مترو

[شاعر الحب الحزين]

ياللي ماشي فوق الأرض على مهلك

أنا ماشي تحت الأرض ووصلت قبلك

إيمتى كان اللي فوقها أحسن من اللي تحتها

غلطان لو قلت كان واتجننت في عقلك

ده تحت الأرض في طيبين وحبايب ياما

حتى لو مكنش حد منهم من عشيرتك وأهلك

حتى الدهب اللي تحتها أغلى من اللي فوقها

ولو دام للي كانوا مكنش عمره ف خبر يوصللك

خليك ماشي فوق أنا وصلت ومستني اقابلك



انتا فوق شمس وخلق وزحام

بتوقفك إشارات المرور

أنا تحت سبقتك وبقيت قدام

مترو بلا فخر ولا غرور

سبقتك عشان سكتي سالكة وتمام

ماشيها دغري مش بلف ودور

خليك فوق وخليها تسبقك الأيام

وأنا اسبق نفس أيامك والشهور

أنا مترو سابق خطوتك بفعل مش كلام

مش بستنى زيك بمشي ع طول



ش . ح

[بحر القمر]

بس برغم جمال المترو
يظل التروماي احلى
كانت ايامه نقيه
فيها ناس طيبه اكتر
كان التروماي له احاسيس اجمل
دلوقتي لو حنيت للتروماي مش متوفر غير في اسكندريه

كلمات صافيه وصادقه اخي
يارب تسلم ايديك
تحياتي مع كامل الاحترام

[حـيـــــآة ❤]

ربنا ينور طريقك علطول
تسلم ايدك ❣️

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي بس برغم جمال المترو يظل التروماي احلى كانت ايامه نقيه فيها ناس طيبه اكتر كان التروماي له احاسيس اجمل دلوقتي لو حنيت للتروماي مش متوفر غير في اسكندريه كلمات صافيه وصادقه اخي يارب تسلم ايديك تحياتي مع كامل الاحترام

الله يرحم أيامه التروماي
فعلاً اسكندرية هي الوحيدة اللي
فضلت متمسكة بالتروماي
اسكندرية تحسها دولة لوحدها مختلفة بجمالها

الله يسلم نبض قلبك يارب
أسعدتني بحضورك وتفاعلك أبو اليسر الغالي
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة حـيـــــآة ❤ ربنا ينور طريقك علطول تسلم ايدك ❣️

وينور طريقك ويسعد قلبك
الله يسلم نبض قلبك يا أصيلة
أسعدتيني بحضورك الرقيق وكلامك هاجر
شكري وتقديري وامتناني ❣️

[ساحر الأحزان]

احسنت شاعرنا الجميل

تحياتي

وتقديري لك

[شاعر الحب الحزين]

اقتباس المشاركة الأصلية كتبت بواسطة ساحر الأحزان احسنت شاعرنا الجميل تحياتي وتقديري لك

أحسن الله إليك أبو المجد الغالي
أسعدتني حضوراً وقولا
شكري وتقديري وامتناني ❤️