لصالح من ما يحدث للبشر !؟

[بحر القمر]

اقتباس المشاركة الأصلية كتبت بواسطة ahmed 22 انا اسف بس مع احترامي والله انت بتقول ايه يا استاذ ياسر ؟؟؟؟؟ الطرح فعليا فيه كمية جهل مركب غير طبيعية والردود غريبة الي حد ما انت ممكن تعلن انك ممتنع عن اخذ اللقاح لقناعات خاصة بيك .... وده حقك بس فعليا ماينفعش تطلق علي الموضوع انه كذبة الكورونا ببتحور لأن الكورونا فيروس والفيروسات بطبيعتها بتتحور لما بتتسع رقعة انتشارها وبتتكاثر وبتتغير التركيبات الوراثية وفيه طفرات جينية وافلام هندية كدا كتيرة سعادتك .... وكله بالعلم للي حابب يتطلع ويقرأ قبل ما ترمي احكام مسبقة باسألة غريبة .. يعني انا مش عالم فيروسات ... بس دي معلومات عامة المفروض انت عندك فيروس الانفلونزا عامة ليه سلالات واشكال وتحورات بالعبيط علي مدي الاجيال الي فاتت فيه اكتر من نص مليون بني ادم علي ما اتذكر بيموتوا سنويا بالانفلونزا العادية حتي بوجود التلقيحات وغيرها ... هي بس بتقلل نسب المتوفيين واللقاحات بتقلل الي حد ما خطر الاصابة لما بيكون فيه تحورات للفيروس وهاتلي دراسة واحد تم عملها علي لقاحات كورونا بتقول انها بتحمي من الاصابة بالفيروس بنسبة 100 % كل اللقاحات اللي تم استخراجها اكثر واحد فعال فيهم بيقولك نسبة الحماية بتبقي 80 % يعني طبيعي تلاقي اصابات بعد اللقاح ماحدش طلع قال انه مغسل وضامن جنة حتي العلماء كانوا بيقولوا انك لازم تظل لابس كمامة وتلتزم بالاحترازات بعد اخذ لقاح الكورونا عاطول او علي الاقل لمدة شهرين او تلاتة بس شوف نسب الحالات الحرجة قلت بمقدار كام عن قبل كدا وشوف نسبة الوفيات قلت ولا لاء عن قبل كدا وعامة الدراسات بتقول ان اللقاحات قللت نسبة انتقال العدوي بنسبة 60 المية مش اكتر شوف الحياة عامة اتغيرت بمقدار اد ايه ... والزعر الللي كان موجود خف بنسبة اد ايه عملوا لقاح بسرعة لأنك في سنة 2021 العالم كله مفتوح علي بعضه والتقدم الطبي والتكنولوجي والبحثي في اوجه وعندنا تراكمات السنين من البحث العلمي وازمات مرت وفيروسات وطاعون وحاجات كتيرة فطبيعي تكون الدنيا اسهل ... وفيه لقاحات تجريبية كتيرة او لقاحات لفيروسات قديمة بيتم تجريبها عالجديد ... ماحدش بيخترع لقاح من الصفر ... كله بيبني علي بعض ... الفكرة ان العالم كان في سباق امام فيروس سريع الانتشار واوقف الحياة اقتصاديا ودمر الاقتصاد الفعلي للناس اللي انت بتقول انهم بيتآمروا انهم ينشروا الفيروس شوف الاقتصاد الالماني تضرر ازاي مثلا وبيعاني اد ايه بسبب كورونا والاقتصاد الامريكي والاقتصاد الانجليزي وغيرهم كتير .... كورونا ده مش اول ولا اخر فيروس هنمر بيه .. يا عم هقولك حاجة عد كام جائحة فيروسية مرينا بيها من اول سنة 2000 بس مش هقول يا عم القرن اللي فات .. اعمل سيرش وشوف ايه غير انفلونزا الخنازير والسارس و الايبولا والحاجات دي لانها مشهور وعد وقولي كام الطرح بتاعك كان ممكن يكون مقبول من سنة او اتنين في حين كنا لسا في البداية ومش فاهمين والدنيا مش واضحة او كلا بيشوف الامور بطريقته .... ام الطرح في ظل المعطيات الموجودة حاليا فهو بصراحة غريب وغير منطقي وممكن فعليا اطروحات زي دي لو انتشرت وناس صدقتها تأذي ناس عندهم المناعة ضعيفة او عندهم امراض وراثية او كبار في السن لما يمتنعوا عن اخذ اللقاحات اللي ممكن فعليا تزيد من فرصهم في النجاة بصراحة طرح غير موفق

شكرا لك ولا تعليق عليك

[ahmed 22]

العفو يا غالي

وانا عارف قبل ما اعلق
انك مش هيكون عندك رد ..

فلا تحاول ان تبدو بمظهر الشخص المترفع عن الرد
كأني شتمتك ولا حاجة عشان تتهرب من التعليق بس ..

ولو ماعندكش الشجاعة انك تقاتل عشان تثبت رأيك
ماتكتبوش وتصدعنا

[بحر القمر]

اقتباس المشاركة الأصلية كتبت بواسطة ahmed 22 العفو يا غالي وانا عارف قبل ما اعلق انك مش هيكون عندك رد .. فلا تحاول ان تبدو بمظهر الشخص المترفع عن الرد كأني شتمتك ولا حاجة عشان تتهرب من التعليق بس .. ولو ماعندكش الشجاعة انك تقاتل عشان تثبت رأيك ماتكتبوش وتصدعنا

صمتي مش ضعف على فكره انما عدم هبوط لمستوى قبيح
الاخلاق قبل الفكر
انت دخلت وغلطط اكتر من مره
وعدم تعليقي مش خوف منك
لا
هو احترامي لنفسي وللاخوه اللي تكرموا بالموضوع
انما عشان تعيش الدور وتطاول وتتعدى حدودك سهل اعاملك باسلوبك
انما كفايه التعليق ده
وياريت لو عندك شيئ من احترام غيرك يكون اسلوبك غير كده
فاهم
كفايه عليك كده
ولو موضوعاتي مش عجباك وفر تطاولك وردودك الغير مهذبه
فهمتني
انا عندي قدره ارد عليك بنفس اسلوبك
ويظهر انت فهمت تعليقي عضف او خوف
هو زي ما قلت احترامي للمحترمين هنا وبس
يارب تكون بتعرف تفهم