متزعليش

[واد حبيب]

متزعليش
لو قلبي مره قالك متخافيش
لو غاب عني الفرح متزعليش
لو في يوم بعدت متندميش
لو مره قولت لك بحبك
كانت من قلب الوريد
لو مره قولتلك وحشتيني
كان طالعه من قلب عنيد
غير حبك انا ماليش
متزعليش
لو مره غبت عنك متقلقيش
انا قلبي ليكي صدقيني متحزنيش
متزعليش لو مره فتحتي وملقتنيش
حتلقيني جمبك بيني وبينك
خطوة يمكن أقل يمكن مفيش
اوعي في يوم تحتاري
أوعي تقولي محبنيش
ده الحب معاكي غير
صافي ونقي ونضيف
حستيني ولا محستيش
متزعليش
لو قولتلك مره بحبك فجأة
من غير ما افتح ليكي الطريق
اوعى في يوم تحبيني ومتقوليش
قبلك الحب كان وهم يمكن مفيش
قبلك كنت مش عايش
واديني معاكي عايز اعيش
من يوم ما عرفتك
قولت هي دي دنيتي
وغيرها ماليش
يمكن ده حبي الحقيقي
سامحيني من اندفاعي
ومتزعليش
لو حاولت اخبي عنك
احساس بيكي متلومنيش
كنت خايف من بعادك
من يوم تمشي ومشفكيش
كل يوم بقولها في قلبي
الف مره صبح وليل
بحبك وغيرك ماليش

[Lamees]

ايه الجمال والابداع ده كله محمد
هس الغربة بتطلع المشاعر دي كلها
ربنا يسعدك ويوفقك ويباركلك في حبايبك
بجد حلوة اوي دام الإبداع
من رأيي انها تتثبت
وعشان انت مشرف
مش هتثبت موضوعك
غير لما حد من الاعضاء مثلا يطلب
ذيي كده
تقييمي ونجومي

[*فجر الاسلام*]

بجد رائعه الكلام متناسق وجميل
تستاهل التثبيت فعلا
تحياتي ليك

[بحر القمر]

كلمات جميله وسهله وصادقه
احسنت اخي
تسلم ايديك

[ساحر الأحزان]

الحب مع الاحساس الجميل

تقرب البعيد

كلمات باحساس جميل حبيبنا

تحياتي لك

[شاعر الحب الحزين]

إيه الجمال ده كله يا حبيب
أجمل ما فيك إنك عميق في إحساسك
وقادر توصل المعنى بكل جمال وصدق للقارئ
رأيي من رأي روني تستحق تفضل فوق ده مكانها
تستحق التثبيت واكتر
ربي يسعد قلبك ❤️

[^^khL oUD]

عنوان التوبيك فكرني ب اغنيه لاحمد كامل
متزعليش انا مش بعيد انا موجود 🖤
تسلم يابو اياد 🌹

[a7med -3del]

جميل والحالة جميلة دمت بكل خير ياجميل