كلنا هنموت .. قلم مهيب

[مهيب الركن .]

كلنا هنموت ..
بس مش كلنا عرفنا نعيش ..
عشان تعيش صح لازم تبقى غني ..
غنى عن أى حد مش عارف قيمتك ..
غنى عن انك تفكر فى اى شئ ممكن يضايقك ..
غني عن انك تعمل حساب للناس وترضيهم على حساب راحتك ..
لازم تعرف ان الغنى مش امتلاك ..
الغنى انك تستغني عن اى شئ ممكن يحسسك بعجزك
او أى شئ ممكن يقلل من قيمتك قدام نفسك ..
واعرف ان احساسك بالغني بيزيد مع كل شئ تستغنى عنه ..
واحساسك بالفقر بيزيد مع كل شئ بتسعى لأمتلاكه ..
عيش كل لحظه كأنها اخر لحظه فى عمرك ..
واوعى تبخل على حد بحاجه لأن ممكن ربنا بيرزقك عشان حاجه الناس دى
ومتستناش محتاج يكلمك بلسانه عن حاجته ..
كفاية نظرة العوز اللى انت شايفها فى عيونه ..
عيش كريم حتى لو انت متملكش من الدنيا غير رغيف واحد بس
دور حوليك عن حد جعان اكله معاك منه ..

من الأخر :

متتأخرش عن خير ممكن تعمله
لأن ممكن الخير ده يكون السطر الأخير فى كتاب عمرك ..

قلم مهيب

[شاعر الحب الحزين]

ولا شفت ولا هشوف أجمل من كده
الله يا مهيب الله يا مهيب
كلامك درر وفيه دعوة للإحساس بالغير
لو طبقناه ستحل البركة والخير بين الناس

أحسنت يا جميل النبض ونقي القلب
رائع أنت أخي الحبيب مهيب
شكري وتقديري وامتناني ❤️🌹

[حـيـــــآة ❤]

ابدعت والله ف كل كلمه
عندك حق بجد
ربنا يحفظك
تسلم ايدك ❣️

[Lamees]

اه فعلا لابد أن نترك اثر طيب
في كل طريق نمر به لأننا لن نمر به
مرة أخرى

أعجبني كثير استاذ مهيب
راقي الطرح والمضمون

تحيتي

[دالتكس]

كفوو يسلمو علي الموضوع رائع

[شاعر الإحساس]

اجمل وصف للغنى فعلا..هو الاستغناء
عن كل ما يتعب..يجرح..يعرقل..يحبط..يأذي
عن كل مايشوب حياتك الهادئه ....

مساعدة الناس امر ضروري وحتمي
الناس للناس ...
وربنا بيرزق البعض عشان في رزقهم رزق لناس تانيه
يعني مش رزقهم لوحدهم...فلازم كله ييقن بدا ...
وما اجمل الصدقات والمساعدات بأي كان شكلها ومجالها
فمردودها حتما اجمل ...

موضوع جميل يا مهيب
ونصيحة غاليه لمن يعي
دمت بكل خير وصحه ودام تواجدك



شاعر الإحساس

[ساحر الأحزان]

لن يوجد أحد مخلد

كلنا راحلون

سوف نرحل ونترك الدنيا

ولا ناخذ معنا سوي الدعاء

والعمل الصالح

الذي قدمناه بحياتنا

هو الذي يبقي لنا

أحسنت وأجدت اخي مهيب

حمد لله علي السلامه

[القيصر 1]

الغنى فعلا أنك تستغني عن ما في يدي الناس
راقي دوما مهيب عجبني الموضوع
كل حرف من حروفه
سلمت والنبض أخي الغالي