والنّعمة مش بتدوم

[بحر القمر]

بنت تحجبت ودرست عُلوم شرعيّة؛ فبقت شايفة الباقي في غفلة وأقل منها وضالّين!.

واحد سافر برّا بقى شايف كُل النّاس هنا رجعيين ومُتخلفين!.

واحد تعلّم لُغات كويّس بقى شايف كُل اللي مش معاهُم لُغات جهلة ومش مُثقّفين!.

واحد لعب شويّة رياضة زضبط جسمه بقى شايف الكُل معدوم الإرادة، وأنتو إزّاي عايشين كدة؟.

بنت ربنا كرمها، وإتجوزت بدري شويّة فجأة تغيّرت مع صُحابها وبقت شايفة إنّهُم مش قد المقام مع إنها معملتش حاجة تستدعي تعمل كده!.

واحد جوّز نفسه بنفسه شايف اللي أبوه ساعده مش راجل!.

واحد عمل دراسات برّا البلد بقى شايف كُل المُتعلِّمين في البلد جهلة!.

واحدة عزّلت وسكنت في كمباوند بقت شايفة الباقي شحّاتين!.

ياريت لمّا تحقّقوا إنجاز مش لازم في المُقابل تشوفوا غيركم تافهين، وتستغربوا إزّاي عايشين کده؟.
" كَذَٰلِكَ كُنتُم مِّن قَبْلُ فَمَنَّ اللَّهُ عَلَيْكُمْ "
مِنّ وكرم مِن الله قبل ما تكون شطارة منّك، والنّعمة مش بتدوم إلّا بشُكرها، ويمكن غيرك بحاوِل وفي الطّريق بس مِن غير كلام كثير 🖤