صـــرخــه مصــــريـه

[ملڪّـہۧ بـگَََـلـِمتـﮯ «]

*******
جوايا صرخة
تجيب أخرك ياوطن
اصرخ فى خربة
يسمعها اللى فى عدن
انفخ فى قربة
تزيد عليا المحن
وتلفحنى كوابيس الأبادة
اتوه في نفسي كالعادة
ويتوه صدايا في الفضا
وبطعم اللضا
عمري انقضا
ومدينتى اللى اشتهيها
عصية ع المنال
مالناش نصيب فيها
جايز
ياحلم الشاعر بالمحال
يعوف الزمن ويخفيها
ولساه القلب يتمنى
ياعمر، مل ، يسـتنى
لسانى فى عميق النوم
وعيلية القوم
الوطن والدار
حواجز علي أغوار
متاريس على أسوار
حاطينا فى المنظار
لا لافته ولا نندار

الجنة ف بلدى .. والنار

وقلة المقدار
والعصبة والأحرار
وضحايا الأونيرواه
مصلوب والحديد إسوار
ياعلة المشوار
عايشين ورا أسوار
يا أرضى يامؤمنه
الخلق ليه مهمله
*****
فرعون علي أغلال
جبروته فى الأطلال
قارون يامكنز مال
مصايبنا م الأهمال
ياكنوز على أموال
ليه ساكته ع الأحوال
يا أرضى يامؤمنه
الخلق ليه مهمله
*****
أمريكا شعلة نار
بجد ولاهزار
العار بيولد عار
خنقـتنى ليل و نهار
فى اللقمة جوه الدار
واخدينها باستهتار
والخطوة بالمندار
ولو فُقنا راح نندار
يا أرضى يامؤمنه
الخلق ليه مهمله

*****
أمريكا فى التوابيت
بالأمر . . وبتوقيت
آخرتها لو فتافيت
هاتفز بينا الأرض
لابتمويل ولا قرض
إيمان العليل بالفرض
نموت علادي الأرض
يا أرضى يامؤمنه
الخلق ليه مهمله

*****
الصخر يصبح ماس
والزرع قوت الناس
ومدينتى ماتنداس
لا أمريكى ولا هلاس
لا خوجــا ولاعباس
مش سهل حكم الناس
يأرضى يامؤمنه
الخلق ليه مهمله

ياأرض واخده الناس
تتوضا بالأحساس
لمينا كلنا
*************

[روميو مجنن البنات]

ضباح العسل
كلمات اكثر من رائعه ومعبره جدا
ثانكس يا ملكه

[ملڪّـہۧ بـگَََـلـِمتـﮯ «]

مرسي يـــــا احمد لمروركـ الرائــــعـ

وردكـ الاروعـ

[شاعر الاقصى]

الله الله

يا ارض يا مؤمنه الخلق ليه مهمله


يا سلام يعني ده ابداع صادق من قلب مصري صميم

كلمة شكرا لا تكفي فقولي لي ما يكفيكي ................................

[ملڪّـہۧ بـگَََـلـِمتـﮯ «]

الله يخليكـ يامحمد مرسي على ردك الاروع من رائـــــع