الحلوة دي قامت تفطر مالقيتش رغيف

[فـارس عبد العـزيـز]

الحلوة دي قامت تفطر مالقتش رغيف
والديك ينوح كوكوكوكو باردون يا نظيف
وحكومة عايقة وذكية وميه الميه
وقعده طريه تحت التكييف
صبح الصباح فتاح ياعليم
والبيت مافيهش ولا مليم
لا صحة نافعة ولا تعليم فـ الزمن الزيف
يا مصر يامه أنا فـ عرضك
حرست طولك مع عرضك
والعصبة دي سرقت أرضك
ألطف يا لطيف
يا مصر يامه الله يسامحك
ملامحي ماعادتش ملامحك
النيل فـ أرضك وفين قمحك
جاوب ياخفيف
لما المسائل قوي ماعت
والأرض بالمتر أتباعت
والناس فـ أرض النيل جاعت
في الشتاء والصيف
طول عمري شقيان وبعافر
طب ما أنتي عارفه الجوع كافر
أنا ح أركب البحر وأسافر
أصاد لي رغيف
ولو غرقت أبقي هاتيني
وفي قلب حضنك ضميني
وبطلي عياط وواريني
وبدون مصاريف
القمح بيجي لنا إعانه
واللقمه متعاصة إهانه
الشله تلهف إلا أنا
أنا اصلي عفيف
والحلوة دي قامت تفطر
مالقتش رغيف

بقلمي

[ملڪّـہۧ بـگَََـلـِمتـﮯ «]

ههههههههههههههههههههههه


لا بجــــــد ايهـ الابــــداعـ ده

مرســــــي يـافاري على الموضـــوعـ

[warm heart]

حرام عليك انت خربت الاغنية خالص

دة لو انا سيد درويش كنت جيت عملت فيك شوية حاجات كدة

هههههههههههههههههههههه

تحياتي

زوزو المصرية

[marwoo]

تصدق اجمل ما كتبت واتمنى ان الموضوع ميتحذفش لان ده واقع الشعب مطحوووووون فيه بجد ولازم الواحد يعبر عنه تسلم ومتحرمناش من المواضيع دى

[فــــــــــرح]

جميل جداااااااااااااا عارف ليه؟؟؟
عشان مختلفه عن اللي بتكتبو دايما..
تقبل مروري..

[روز]

ههههههههههههههههه
بجد حلوة اوي وجديدة خالص والله بجد جامدة بصراحة ابدعت