان صاااافي وكنت اتخيل من الفرحة ان النجمه تتلاحق هي والنجمه الثانية والقمر يضحك عليهم واشوف البحر ماله مدى بعيد ....بعيد احب البحر واعشقه بجنون اشوف فيه ان الدنيا ما فيها شي مستحيل وان بكرا راح يولد يوم جديد ما نعرف ايش يواجهنا فيه ,,, واني انا وسط الكون الفسيح اتحكم فيه طبعا بعد امر الله في قراراتي كاني السفينة وسط البحر ... وقتها كان يلطم الموج مع بعض وصوت الموج الهادي العذب كانه يتكلم ويعانق ثراء الارض آآآآآآآه ياااسلام جو شاعري , وفي اللحظة هذي كان الراديو مفتوح وسمعت قصيدة .. (كل ما نسنس من الغرب هبوب حمل النسمة سلام) تذكرت اهلي ,,, اصحابي ... اقاربي .. كل شخص عزيز علي .... كل شخص ممكن اني اخطيت عليه او زل لساني وانا ما ادري .. تذكرت امي ..ابوي ....زوجتي .... اخواني .... حتى جيراني قلت لزم ارسل مسج اسلم عليهم ,, وفعلا ارسلت لهم مسجات وبعد دقايق والرسايل تنهال علي وسلام وترحيب كنت مبسوط كثير وفي الجوء اللطيف والهدوء الساكن نزلت فراش النوم وقلت الليلة انام هنا وبكرا انام في الخبر لان الوقت متأخر كثير, حطيت راسي علشان انام وقعدت اعد النجوم الي تتلاء في السماء واناظر الشهب وااااو شي رهيب المنظر... سمعت صوت ما ادري ايش هو وكان الوقت تقريبا حوالي الساعة الواحدة والنصف ليلاً واسمع همهمه اللتفت يمين ما فيه احد واللتفت يسار برضه ما فيه احد وفجاءه اشوف زول انسان يمشي ومتجه نحوي بخطوات متباطئه , واحاول اني اشوفه لكني ما قدرت زين لان ما فيه نور كثير والقمر تقريبا مائل للزوال حوالي الساعة ثنتين ونصف وقتها ارتعبت والصرااحة ان رجليني تسمرت في مكانها لاني وحدي وما فيه احد معاي .. والزول يقرب شوي شوي وانا احاول اني اقراء المعوذات واقول بسم الله علي.. استجمعت قواي وقلت مين انت , واناظر الا اني اشوف زول بنت انا اتفجعت واقول هذي الحورية الي يقولون تطلع من البحر او جنية بسم الله علي , يعني صراحة فلم رعب ...ضرب المخ وقتها وما عرفت ايش اسوي او اقول .
قالت البنت : الله يخليك اخوي والي يرحم والديك ساعدني
قلت انا : وانا في حيرة من امري يابنت الحلال اعذريني انتي اول شي جنية ولا ايش انسيه
قالت : انا زيي زيك انسانه لكن اهلي مشو وخلوني هنا متوقعين اني رايحه معاهم في السيارة الثانية لاننا احنا طالعين عوائل وتفرقنا وحملو اغراضهم وتوقعو اني راكبه في احدى السيارات الثانية
قلت انا : وبعد ما هديت ما عليك ولا يهمك انتي زي اختي لا تخافي اركبي في السيارة وما يكون الا خيران شاء الله ...تطمنت البنت
وقلت لها :معك جوال
قالت : ما معي شي ابد كل اغراضي مع اهلي
قلت : لها كم جوال ابوك خليني انا اكلمه ... عطتني جوال والدها وكملته بالتفصيل ايش الي حصل ........وقال لي جزاك الله خير انا جاي لك الحين على طول
قلت له: لاتتعب نفسك انا راح اجي لبيكتم اكيد انك راح تكون متوتر الاعصاب خلك وانا جاي في الدرب وبنتك امانه في رقبتي تطمن ولا تشيل هم .
قال الاب : بارك الله فيك يا ولدي ما قصرت انا انتظرك ...... ووصلت لبيتهم وكان بانتظاري اهلها كلهم واخوانها وكل الي كان طالع معاهم في النزهة البحرية
استقبلوني بحفاوة وبشاشة وكاني واحد من اسرتهم , حتى عرضو علي الزواج من البنت لانهم شافو فيني الامانة والصدق والخلق الحسن .
وفي الاخير انتهت القصة .....
الدروس المأخوذة من القصة ....
1- اعذر صديقك دائما فانت لا تدري ما هو ظرفه.
2- عامل والديك باحترام فإنه سيأتي يوم هم مفارقين هذه الدنيا وستدرك غلاتهم لكن بعد قراقهم
3- عامل كل من حواليك كم تحب ان يعاملوك
4- ابذل المعروف دون ان تنتظر الجزاء
5- تأمل في الدنيا وتبصر بها ولا تجعلها ديدنك وهمك الوحيد واجعل كل من اجتاحته مصيه هو عضه لك
6- لا تستعجل بالقرارات والحكم على الاشخاص بأشكالهم الا بعد معاشرتك اياهم .
7- تحكم بنفسك في المواقف الصعبة و توكل على الله في امورك تجدها ميسرة بأذن الله
8- عند الرحلات والتنزهات اخذ الحيطه خصوصا للاطفال من الضياع او لصدم لاقدر الله ويلزم التأكد عند المغادرة من وجود جميع العائلة وتفقد الاغراض الشخصية .
9- عدم الاتكالية على الغير فيما يخصك
10- وليس اخيرا .... المتنزهات هي ملك للجميع فلنحافظ عليها ونجعلها افضل مما كانت عليه .