Windows 0.23

[Lamees]

انا متابعة استاذ احمد والموضوع بيشدني
واسلوبك ما زال مشوق وجاذب للمتابعة
سلم الفكر والقلم

[SiLver Spectra]

اقتباس وبقت بتصنع ليه المبرررات وبالتالي تتعاطف مع افعاله فبتصنع شكل جديد مشوه من الناس

اقتباس قت الناس تشوف الكاريزما في الشخصية الشريرة بشكل اوضح واكثر جذب بشكل مختلف عن التقليدية بتاعة الابطال اللي هو كدا كدا لازم اخر الحلقة ينتصر

الشخصية الشريرة بالعكس بتدي بعد اكبر لتقبل الاختلاف بعيدا عن النظرة السطحية بتاعت الخير و الشر المطلق . غالبا اي خلاف بين طرفين بيكون كل طرف له دوافع . مثلا واحد غاضب لو اخدته بالتصنيف البسيط و هو انه غاضب عشان هو شرير و فيلا نكرهه و ننبذه
التصنيف الاحدث و هو انه غاضب عشان عنده مشكلة ما لو قدرت تبني معاه نقاش ممكن تحل المشكلة دي
و دا مش هتقدر تعمله الا بالتعاطف . انك تتعاطف الاول مع مشكلته بعدها ممكن تقدر تعالج القضية و هو نفسه هيهدا . يبقى انت بالطريقه دي بتبني شخصية لها قدرة اكبر على تقبل الاخر

تصدق انا طول عمري بحب الاشرار . و المناسبة مش بتفرج على افينجرز و جوكر و الابطال الخارقين و الجو دا انا كبرت على الحاجات دي )
بس ممكن يكون دا يفسر سبب اني بسمع اكتر للشخص الغاضب و ماعنديش كراهيه اتجاه حد حتى لو اتخانق معايا بعد ما بعدا بشوف دوافعه و بفكر فيها

اقتباس ان احنا نعيد انشاء قصص ابطال خياليين يمكن بسبب قلة الامكانيات او القدرات التكنولوجية علي مر التاريخ واحيانا يمكن تقول ان احنا عندنا ابطال حقيقين علي مر التاريخ صعب تختار ما بينهم انك تحكي عن عظمتهم وماعندناش عجز في القدوة بسبب التنوع علي مدي التاريخ من العصر الفرعوني مثلا او السامري او غيره حتي الآن فمش محتاج تخترع ابطال خياليين ... انت فعليا عندك ابطال حقيقين علي مر تاريخك تقدر تختار القدوة منهم لابنك وتحكيله عنه .. مش محتاج تخلي سوبر مان ال idol بتاعه

عني ايه ماعندوش ابطال حقيقين لكن احنا عندنا !
هو البطل الحقيقي دا لازم يبقى من الف سنة مثلا ماينفعش يبقى النهارده ؟ العلماء و الباحثين دول مش ابطال ؟ عايز مجال حربي ؟ عندهم باتون و ماك ارثر ينفعوا معاك ؟ عندهم جورج واشنطون و ابراهم لينكولن . اقرا بس تاريخهم هتلاقيه حافل بالابطال لو هتسميهم ابطال و لا هو البطل دا بيبقى راكب حصان و من 500 سنة بس

اقتباس وبالتالي هو متعلق بالتغيير بقدر اكبر من تواصله مع جذوره .. وهنا سقطته ليست الا ... التي تجعله يسقط دينيا ثم يتطور الامر لينعكس علي حياته الاجتماعية ... التي تصبح مجرد قمامة ان صح التعبير

ايه هي معاييرك في السقوط و النجاح ؟
معيار شخصي ؟ يعني دا معيار احمد بحد ذاته ؟
هنقول مثلا معيار دينك الاسلام مثلا و برضو دا معيار شخصي
انت مابتشوفش مثلا المشاكل اللي فاشخه المجتمع عندك و لها اسباب دينية ؟ و لها علاقة بالجمود الفكري ؟ القمع و الاضطهاد عدم المساواة و غيره و غيره دا يعتبر نجاح مثلا ؟ هتقولي سقوط برضو : طيب و ايه منبع عدم المساواة و التمييز ؟

لو عايز معيار ففي معيار افضل و هو المعيار الانساني و دا متغير . و فيه انت بتدور على الحقوق بعيدا عن اي جمود فكري . و بطور منه. فلو عايز تقيس قيس بحقوقك هنا و حقوقك في بلد برا . و ماتقوليش اصل الانظمة هي المشكلة لان مجتمعك اسوء بكتير من النظام و النظام دا هو نتائج المجتمع مش العكس . انا ممكن اسردلك مليون موقف شخصي و عام ابينلك اد ايه احنا ساقطين انسانيا و المواقف دي متكرره مش حالات شاذه و المجتمع مش بيجبلك اي حق بالعكس بيدوس عليك بالجزمة و احيانا بيكون عنده دوافع دينية انا فاهم ان البشر مش ملايكه و الجرائم اي حد بيرتكبها بس في فرق بين مجتمع بيرفض و مجتمع بيتقبل بسبب جموده الفكري بل انه بيبرر دا كمان و دا هو السقوط الحقيقي مش لبس واحده عالبحر !!
انت في مجال حقوق الانسان في مزبلة العالم
و تاني انا هنا مش بتكلم عن السياسة و معتقلي الراي و بس
انا بتكلم بشكل اوسع اجتماعيا و دينيا . و مش عايز اضرب امثلة عشان الموضوع مش هيتلم بعدها و بصراحة ماعنديش وقت للجدال فيها لكن هي قضايا هتلاقيها موجوده في السوشيال ميديا كل يوم و في حياتك اليومية

[ahmed 22]

اقتباس المشاركة الأصلية كتبت بواسطة lamees انا متابعة استاذ احمد والموضوع بيشدني واسلوبك ما زال مشوق وجاذب للمتابعة سلم الفكر والقلم

تسلمي لميس علي زوءك ومتابعتك والله
سعدت بحضورك
كل التقدير لشخصك الراقي

[ahmed 22]

اقتباس الشخصية الشريرة بالعكس بتدي بعد اكبر لتقبل الاختلاف بعيدا عن النظرة السطحية بتاعت الخير و الشر المطلق . غالبا اي خلاف بين طرفين بيكون كل طرف له دوافع . مثلا واحد غاضب لو اخدته بالتصنيف البسيط و هو انه غاضب عشان هو شرير و فيلا نكرهه و ننبذه التصنيف الاحدث و هو انه غاضب عشان عنده مشكلة ما لو قدرت تبني معاه نقاش ممكن تحل المشكلة دي و دا مش هتقدر تعمله الا بالتعاطف . انك تتعاطف الاول مع مشكلته بعدها ممكن تقدر تعالج القضية و هو نفسه هيهدا . يبقى انت بالطريقه دي بتبني شخصية لها قدرة اكبر على تقبل الاخر تصدق انا طول عمري بحب الاشرار . و المناسبة مش بتفرج على افينجرز و جوكر و الابطال الخارقين و الجو دا انا كبرت على الحاجات دي ) بس ممكن يكون دا يفسر سبب اني بسمع اكتر للشخص الغاضب و ماعنديش كراهيه اتجاه حد حتى لو اتخانق معايا بعد ما بعدا بشوف دوافعه و بفكر فيها

هل كل الناس سيلفر سبيكتر ؟؟؟؟
هل كل الناس دكاترة واخصائيين نفسيين مشكلتهم فقط انهم يتعاطفوا ويحلو ويتفهموا ؟
ولا الناس زي ما فيها محللين واخصائين او ناس مهتمين زيي وزيك ... فيه ناس كتير قريبين من المرض النفسي
فهل منطقك الشخصي بيتبني عليه افكار ودوافع المجتمع ككل في رؤيته للخير والشر ؟
هل كل الناس هتقعد تتبني وجهة نظر الشر وتتفهمه وتعالجه ؟
هل كان الناس معيارها هو معيار سيلفر سبيتكر ؟؟

انا بس حبيت ابدأ كما انت انتهيت في اخر جزء من ردك

علي فكرة انا من وانا صغير متابع للافلام الاجنبية والمسلسلات
وشفت نوعيات من الشر بتقدم الشخصيات بطريقة معقدة بشكل مخيف ..
لدرجة انك ممكن تتعمق داخل اذيال الشخصية ...عشان توجدلها المبررات بدلا من العلاج ..
الافلام النفسية اللي بتخترق الناس كتيرة ....واللي بتفتح عقول الناس
لأفاق اكبر في الجريمة وانها زي تفلت من العقاب اكتر ...

ميزة ادوار الشر المطلق انها بتسد ليك ثغرات للمبررات اللي ممكن تحولك لشخص مجرم
وبتمنعك انك تتعمق بتفاصيل يتعلق بيها عقلك الباطن وتهديه لطريق انت احتمال تكون قريب منه عاطفيا
في اللحظة دي

مشكلة الافلام او المسلسلات بشكل عام انها مش بتصطدم بالشخص
في الوقت اللي يتختاره مناسب لنفسيته وحياته وحالته
انت ممكن تشو فيلم او مسلسل في اي حالة انت موجود بيها لمجرد الملل
وبالتالي انت مش بطبيعة الحال بتكون مهيأ عقلك طول الوقت ومبرمجه لاستيعاب ما يراه
وبالتالي الافلام مش هي اللي بتختار الناس اللي بتشوفها
الناس عشوائيا سواء ممكن يكون مرضي نفسيين او مرتبكين عاطفيا
او غيره الوقت هو اللي بيختارهم انهم يتابعوا ويشوفوا وبالتالي التأثير بيختلف
مش شخص للتاني ومن حالة للتانية ..

وبرضه انت لو اقتربت من فكرة شخصية بتبرر للشر واتأثرت بيها
فده لسبب انت لمجرد شوفت شو او فيلم او حكاية لناس اتعاطفت معاها
فبطبيعة الحال وشكل المجتمع الحالي انت ممكن فعليا تعمل نفس الموضوع بدافع الموضة بس
او لفت النظر او حب الشهرة .. وده داء العصر حاليا وانت اكيد عارف ...
لأن العقول اختلفت وجدا ..


و مش كل الناس هتشوف الشرير وتناقش اسباب تحوله وتحول الموضوع لامر فلسفي
انت بس يمكن ناسي انه في ناس هتشوف الشرير
وتقتدي بيه لمجرد انه قريب من نفس التراك الفكري بتاعه ...
وده علي فكرة موجود في العالم وبكثرة وانت عارف واول البلاد هي امريكا ..
يعني تأثير صناعة الافلام علي المجتمع امر واقع مش نسج من خيالنا ...
بدليل انها اقوي صناعة موجودة في العالم ..

ثانيا

الشر هو امر حتمي ولا مفر ووجوده بيخلق التوازن في المجتمع ووجوده ايضا بيبرز الخير والجمال
ولكن نحن الآن في مجتمع ذو شكل مختلف شئنا ام ابينا ...

العالم الآن ليس كمان كان منذ 50 عام حتي ...
العالم الآن تعددت فيه انواع الشر وطرق القيام بيه بتعدد اشكال ما يتم تقديمه علي شاشات التلفاز
وتلك ليست المشكلة ... المشكلة انك تظن طول الوقت ان التلفاز او السينما او النت او الميديا عامة
هي النافذة التي تظن انك من خلالها
تستطيع ان تغير العالم للاحسن ولكنك تزيده سوءا دون ان تدري ...
ودي المتلازمة الاكبر في التاريخ ..

انا هقولك مثال هيأكدلك وجهة نظري
انا حابب حضرتك تقرأ قصة تيد بندي ... يمكن هو السفاح والمغتصب الامريكي الاشهر
وشوف الناس ازاي حبيته ... وشوف ازاي القاضي نفسه وهو كان بيحكم عليه بالاعدام
كان متأثر مع انه قاتل متسليسل ومغتصب ...
وازاي هو استخدم الصحافة وصوته لما عمل صفقة من خلالها يروي فيها قصة حياته
فيه انه يخلي الناس تنجذب ليه وتهتم بيه تتعاطف معاه بشكل غير مسبوق

لأننا بتتناسي ان فيه ناس قتلة وعباقرة في نفس الوقت. ..
وفي برضه كتاب وفلاسفة عباقرة ممكن يخلوك تتعمق في العقيدة بتاعتهم
او ايمانهم لدرجة انك تتناسي الواقع المحيط والمعطيات العامة للمجتمع السوي

اقرأ قصة السفاح دي وهي تقريبا علي ما اتذكر في الثمانينات او السبعينات ...
وشوف الناس وقتها يا هل
حللوا شخصية القاتل وعرفوا مشاكله فقيموه للافضل..
ولا اعجبوا بيه والبعض حاول يسلك طريقه ؟؟؟


وعلي فكرة انا لسا مانتهتش من قصة تيد بندي
هرجعلها بعدين في نفس الرد

وبعدين سيبك من فكرة سواء سيلفر ولا احمد بيشوفوا القصص المصورة ولا افلام السوبر هيروز
بتاع اطفال ولا كبار .... مش احنا المقياس او المعيار برضه
شوف ايرادات الافلام دي لما بتنزل بتوصل لارقام قياسية ازاي ...
دي صناعة بحد ذاتها .. القائمين عليها بالملايين
سواء في الرسم او الانتاج او الجرافيك ...
ومخترع معظم الابطال في عالم مارفل اللي هو ستان لي ده مثلا
لحد سن 70 او 80 هوسه انه كان يخترع شخصيات ابطال ..
زي ما في ناس في امريكا لحد سن الخمسين والستين هوسها
انها تجمع اصدارات القصص المصورة وبعد 50 ولا 60 سنة
ممكن ابنائهم يبيعوا الاصدارات بمئات الاف من الدولارات
عشان دي اصدار اول للقصة وبتاع
مش انت ولا انا المعيار صدقني ..

[ahmed 22]

اقتباس عني ايه ماعندوش ابطال حقيقين لكن احنا عندنا ! هو البطل الحقيقي دا لازم يبقى من الف سنة مثلا ماينفعش يبقى النهارده ؟ العلماء و الباحثين دول مش ابطال ؟ عايز مجال حربي ؟ عندهم باتون و ماك ارثر ينفعوا معاك ؟ عندهم جورج واشنطون و ابراهم لينكولن . اقرا بس تاريخهم هتلاقيه حافل بالابطال لو هتسميهم ابطال و لا هو البطل دا بيبقى راكب حصان و من 500 سنة بس

انت عارف الاربع اسماء دول فيه ثلاثة منهم مثلا كانوا في القرن ال 19 وال 18
وجورج واشنطن كان في القرن 17 .... يعني يمكن حياتهم اتوثقت في كتب
واتباعت للناس وبقت في ايد شبابهم واطفال يمكن في نص القرن اللي فات ولا حاجة
يعني التاريخ بيدرس عندهم طازة بطازة زي ما بيتقال ...

انت عارف اول قصة مصورة كانت سنة كام .؟
1896 ..

يمكن يا سيلفر ماقريتش كلامي كويس
امريكا هي قارة بعرف التاريخ هي ناشئة ... لسا بنت امبارح ... وده مش كلام جديد
ده مش يعيب امريكا ... هي بس يعيبها ازاي تمت تنشأتها بابادة نوع كامل من البشر
اسمهم الهنود الحمر علي مدي 3 او اربع قرون كاملة .. عشان ياخدوا مكانهم وهما قادمين من اوروبا
وملوا المكان بالامراض وحوار كدا كبير انت اكيد عارفه

فأنت لما يكون نشأتك بأنك تمحي فصيل كامل من البشر بدم بارد وبأبشع الطرق...
فأنت المفروض هتحكي عن مين في هرم السلطة
بدون ما تدوس فيه وتحكي عن الظلم والاضطهاد اللي قامت عليه امريكا
لازم هيكون فيه كلام وحقائق فيها الكثير من التدليس عشان بتحاول تخفي شكل مؤسف
روادك واجدادك ساهموا فيه ..
وتزرع مثالية في اطفال انت مش مبني عليها كمجتمع ...
وهيحكوا عن مين في الهرم الاجتماعي
اللي لحد كام سنة فاتوا ولا لحد النهادرة حتي
مش قادرين يقضوا علي العنصرية تجاه السود والقتل المسلح واضطهادهم
حتي يوم قريب...
اللي لو هترجع لقصة تيد بيندي .. في الوقت اللي كان بيتم محاكمته فيه
وكان قاضي المحكمة بيواسيه وبيشيد بذكائه وابداعه وهو بيحكم عليه

كان في دونالد ترامب وقتها لما كان رجل اعمال
اصدر بيانا يطالب فيه باعدام خمس اشخاص من ذوي البشرة السوداء
اعمارهم ما بين 14-16 سنة بتهمة اغتصاب فتاة في منتزه
ولم ينالوا خمس معاملة بيندي حتي ولا اعطوهم الفرصة للدفاع عن انفسهم
وتم وصفهم بالحيوانات ... في حين بيندي المغتصب والقاتل المتسلسل كانوا بيشيدوا بيه
وبعد 10 سنوات وقضاء معظمهم حكمه لنهايته
تم تبرئتهم من التهمة ... فقط لانهم اصحاب بشرة سوداء
والكلام ده قريب .. وحوادث قتل السود بالعنصرية لحد سنة واتنين
لسا بتهز امريكا لحد النهاردة ...

فين القدوة وفين المثال من بلد اساسه مبني علي العنصرية ؟

وبعدين هاتلي طفل اول ما هيتولد ويبدأ يكون عنده 6 ولا 7 سنين
هيقولك انا عاوز ابقا عالم ولا باحث
عشان اينشنتاين ولا تسلا
الطفل في المرحلة دي عاوز القدوة الانسانية الاخلاقية صاحبة المواقف في البداية
مش العلمية لازم يكون فيه قدوة اخلاقية واضحة في المجتمعات السوية
وليه معالم بارزة وليه مواقف تبرز دوره كقدوة
وده اللي انا كان قصدي عليه
مش لازم يكون راكب حصان ...
مع ان عندهم الكاوي بويز ثقافة في الغرب الامريكي
بس لازم يكون متسم بالاصالة ...
وده الي بتفتقده امريكا
وده اصلا كان محتوي الطرح الاساسي
لو كنت كملت قراية في الردود ...

واصلا كان المفروض فيه تكملة كمان للطرح بس كسلت الصراحة ...

اقتباس ايه هي معاييرك في السقوط و النجاح ؟ معيار شخصي ؟ يعني دا معيار احمد بحد ذاته ؟ هنقول مثلا معيار دينك الاسلام مثلا و برضو دا معيار شخصي انت مابتشوفش مثلا المشاكل اللي فاشخه المجتمع عندك و لها اسباب دينية ؟ و لها علاقة بالجمود الفكري ؟ القمع و الاضطهاد عدم المساواة و غيره و غيره دا يعتبر نجاح مثلا ؟ هتقولي سقوط برضو : طيب و ايه منبع عدم المساواة و التمييز ؟

تعالي بقا نرجع للمعيار بتاع السقوط والنجاح

انا عاوزك تراجع الجزء اللي انت مقتبسه
انا كان تركيزي كله علي عماد أي مجتمع
وهو الشكل الاجتماعي قبل السياسي او الديني...

الشكل الاجتماعي لأي مجتمع هو اساس استمرارية أي مجتمع لقرون والفيات ...
الشكل السياسي متغير .. بتغير سلطة وشخص
ام الاجتماعي فبتأسس فيه وبتظهر نتايجه
بعد كل كام عقد ... وبالتالي هو الاخطر علي المدي البعيد
طبقا لهذا التأسيس اللي بيأثر علي شكل اجيال كاملة

و دي قناعات مبنية علي اراء تخص مفكرينهم كغرب
ويمكن انا مقتنع بفكرة من زمان ويمكن ببرزها من وقت للتاني لو ليها مكان مناسب في طرح
وهي ان المجتمعات الغربية او المجتمع الامريكي هما اقرب للبدائية اجتماعيا اكثر منه تطور

هناك انفراط اخلاقي كبير ... واصبح لهذا التدهور قوانين تحميه ...
واقرب مثاليين ...( المثلية – صناعة البورنو) عاوز اعرف ايه رأيك هل هنا الانفتاح الفكري
الغير مقنن بقواعد اخلاقية واضحة افضل ... ام جمودنا الذي قد يجعله المستقبل افضل ان كان هناك
انفتاح بتقنين عصري ... اقصد اننا مازلنا نملك الفرصة ...

هناك فجوة في المنظومة الاجتماعية والاسرية .. زيادة الاطفال غير الشرعيين الذي قد يصل للثلث في اوروبا
وايضا قلة الزواج وقلة الانجاب وزيادة نسب الاعتداء علي الاطفال او زواج المثليين
او ما يحكم تلك الامور كلها وهي العلاقات المفتوحة بين الجنسين ..

وكل هذا اصبحت هناك قوانين تحميه وبالتالي لا مجال للعودة ...عندما يكون للقانون هو الحاكم
وبرضه علي ما اتذكر قلت قبل كدا

فيه مفكر كبير اسمه فوكوياما ليه نظرية بتقول ان نصف سكان اوروبا سيكون معدل اعمارهم فوق الخمسين
خلال عشرين او خمسين عام وسيؤدي هذا الي تدهور الدخل القومي واضعاف تلك الدول وعدد سكانها
نتيجة القيم اللي ذكرناها اعلاه في الكام قرن اللي فاتوا ...
واللي ادي الي انفراط العقد الاسري والاخلاقي ...

وبالتالي الموضوع مش بقوله جدعنة مني ولا حاجة ولا معيار شخصي
المعيار في دراسات هما نفسهم بيحاولوا يصلحوا منها ولكن من الصعب تغيير
ما وصلوا اليه ... لانها اصبحت جذور ..
وبالتالي هم اقرب للانهيار ...

انا عارف قصدك وفاهم انك بتقول اننا مش احسن منهم وفينا العبر ..
ولكن اولا واخيرا ان كل تقدم ليس متبوعا بدوافع ومبادئ صحيحة لن يستمر طويلا ...
وكل وضع قابل للتغيير ...

مجتمعنا يعلم علي الاقل انه مخطئ وان هناك بعض الامور هي خط احمر ومازال يوجد بعضا من حمرة الخجل
زي ما بيتقال كدا ...
ربما حاليا يحاول البعض ان يتسلق عليها ويجعلها متاحا طبقا للعولمة
ولكن مازال هناك امل ... طالما لم نصل لنقطة اللا عودة الاخلاقية ...

[SiLver Spectra]

اقتباس ميزة ادوار الشر المطلق انها بتسد ليك ثغرات للمبررات اللي ممكن تحولك لشخص مجرم وبتمنعك انك تتعمق بتفاصيل يتعلق بيها عقلك الباطن وتهديه لطريق انت احتمال تكون قريب منه عاطفيا في اللحظة دي

الشر المطلق فكرة عصور وسطى و دا بينتج عنه كراهيه عمياء
البشرية عاشت ف الفكرة دي أغلب وقتها , التغير كان في اخر 30 سنة مثلا بدأ يبقى في ابعاد اكثر عمق للشخصيات , البطل بيرتكب أخطاء و الشرير بيرتكب أفعال أخلاقية أحيانا , و مش بشوف دي مؤامرة بشوف ان دا تطور في السرد
و صدق أو لأ فالفترة اللي البشر فيها بقوا بيسردوا قصص فيها ابعاد للشخصية الشريرة هي أكثر الفترات سلما
في حين أغلب عمر البشرية اللي كان فيها الشر و الخير مطلق كانت أكثر الفترات تعصبا و قتل, لأنك في الفكرة دي بتعمل توجيه أكتر للشخص و بتقوله اكره فلان و حب علان , حاجه زي الاعلام الموجه
و هنا أنا مش بتكمل عن فيلم بحد ذاته أنا بتكلم في الفكرة عموما
لما بشوف فيلم الكاتب او المخرج بيوجهني فيه زي الطفل أنا بقفله و مش بكمله
و أظن الأمور بتقاس بالأسوياء مش بالحالات الشاذه
انت بتقولي مثال قصة السفاح و القاضي تأثر , هو فين المشكلة ؟
ما دا طبيعي انك بتتأثر بمعاناة الشخص . و اصلا العقوبة فكرها الاحدث هي للاصلاح مش للانتتقام
و عشان تصلح لازم تتفاهم مش انك تنتقم , و التفاهم مش معناه انك بتطلقه للمجتمع أو بتسيبه يرتكب جرمه , لكن انك بتعالج الدوافع و المشاكل النفسية و دا عمرك ما تقدر تحققه الا بالتعاطف و التفاهم

و خلينا هنا نتكلم عن قضية فتيات التيك توك
بنات بترقص في فيديوهات , فطبعا احنا عشان مجتمع اخلاقه عالية فعمل ايه ؟ حكم علبهم بالسجن و فشخهم
شوف مثلا التعليقات بتاعت الناس اللي بتتشفى . او حتى اللي بتتعاطف مع استغاثة البنت , البنت كان ليها فيديو يقطع القلب ..فحتى التعليقات اللي بتتعاطف معاها بتقول يعني خلاص كفايه عليها قرصة الودن دي و ربنا يعينك
حد فكر للحظه انك بتعملها truma و عقده نفسية ممكن تفضل عمرها كلو بتعاني منها بسبب الاسلوب و الطريقه اللي انت عاملتها بيها ؟
لأ ماحدش بيهتم بالجانب النفسي دا لان انت عارف اننا ناجحين دينيا و الحمد لله مش زي الغرب الساقط
الغرب الساقط اللي بياخد تعويضات نفسية بالملايين لأقل فعل ,,عارف ليه ؟ عشان الصحة النفسية ما بتتعوضش
لكن طبعا الرقص دا بيدمر المجتمعات . بينسفها نسف لدرجة اننا بنتمنى نروح للمجتمعات اللي بترقص عشان نعيش الحرية بتاعتهم

سمعت عن احمد عبده ماهر ؟

اقتباس يمكن يا سيلفر ماقريتش كلامي كويس امريكا هي قارة بعرف التاريخ هي ناشئة ... لسا بنت امبارح ... وده مش كلام جديد ده مش يعيب امريكا ... هي بس يعيبها ازاي تمت تنشأتها بابادة نوع كامل من البشر اسمهم الهنود الحمر علي مدي 3 او اربع قرون كاملة .. عشان ياخدوا مكانهم وهما قادمين من اوروبا وملوا المكان بالامراض وحوار كدا كبير انت اكيد عارفه

ايه الجديد في كلام انهم لسه تاريخهم من 300 سنة بس , ماشي
هما فين دلوقتي و انت فين ؟ هنفضل نقول ماعندهمش تاريخ ..ماشي بعدين ؟
و انت عمرك 30 سنة زي ما انت كاتب . و احنا ياسيدي كلنا بشر في النهاية و من سلاسة واحدة
انت حضاره فشيخة و عظيمة و كل حاجه انت عايزها ..بس دا في الماضي مش هيديك حاجه في الحاضر و انت عايش في عشوائيات
ليه نظرتك للحاضر فيها استحقار ؟ و للماضي فيها تمجيد ؟

و بمناسبة الابادة ,,سمعت عن ابادة يهود بني قريظة؟

و ما تفتكرش اني بدافع عن امريكا و لا غيرها . انا عايزك تتخيل بس ان جدك يكون مثلا ارتكب جريمة ما فاحنا نيجي و نحاسبك على الجريمة دي و نعتبرها عار عليك و كل ما تيجي تتكمل عن اي حاجه نقولك يا حفيد المجرم ..
تبقى انت مثلا باقيت دكتور و لا عالم و نقولك ماشي ماشي بس انت برضو حفيد المجرم . ايه لازمة اني احاسبك على ماضي اصلا مش بتاعك ..و اكيد لو تتبعنا اصولنا هنلاقينا كلنا احفادنا ارتكبوا جرائم بتصنيفنا الحالي ليها

اقتباس هناك انفراط اخلاقي كبير ... واصبح لهذا التدهور قوانين تحميه ... واقرب مثاليين ...( المثلية – صناعة البورنو) عاوز اعرف ايه رأيك هل هنا الانفتاح الفكري الغير مقنن بقواعد اخلاقية واضحة افضل ... ام جمودنا الذي قد يجعله المستقبل افضل ان كان هناك انفتاح بتقنين عصري ... اقصد اننا مازلنا نملك الفرصة ...

انت ايه اللي بتفهمه من الحركة اللي بتعملها الشركات من دعم المثليين ,,انت بتفهمها مثلا انهم بيدعوا العالم للمثلية الجنسية ؟ و لا بتفهمها انهم بيدعموا فئة بتتعرض للاضطهاد ؟ زي دعم المرأة كدا
أنا مالي اصلا بيمول أحمد الجنسية . ابقى منشغل هو بيميل لراجل و لا لست ..دي حاجه هتفرق معيا في ايه ؟ انا ليه بميولي الشخصية و ما احكمش بميولي على غيري ,,يعني الحاجه اللي انا بحبها مش لازم الناس تحبها زي و الا اقمعهم و افشخهم و ابهدلهم ,,دا يا سيدي الفرق بين الليفل بتاعك في الحريات و الليفل بتاعهم ..انت مثلا في ليفل 3 لسه بتفكر في ان عايزين نعارض الحكومة ..و هو في ليفل 30 بيتكلم عن انه لا يقمع احد في ميوله الجنسية و لازم الكل ياخد حقوقه
و حتى علميا الموضوع جيني و لم يعد يصنف كمرض ..في اختلافات في الهرمونات و كمية مخه و غيرها بتخلي الشخص ميوله مختلفه
و ماحدش بيغير ميوله ما تقلقش و لو غيرها حتى فأنا مالي هو نايم مع مين ؟

صناعة البورنو ..مالها برضو ما كل الناس بتتفرج عليها ؟ و بعدين ماهي طاقة جنسية هتروج فين ؟ هنعدي نشتري جارية من اخر الشارع مثلا زي زمان ؟
الموضوع سلمي و بتختاره بارادتك بدل ما الطاقة دي تتفجر في الشارع ..انت متخيل اصلا ان منع البورنو هيقلل الجرائم الجنسية و لا هيزودها ؟
و الناس القائمة على هذا العمل اللي احنا بتحتاجهم في وقت ما بيفيدونا فليه نكرههم ؟
هتقولي انه غير اخلاقي ..ماحدش برضو بيقولك اشتغل الشغلانة دي , و لا بيجبرك تتفرج عليهم
المنع عمره ما بيقى حل , التقنين هو الحل
و عشان تقنن لازم تكون واقعي و الا هتعيش في عالم مالوش اي علاقة بالواقع

انا عارف ان راي و كلامي جريئ و مش اي حد بيتكلم كدا و اننا مجتمع بيحب يعيش حياة سرية و حياة علنية
بس صدقني انا ببقى مبسوط جدا ان حياتي متسقه مع افكاري
و دي حاجه ما حصلتش في يوم و ليله ,,دا مشوار طويل سلكته في مجتمع عايش بالتلقين

انا اسمي طارق )

[ahmed 22]

عاشت الاسامي يا استاذ طارق
اعذر جهلي باسمك ...

طيب
خلينا نبدأ من حيث انت انتهيت ...
يمكن ردك الأخير وضح ليا الي حد كبير
اين تقف ..

وبالتالي خلينا نتناقش من منذور مختلف
جميل ان حياتك تتسق مع افكارك وانت راضي عن نفسك ...

بس في الاول والاخر هي حياتك انت
معاييرك انت ...
وهنا انت خلطت الخاص بالعام .

لأن دي
مش معايير مجتمعنا ولا معايير هويتنا
اللي المفروض بتصنع الشخص القائم بدينه ..
ولا المعايير اللي بترزعها فيمن سيخلفنا من ابنائنا وعائلتنا ...
كلامك فاهم هو نابع من ايه ...
بس احيانا بننسي احنا هنا ليه ...
واحيانا بييجي وقت بنشوف فيه الحياة بشكل رمادي
مش قادرين نميز فيه الصالح العام لمجتمعنا
لمجرد اننا في الجانب الاسفل من المعادلة
وكآن هذا من المفترض ان يدوم ...
وكآن هذا لابد ان يجعلنا لا نرفع رؤسنا ونطالب بالأصح
في مجتمع ملئ بأخطاء وعيوب
جعلتنا نتأقلم علي وجودها وبالتالي أصبحنا لا نعي اين نحن
وما هي رسالتنا .. والي أي جانب نقف ؟

وهكون صريح وجرئ معاك برضه انا بشوف الامور بشكل مختلف
انا حياتي لا تتسق مع افكاري ...
بس ده بيعطيني بعض الرضا الي حد ما
لسبب واحد فقط اني حتي الآن لم انساق بالامر الواقع فكريا ولم اخضع له
وان كنت اتعامل مع عواقبه عمليا ..
ولذلك وجب جهاد النفس ...

بعض الامور في الحياة مخزية بشكل مقرف ولكن هذا لا يجب ان يعطيني
المبرر لأن اسلم بيها بمفهومها ...



ده اولا

ثانيا

شوف لك ان تعتبر المثلية مرض او لا .. اختلف الغرب انفسهم في توصيف الموضوع

ولكن تحت الابهام اقروا الكثير من الحقوق تأسس للظاهرة لتنتشر وتتسع
..
ولكن ان كنت تعتبره مرض جيني او نفسه .. فهو مرض اسس لظاهرة
الامر فرض الشذوذ الجنسي علي المجتمع باتساع الظاهرة دون علاج
لتمارسه في العلن ..
ومن الشذوذ تم اقرار قوانين بالزواج ...
وبالتالي اخل بالطبيعة السوية البشرية
فبقدرة قادر كدا تضاعف عدد المثليين في فترة بسيطة جدا بشكل مخيف
الناس بتنسي ان الامر لا يقتصر علي الرجال فقط ... بل النساء ايضا
وبالتالي الامر اصبح بداعي المتعة والتجربة
ثم الانسياق الي تلك الحياة بشكل ما ..

ومع الوقت اصبح هناك من يسمون انفسهم بثنائي الميول ..
يعني يقدر يمارس الجنس سواء مع ذكر او انثي ..
الامر اصبح مقترن بالمتعة والتجربة اكثر منه مرض
وتلك هي الظاهرة التي تم تأسيسها في مجتمع عند التغاضي عن سوئاتها
وبالتالي انخرط المجتمع في اثم اشد
وبالتالي ان كانت المثلية او الشذوذ مرض نفسي او جيني فقط
فلما اهلك الله قوم لوط ونعتهم بالقوم الفاسقين بسبب ممارستهم لهذا للشذوذ ؟
وبالتالي اين سيكون التقنين في ظاهرة اصبحت لها قوانين تحميها ؟
لن يكون هناك سوي اتساع وانتشار بشكل مهول

والامر وما فيه وهو اين نحن من قناعتنا الدينية ؟
ان كنا سنعيش علي هوي العصر فسنتكيف معه
دون النظر الي رسالتنا التي يجب ان لا ننسي اين نحن منها ؟

والامر كذلك فيما يخص صناعة الافلام الاباحية
ان كنت قد قمت بتأسيس الحماية لممارسة الامر
وجعلت من نجوم تلك الافلام شخصيات عامة ومهمة
وبالتالي اصبح لهم مهرجانات
انت اسست لظاهرة بفعاليات وقوانين فكيف ستقننها ؟؟

لا تجعل الموضوع متعلق بشخص يفجر طاقاته الجنسية عند مشاهدة فيلم او مقطع
مش عارف هو ايه شعور شخص ربنا رزقه بعيل وشافه مثلا بيفجر طاقاته علي فيلم
زي ما انت بتقول.. هيكون ايه وجهة نظره ايه في الموقف لما يلاقيه مدمن .. ايه وجهة نظرك انت لو واجهت الموقف ده ؟
انت متخيل ليه الصورة متقطعة مش دايمة ...
الموضوع ادمان مش مجرد مشهد وانتهي ..

وايضا الامر ليس مقتصر فقط علي الموجه لهم الصناعة
ولكن القائمين بيها
هناك اكثر من 7 ولا 8 مليون موقع اباحي وبالتالي اكثر من 25 مليون شخص علي الاقل قائمين بالترويج فقط لتلك المواقع لو حسبنا ان كل موقع قايم بيه 4 او 5 اشخاص مثلا ما بين تنزيل مقاطع او الترويج ليها بحيث اكون اسمها متصدر علي مواقع البحث ...
وبالتالي علي الاقل 25 مليون شخص يحاولون يوميا التوغل داخل كل العقول
باستخدام كل الطرق والدعايا لكي يجذبون 8 مليار شخص لمشاهدة
دول غير القائمين بالصناعة نفسها
تخيل ان 25 % من المواقع الموجودة علي محركات البحث الانترنت هي اباحية

تخيل ان الصناعة الاكثر ربحا في العالم مرتكزة مداعبة غرايزك وشهواتك هي الاباحية
وبالتالي الامر لا يقتصر علي انك تقول ان الامر بداعي الحريات ...
عاوز تتفرج اتفضل .. مش عاوزتتفرج ماتتفرجش ...
لا يا زميلي ... ده كلام مستهلك ..
هتقولي الحل ايه .. هقولك الله اعلم ..
فيه ناس مهمتها ترصد ظاهرة
واخرين مهمتهم علاجها ... الي ما يشاء الله ..
انا مهمتي حاليا ان ليا رأي عاوز ادعمه بحقائق
عشان الكلام اللي بنقوله مسؤلية
الجرأة فيه مش دايما بتزيد من قيمة صاحبها
ولكن الحرص علي من يقرأ الكلمات اللي بندونها ولو حتي لشخص واحد
حتي لا يظن ان الموضوع طبيعي وانه لا بأس في ان يقوم بهذا وذاك
بمنتهي البساطة .. بل هو فعل خاطئ وله سوءاته وتبعاته

البعض وانا اعلم جيدا فطرتهم اصبحت ملوثة
بالتالي يعلمون الصحيح ولكن لا يقومون به
ولكن اخرين فطرتهم مازلت علي الشاطئ
فلندعهم هناك بعض الوقت علهم يكونون الامل في المستقبل


ثالثا

وهنا بتكلم عن قناعة
مفهوم التطور والتقدم في بعض الامم وسقوط اخرين انت بتتكلم فيه بشكل قاصر

حركة الامم بشكل عام ما بين سقوطها ونهوضها
سنة من سنن الله الكونية وليه حكمته فيها ..
لا شقاء دائم ولا نعيم مستمر ..

ماحدش بيمتلك القمة الي ما لا نهاية
ولا حد بيعيش في القاع لحد ما يزول ...

الاية الكريمة بتقول :

وتلك الأيام نداولها بين الناس

صدق الله العظيم

انا علي فكرة لو هتعرفني هتفهم اني مش من بتوع الفشخرة بالماضي
ولكن هذا الطرح ليس متعلق بينا نحن كعرب ...
لماذا دائما يجب ان يكون الامر متعلق بينا ...؟
هذا طرح للنقاش لشئ جيه في بالي
بصفتي بشوف بعض القضايا بتجذبني بتخصهم
فبكلم فيها ...
فمش لازم اجلد في نفسي ليل ونهار وابص دايما في الارض
وماكلمش عن بعض العيوب اللي بتقابل حياتهم

هتقولي خلينا في خيبتنا ونفسنا
هقولك يا عم ما احنا عايشين فيها بمنتهي البساطة
بس ليه لازم نتعلق بخيبتنا بقدر يخلينا نجعل من الاخرين ميزان لينا في الحياة
علي فكرة معظم ما اطرحه واشمل الغرب فيه
لأقول انهم ليس مقياسنا للنجاح ولا الفشل
وان طريقنا لا يجب ان يكون كوبي وبيست من طريقهم
ودي مشكلتنا اللي احنا واقعين فيها
ان احنا دايما بنتلمس خطاهم دون النظر
في جذورنا ..

انا فاهم هما فين تكنولوجيا وحضاريا واحنا فين .. وهذا هو الحاضر
بس فاهم برضه ان هناك مستقبل .. لمن يريد ان يقرآه بمعطيات الحاضر
وهذا ما كنت اناقشه بكلام بعض مفكريهم ليس اكثر ولا اقل
وكان تركيزي علي الجانب الاجتماعي وتأثيره عليهم مستقبلا ..
انا هنا اناقش اين سيكونون بما هم فيه الآن وذكرته في الرد الماضي ولم تناقشني فيه ؟
فهل هذا يعيب ؟

رابعا

ماحدش قال ان هناك مجتمعات بلا خطيئة وبلا ماضي دموي ..
انا كل ما اقوله ان امريكا هي مجتمع ذات هوية في طور التكوين
وليس الاكتمال ... وبالتالي لا تستطيع ان تأخذهم كنموذج ناجح تقتدي به ..
هم مازالوا قيد التجربة في هذا العالم الحديث ..
هم يقودون العالم الحديث الآن ...
ولكن ليست كل قيادة آمنة .. بل تتبدل بين الحين والآخر
الأن امريكا ... وغدا الصين ... وبعد غدا من يعلم

وبمعني اخر عندما تناقشني عن بعض الامور ذات الشبهات الدموية
مثل يهود بني قريظة وغيرهم... صدقني عندما اقول انني لا اعلم عن الموضوع شئ
وصدقني انني سأقول انني اسلم بكلامك دون ان اقرأ او ابحث
فلن ادخل في جدال تاريخي معك ...
ولن ادافع فقط لأنه الاسلام وهو منزه ..
الاسلام منزه ولكن البشر غير منزهين عن الخطئ
والقائمين بالدين بشر ... اخطائهم واردة
ومن يقول غير هذا مجنون
فليس هناك مثالية لبشر .
ولكن حسنات التاريخ الاسلامي تغني عن اخطاء البعض في تقدير الصورة احيانا
تاريخ منوع بالعطاء والفخر والمواقف التي تملئ الكتب
وبعض الذلات ... التي احيانا ندافع عنها بدافع التقديس
وليس طبيعة البشر التي تميل للخطأ او بعض الشخصيات في التاريخ
التي تأخذه لمنحني غير ما خلق له ..
وهذا كله حدث علي مدار 1500 عام من ظهور الاسلام

ام انني اقول ان امريكا ذات ال 300 عام كما تقول
قامت بمحو فصيلة كامل من البشر
ومازلت تضطهد السود
وتاريخها ملئ بالدماء باكثر من خمس حروب شاركت فيها في الخمسين عام الماضية فقط
علي الرغم من انها لم تنتصر بشكل واضح في أي حرب قامت بسفك ملايين
واول من تجرأ القي بقنبلة نووية قضت علي الاف من البشر فيها في دقيقة
ومازلت تتستر باعلامها علي افعالها وانها باتت بلد الحلم
وتصدر لابنائها والعالم مثالية زائفة
وتملئ العالم بموضات وحريات تخنق العالم علي المدي البعيد ...
وتقول اننا احاسب ابناء اليوم بافعال ابائهم
ابناء اليوم خرجوا من العراق منذ سنة او اتنين بعد ان قضوا علي الاخضر واليابس هناك
ابناء اليوم كانوا في سوريا وليبيا يحلقون بطائراتهم يقصفون دون وعي بمن يعيش او يموت
ومازالوا اصحاب الفيتو دائم في القضية الفلسطينية ...

اعلم جيدا ان هناك فرق بين حكومات وشعوب وايدلوجيات وغير ذلك ..
ولكن الشعب في امريكا لا يهتم لما يحدث خارجها
فقط يهتم بالنتائج ...
وان امريكا لا يجب ان تخرج للعالم بصفة المنقذ والبطل
لانهم يفقدون ابنائهم في اثناء ذلك
يرون في دمويتهم بطولة مرغمون عليها وان ابنائهم شهداء لتلك البطولة
وان من يعودون يعانون نفسيا وتملئهم الكوابيس ...
وان وجودهم في العراق مؤخرا مثلا وقتلهم الاطفال واغتصابهم النساء
وتعذيبهم الرجال في المعتقلات بأبشع الطرق مجرد اثر جانبي ...
وان العالم سيحبهم في النهاية لانهم المنقذ فهم الشعب المختار ..
الشعب الامريكي مخطأ بقلة فهمه ووعيه لما يحدث خارجه
هم يحبون انفسهم ورفاهيتهم اكثرمن اهتمامهم لما يحدث
كأثر جانبي لقوتهم وانهم علي قمة العالم اليومي ..

خامسا

في اول التعليق ... انت تهتم بالتسامح والتعاطف من اجل الاصلاح وانا اقول ان هذا صحيح
ولكن هذا فيما يخص المجرم وشأنه ... هذا بين مجرم وطبيب نفسي او مصحة
او سجن يهذبه ... هذا حدث مستقل ... البطل فيه هو المجرم وذاته ..
قد ينصلح حاله وقد يموت ومازال علي اجرامه ...
وانا هنا اقول ان القاضي تأثر في قضية السفاح
بسبب تلاعب السفاح بالجميع عقليا وتصديره لحالة وكاريزما
لأنه يريد ان يظهر للعالم بمظهر غير مظهره الطبيعي
هنا السفاح متلاعب وليس مجرم ينتظر السماح عن خطيئته ....

اما نحن فلسنا ابطال قصته ... البعض منا قد يصبح اثر جانبي لقصته وحالته
والبعض الاخر تمر عليه مرور الكرام ...
كما انت ... كما انا .. واخرين

ولكن في عالم الجريمة
الاستثناء يصنع القواعد.. فيصنع استمرارية الفعل بتطور الارث .. فيتناقل بانتشاره ....
وهذا المجرم مجرد ما ان يصبح بواسطة الاعلام والميديا وبشكل ما رمزا ...
فبالتالي فقد عزز ارثه في هذا المجتمع
بوجود شخص او اثنين او ثلاثة او 10 يسيره علي اثره
فهنا نجاحه ... وسقوط المجتمع
هنا انتقلنا نوع واضح من القتل اسمه القتل المطلق الي نوع اخر مبهم وهو القتل الفلسفي
الاول عزز ارثة بأنك تكره الفعل .. والثاني عزز ارثه باعجابك بالشخص القائم بالفعل

ايهما اشد خطرا ... هذا يعود لقناعاتك انت .؟



سادسا

مثلا حوار فتيات التيك توك اللي حضرته ذكرته
انت ذكرته من جانب متعاطف مثلا اخرين في حين البعض الاخر شامت
وهذا مثلا عن طريق السوشيال ميديا .. يعني كام بوست شارك فيه بعض الاف
وبالتالي انت خليت ده المقياس للحكم علي اخلاق المجتمع بالكامل ...

ومع ذلك انا اعترف
اخلاقنا حاليا ليست في افضل حال

واه الناس هناك في الغرب الساقط بتاخد تعويضات بالملايين علي الاساءة النفسية
لأن هناك القانون قوي ... ولكن في بعض الاحيان عنصري ولا تنكر ذلك
والكثير من المواقف اعلاميا موجودة هناك .
لا داعي لذكرها ... فانت بالتأكيد تملك الشفافية التامة لتعترف بذلك ..

ولكن انت ذكرت الغرب الساقط لتسقط علي قولي ...
مع انني لم اناقش اخلاقهم ...
انا ناقشت بعض الشواهد والافعال لادلل علي المستقبل ...
واناقش الهوية التي تكون افكارهم ...

عامة الموضوع كان سيتخذ مجري اخر ...

[mrmr al sayed]

شكرا جزيلا