Windows 0.23

[ahmed 22]

الطرح ده هيكون مختلف شوية ومتفرع جدا
وطويل جدا وعلي ردود ...
بس هو في اللطافة يعني ..

سوبر مان

شخصية الرجل الخارق ظهرت كبداية في الكوميكس
اللي هي القصص المصورة في الثلاثينات
ثم انتقل بعد كدا للاذاعة كقصة مسموعة
ثم للسينما كأفلام ثم مسلسلات وهكذا ...

دايما هتلاقي كدا بعد كل عقد من الزمان من لما تم تحويل قصة سوبر مان لفيلم
انه بيتم عمل remake للفيلم ..
بحيث انه يتم الحفاظ علي النسخة الاصلية للقصة بتاع الفيلم
اللي هي ..
سوبر مان اللي ابوه وامه بعتوه من كوكب كريبتون للارض
عشان ينقذوه بسبب انه الكوكب بتاعهم هيدمر
وينزل يلاقيه زوجين من الارض فيربوه ويخفوا حقيقة انه جاي بسفينة فضائية والخ
والصحفية لويس لاين اللي بتشتغل في جريدة دايلي بلانيت ... والعدو الازلي لسوبر مان ليكس لوثر
وهكذا القصة المعروفة ... وتبدأ فيلم بثلاثية بطاقم عمل جديد كل عشر سنين او اكثر
بيحكي تقريبا نفس القصة ولكن بتكنولوجيا العصر وما فيها او يناسبها
و دايما سواء فشل الفيلم او نجح تسويقيا
بيتم الحفاظ علي نفس القصة والنسخة الاصلية منه بحيث يتم اصداره في وقت تاني
وفي زمن تاني بممثلين تانيين يضيفوا بتكنولوجيا العصر والصورة شكل وابعاد جديدة للفيلم ...
بقا شئ كلاسيكي ومتحافظ عليه ..

القصة ثابتة واللي يملكها جهة واحدة ليها حقوق نشرها بتستغلها في القصص مصورة
ثم افلام ومسلسلات وغيره ..
بس المتغيرات في اللي بيقوم بالادوار وتطور الجرافيك والصوت مع جودة الصورة مع الزمن وهكذا...

نفس الفكرة هتلاقيها في افلام جيمس بوند
نفس الفكرة هتلاقيها في جودزيلا او كينج كونج
يعني شوف فيلم كينج كونج في الااربعينات ولا الخمسينات
وشوفه من مثلا 10 سنين .. هتلاقي نفس القصة
بس دي ابيض واسود ودي بالالوان ...
وكل وقت بتكنولوجيا الصوت والصورة المتوفرة وقتها

بس برضه ترجع وتقول ان الامريكان ليهم السبق في الابهار
لأن فعليا انت ممكن تشوف فيلم سوبر مان او كينج كونج بنفس قصته
بكل اصدار جديد ليه من غير ملل ...

بس مع الزمن تم التجديد في شكل الشخصيات دي وعمل ليها
Cover versione
هتقولي يعني ايه المصطلح ده ...؟

هقولك
بمعني انك بتخرج عن النسخة لاصلية للقصة
يعني في القصص المصورة بالذات هتلاقي ممكن سوبر مان ده بقا بيتحول لشخصية شريرة
بتحكم العالم بظلامية وبيتم محاربته من اندماج ابطال خارقين تانيين زي باتمان وفلاش و ووندر وومان والمريخي او ايا كان ...
ونفس الحوار ينطبق علي باتمان لما بيتحول لمصدر ارهاب والجوكر يكون هو بطل الخير والعدالة
في بعض الاصدارات القصصية من شخصيات عالم ال D.c >>

تسأل وتقول ليه بقا الخروج عن النسخة الاصلية للقصة والمبدأ اللي اتخلق عشان الابطال الخارقين ..
لأن في وقت ما انت محتاج كجهة نشر للقصص المصورة انك تخلق ابعاد جديدة
للشخصيات بسبب ظهور منافسين جدد في المجال ده وبالتالي محتاج تسبق بخطوة قبل ما تقع
وبالتالي الامر خرج من فكرة انك بتصنع بطل يقتدي بيه الاطفال ... ل
الي تجارة واستثمار لأن اكيد مع الوقت اصحاب
حقوق النشر بيختلفوا وبيموت ناس وبييجي مكانهم ناس كسنة الحياة وكل شخص بفكره
.. بحيث انه بيفكر ازاي يحافظ علي الفرخة اللي بتبيض ليك دهب كصاحب المشروع ده
دون التشبث بالمبادئ الاساسية
... فلازم تخرج عن المألوف ...
عشان تبعد الملل عن قارئ القصص المصورة اللي هما فعليا فيه مهووسين في العالم
كتير بيها وبينتظروا اصداراتها بشغف... وبالتالي لازم تصنع جذب من نوع مختلف عشان تجذب شرايح
مختلفة من المتابعين ...
و هو انك تجذب الناس اكثر بشخصيات ال heal اكثر من فكرة البطل التقليدي ..
ال heal اللي هي الشخصيات المكروهة او البطل اللي ببتحول لشخصية مكروهة ...
لأن الناس في وقت ما بقت بتدور علي الكاريزما اكتر من القصة
وده اختلاف تاني حصل في البشر علي مدي تطورهم اخر كام قرن ..
فبقت الناس تشوف الكاريزما في الشخصية الشريرة بشكل اوضح واكثر جذب بشكل مختلف عن
التقليدية بتاعة الابطال اللي هو كدا كدا لازم اخر الحلقة ينتصر ..
وبالتالي بتكون مصدر جذب اكبر زي الجوكر في باتمان ...
يعني الناس دايما تلاقيها بتشوف الجوكر بانبهار اكتر من باتمان
اللي هو بطل القصة نفسه ...
يعني يمكن اخد الشو لحسابه مع الوقت مع كل اصدار جديد للقصة
فيه الرسم بيعبر اكتر عن روح الشخصية بضحكته وشكله ومع كل تفصيلة جديدة
بتظهر مع الوقت بتركز علي ماضيه وازاي تحول للجوكر ...
ولحد مثلا ما ليث هيدجر اللي هو كان بيؤدي دور الجوكر
في الثلاثية بتاع المخرج كريستوفر نولان اللي انتحر بسبب اندماجه مع الشخصية
لأنه اداها بشكل فريد من نوعه خلاه يترشح للاوسكار بعد انتحاره ..
وبالتالي خلق نوع جديد من التعاطف وابعاد تانية لجذب الشخصية
في عقول اللي شافوا الفيلم وخاصة الاطفال تحت سن 18 ..
المتابع اكتر للحوار ده هيفهمني في النقطة دي ... وده تغيير تالت في عقول الناس

وده الاصدار الجديد من البشر .. الشخص اللي بيشوف المآساة اللي بتحول
شخص لشخصية مكروهة او لشخص مجرم بيقتل الناس بدم بارد
وبقت بتصنع ليه المبرررات وبالتالي تتعاطف مع افعاله
فبتصنع شكل جديد مشوه من الناس ... بسبب فكرة انك عاوز تظهر منتج بفكرة جديدة
تجذب الناس اكتر انها تتابعك ... فتخرج عن المسار المحدد لشخصياتك
ويمكن الخير بينتصر في القصة ..
بس فعليا الشر الناس بتظهر ليه الحب واحيانا التعاطف
ويمكن تزعل لما الشرير يموت كمان ....
فيه تغييرات في عقول البشر بتحصل مش طبيعية انعكست
علي حياتنا باشكال مختلفة ..

يعني بالمناسبة هتلاقي عوالم مختلفة للشخصيات الخيالية دي بسبب حقوق النشر وكدا
وكل عالم وليه مخترعين لقصصهم ب
س بيحرصوا ان الشخصيات تكون متصلة ببعض لو كانت من نفس الجهة صاحبة الحقوق
بحيث تلاقي اندماج لكام بطل في نفس الفيلم من غير ما تشعر انه دخيل عليها ..
وده نوع تالت من التغيير عشان يعمل مصدر جذب ينافس بيه ...


يعني مثلا باختصار لمن لا يعلم عالم مارفل
اللي هو بتاع ايرون مان وثور وبلاك ويدو وهالك وسبايدر مان وعملوا ليهم فيلم جمعهم سوا
عشان ينافسوا عالم ال d.c

اللي شخصياته الاساسية بتاعته هي سوبر مان وباتمان وفلاش و شازام والخ
اللي هما يمثلوا فرقة العدالة ...

المهم
الحوار ده مش هتلاقيه غالبا غير في امريكا ...
احنا ماعندناش الثقافة دي
ان احنا نعيد انشاء قصص ابطال خياليين
يمكن بسبب قلة الامكانيات او القدرات التكنولوجية علي مر التاريخ
واحيانا يمكن تقول ان احنا عندنا ابطال حقيقين علي مر التاريخ
صعب تختار ما بينهم انك تحكي عن عظمتهم وماعندناش عجز في القدوة
بسبب التنوع علي مدي التاريخ من العصر الفرعوني مثلا او السامري
او غيره حتي الآن فمش محتاج تخترع ابطال خياليين ...
انت فعليا عندك ابطال حقيقين
علي مر تاريخك تقدر تختار القدوة منهم لابنك وتحكيله عنه ..
مش محتاج تخلي سوبر مان ال idol بتاعه .

حتي في روما مثلا او دول اوروبا القديمة
صعب تلاقي عندهم شخصيات خيالية او ابطال خارقين
دايما هتلاقي قصص حقيقية لابطال حقيقيين خاصة في الحروب
وتزيين صور الاستعمار وغيره .. بس ده ليه حديث تاني عامة ...


بس ترجع تقول يمكن لأن ثقافتهم لسا ناشئة في القرن الخامس عشر
وبالتالي هما يعتبروا قارة جديدة ناشئة .. من غير تاريخ
وبالتالي بيصنعوا ابطالهم وبيروجوا لشخصيات كرتونية
دور ابطال العدالة والحب لأطفالهم بحيث يعلموهم وكدا
وانتصار الخير علي الشر وهكذا وبرضوا يخفوا حقائق كتير
في ازاي انهم عشان يبقوا امريكا .. بيحاولوا يخفوا الهنود الحمر
اللي استعمروهم من مخيلة اطفالهم وبالتالي تصنيع مثالية مزيفة لنشأتهم ..
بيصنعوا المبادئ الجديدة في عقول اطفالهم بالخيال عن طريق القصص المصورة في البداية
اللي هي تعتبر فعليا برضه منبع لأفكار ساهمت في تقدمهم
زي الخروج للفضاء وكدا
لأن فعلا معظم الاكتشافات والاختراعات الامريكية كان مصدر الهامها
هو القصص المصورة
يعني مثلا تلاقي كاتب بيكلم عن اختراع زي الليزر او حرب النجوم
او القنبلة النووية الي هي قادرة تدمر وتخفي ملامح مدينة بشكل ما او غيره في قصة

فتلاقي ده بيمثل الهام للبعض انه يفكر في اختراع زي ده
او يتطلع للخروج من حيز الارض لاستكشاف الفضاء
ويتطلع انه يستعمر الكواكب او يفهم يعني ايه عوالم موازية
زي ما القصص دي بتمثل الالهام للعدالة
بتمثل الالهام للتدمير والاكتشاف في نفس الوقت

وبالتالي الشخصية الامريكية ازدواجية في افكارها حبتين
واحيانا متناقضة دون ان تدري
ولبعض الوقت كانت شخصيات فوقية بتنظر للعالم من الاعلي
بسبب ما تم انشائها عليه كشخصيات تحكم علي العالم
بما يتم تصديره ليهم من معلومات من حكوماتهم
اللي هي غالبا بتكون ليها مصالح وتشكيلات دينية مختلفة
وبالتالي صنعوا من شعوبهم
شعوب متقدمة تكنولوجيا ... ولكن متخلفة اجتماعيا
مش قادرة تتعمل مع الغير الا بنظرة الوصي او صاحب الحكم الوحيد والصحيح
بتتشدق بالمبادئ والحريات وغيره
بس لما الواقع بيختبرها بتلاقي كتير منهم افكارك عكس ما تدعوا اليه
وبالتالي سهل تنبهر بالتجربة الامريكية
بس صعب تكررها بنفس معطياتها او القاعدة اللي اتبنت عليها
وبالتالي من الغباء انك تمشي علي نفس المنهج بتاعهم
او تعتبره نموذج تقدر تبني عليه ...
بسبب اختلاف الموروث الثقافي والشعبي والتاريخي
وحاجات كتير جدا ممكن نكلم فيها في وقت تاني
ده كان كلام عالهامش
بس عشان هنتهي من القصص المصورة
بس اقدر اقول باختصار القصص المصورة او الخيالية خلقت ابعاد جديدة للحياة والتفكير
غير اللي بيظنه البعض ... يعني احنا من بعيد بنشوف الموضوع تافه
بس فعليا الحياة قبل القصص المصورة شئ في امريكا مثلا
وبعدها شئ تاني خالص ... ليها دور مهم في حياتهم وبالتالي
الدور ده ليه ابعاد علي حياتنا ...


يتبع في حين قبول الموضوع ...

[Lamees]

اولا يا استاذ احمد انا بستمتع جدا وانا بقرأ الموضوع
الطريقة سهلة كده وسلسه واللي عايز توصله بيوصلني
بسهولة بجد ليك اسلوب مبدع تحيتي
ثانيا معاك حق في كل اللي قلته
يعني مثلا باتمان ده بحس انه هيرو
يعني كنت بعتبره ماي هيرو
فعلا الامريكان مؤثرين اوي

في انتظار الجزء الثاني
وكلي شغف
تحيتي

[ندوشه 2011]

الله عليك يا فنان طول عمرك متألق. تحياتي

[ساحر الأحزان]

هما نجحوا لانهم بيطوروا الشخصيات كل فتره

مع تطور التكنولوجيا بيتم اضافه التاثيرات الجديده

وطالما فيه ابهار وابتكار

الشخصيات بتستمر متداوله

مع اشخاص اخرين

بحسب التوقيت الي بيتم فيه العمل

وامريكا بتقدر تستثمر افلام الخيال العلمي بشكل مميز

طالما حيحقق ليهم دخل مستمر متجدد

احسنت احمد

وحمد لله علي السلامه

[ahmed 22]

تصحيح للكلمات الانجليزية اعلاه :
version - heel

نرجع لأصل الموضوع بتاعنا

اللي هو

Remake vs Cover version

او ندخل في الموضوع عاطول

و الصراع الاجتماعي الديني الابدي
الذي مازلنا لم نحسمه حتي الآن ...

الاصالة مقابل الحداثة

دعاة الجديد .و.. دعاة القديم

وهنا نطرح سؤالين

هل العودة للماضي غاية ام وسيلة ؟
وهل كل جديد هو غاية أم غواية ؟

[ahmed 22]

المثال الذي قمت بطرحه اعلاه مستعينا بالكوميكس
وما يتم طرحه من اصدارات لاشكال الابطال فيها مع الزمن والتكنولوجيا
كان لبيان مشكلة رئيسية كبيرة في عقولنا نحن كعرب

اذا نظرت للموضوع من الزاوية الذي اراها
ستجد ان التسلسل الذي قام ببناء عقل الشخصية الامريكية من خلال القصص المصورة
وغيرها من الامور ....
هو ما نمر به الآن ... ولكن هناك بالفعل قد تم تشييد البناء وتم الانتهاء منه
وبالتالي هم مجتمع معاصر يعتنق افكار حديثة دون الالتفات
لمسميات مثل الدين والتقاليد وغيرها من الجذور التي كانت اساس لما هم عليه الآن ...

اما نحن فنمر بمرحلة ريبة ما بين التشكيك والنقد ...
البعض يري في الجذور الخاصة بنا او النسخة الاصلية من البناء الاخلاقي لافكارنا وحياتنا
هو اساس لا يجب ان يتم المساس فيه ولكن في نفس الوقت يتسمر امام تطور الغرب وحداثتهم
وبالتالي لا يتحرك ولا يبادر .... اي لا نواكب تطورات الصوت والصورة

والاخر يري اننا يجب ان نبتكر نسختنا من العصرنة او الحداثة حتي نلحق بالركب علي شاكلة الامريكان
دون اخذ رأي الدين او التفكير في المحافظة علي التقاليد والعادات حتي نلحق بالركب ..
وبالتالي يجذبه شكل العالم الحديث دون الدخول فيما يعانيه هذا العالم من عطب او تفكك ..
اي لا يجب ان تلفت للجذور .. وبالتالي ننتقدها ونسطحها ومع الوقت نهاجم اسسها دون ان نعي او ندري ..

[ahmed 22]

الامر وما فيه متعلق بالنسخة الخاصة بأفكارنا في الوقت الحالي

لو اردنا ان نشبه الامر بأنظمة تشغيل الكمبيوتر فسيكون الامر كالتالي :

وهو اننا كعرب نعيش في نظام تشغيل windows .98
نسخة بطيئة و مليئة بالثغرات والاعطال
ولكن المميز في تلك النسخة انها الاساس
اي انك لم تصبح بعد في خارج النطاق
ولكنه يتعطش الوصول لنسخة windows xp
ولكنه يتعثر الطريق .. بسبب تشككه في نوايا المجتمع بالكامل ..

وفي حين الغرب يعيش نسخته العاشرة من التغيير window 10 pro >>>
يعيش كل يوم النسخة الافضل من حياته
ولكن قد يتناسي مع الوقت اين بدأ ..
وبالتالي هو متعلق بالتغيير بقدر اكبر من تواصله مع جذوره ..
وهنا سقطته ليست الا ... التي تجعله يسقط دينيا ثم يتطور الامر
لينعكس علي حياته الاجتماعية ... التي تصبح مجرد قمامة ان صح التعبير

[ahmed 22]

دعونا نتطرف قليلا في هذا التعليق فقط ...

بدعة الاخلاق الجديدة

ما احتمالية ان تجد فتاة جميلة ولكنها مثلا ترتدي دائما ثياب قصيرة
ولا تفوت مناسبة للتعري علي الشاطئ كل عام ولكنها فتاة قوية
قد تجدها تتصدي بقوة لمحاولات الشباب لغوايتها
وتجدها تقوم بعمل دروس للتنمية البشرية والاخلاقية
وفي نفس الوقت قد تتزوج وتنجب طفلا وطفلة وتقوم بتربيتهم بطريقة رائعة وسوية

اعتقد ان الاحتمالية واردة وبشدة في الوقت الحالي ..

هنا الفتاة من الداخل قد تقول انها مستقيمة
من الخارج قد تحكم عليها بالفجور .... كانسان عربي

تلك الفتاة بتلك الصفات هي من الاصدارات الجديدة في المجتمع الحالي
ان كانت عربية لن تتزوجها ولن تعجب بها
وان كانت غربية ستعجب بها علي الفور وقد تفكر ان تتخطي الكثير من الامور
فكر قليلا ... وقم بالاجابة علي سؤال صيغته لماذا في اخر سطرين ؟

الفكرة ليست في الفتاة والطريق الذي تتبعه ... فهي مجرد فتاة
قد تكون استثناء في الحياة كالكثير من الاشياء ..

الفكرة فيما يتبع طريقتها للحياة من تناقضات الناس في رؤيتها لها
البعض سيعتبرها مرجع قد نعود اليه عندما يتم الحكم علي الفتاة عندما تتعري
في مجتمع شرقي ..

انت لن تكون محل تلك الفتاة في حياتها ولن تستطيع ان تعرف ما تمر به
سوي القشور التي تظهر لك ليس اكثر. .....
فكم من اناس يعيشون ويموتون دون ان يدري احد بهم وما بداخلهم
وما يمرون به من تزعزع وعدم ثبات ....
لن تعرف ابدا ...

ولكن انت فقط ستعرف ما قد يرريحك بالتجربة ..

الاخلاق الجديدة التي نبعت من الاصدار الجديد من البشر اليوم
ليست بمحل قاعدة تستطيع ان تبني عليها ..
ولكنها استثناء تريد ان تبني به قواعد لشكل الاخلاق والمجتمع الحالي
بما يناسب رؤيتك القاصرة له الان ...

وبالتالي ما قد لا تراه من اضرار في حياة اخرين
قد تبني به اضرار هائلة وتعاسة في شكل وهيكل المجتمع علي المدي البعيد
لمجرد انك تريد ان تتبني فكرة خارج بساطة الشكل الطبيعي للمجتمع
وانه لكي تكون شئ ما ... يجب ان تعيد اكتشاف شئ ما في نفسك قبل مجتمعك ...
ان اعدت اكتشاف شخصيتك السوية التي فطرك الله عليها
ستعلم من اين تبدأ ولأين ستذهب
اما انك تريد الطريق السهل

فكم من سارق وزاني وقاتل ومغتصب ودكتاتور يعيش سعيدا لسنوات وسنوات
ثم يسقط .... فيتمني ان يعود قليلا للوراء
لكي يمحي من حياته تلك اللحظات الزائفة ويصلح ما كان ...
لأنه الأن يعرف انه لن يكون ...

[ahmed 22]

لميس
ندوشة
ساحر الاحزان

شكرا لتفاعلكم مع الطرح
وكل التقدير لحضوركم الراقي والمميز
الذي سعدت به ...

[ahmed 22]

سأكمل غدا ان شاء الله
لمن يود ان يتابع ..