ما بفهمهاش في ساعتها

[شاعر الحب الحزين]

ما بفهمهاش في ساعتها

بفهم قصدها متأخر

ده انا كنت بفهمها وهي طايرة

وبخلي اللي يقولها يتحير

دلوقتي يقولها ويضحك ضحكة صفرا

ضحكته اللي بتخليك تفكر

مبقتش بفهمها وهي ع الأرض مش طايرة

التركيز عندي خلاص اتصفر


ما بشربهاش في ساعتها

اسيبها تبرد وبعدين اشربها

تبرد قهوتي اللي ياما حبيتها

لو حاجة غيرها كنت أوام هجربها


الحاجات المهمة ما بعملهاش في ساعتها

بأجلها من ساعتين ليومين

الكلمة حلوة وحشة ما بفهمهاش في ساعتها

من سوء وحسن حظهم بفهمها بعدين

الكلمة الحلوة نزعل لما مش بنفهمها ف ساعتها

الكلمة الوحشة نردها سطرين



حاجات اتمنيت لو ما فهمتهاش

وحاجات أموت وافهمها

هتبقى الحسبة تقيلة لو محسبتهاش

متتجاهلش رسمة بترسمها



ش . ح

[^^khL oUD]

فعلا ف حاجات بنفهمها متأخر
وف حاجات بتفقد م ناحيتها الشغف
اختيار موفق الكلمات مبدع دائما تسلم ايدك 🌹

[شاعر الحب الحزين]

اقتباس المشاركة الأصلية كتبت بواسطة ^^khl oud فعلا ف حاجات بنفهمها متأخر وف حاجات بتفقد م ناحيتها الشغف اختيار موفق الكلمات مبدع دائما تسلم ايدك 🌹

عندك حق يا خلود
في حاجات نفهمها بسهولة
وفي حاجات مهما حاولنا نفهمها صعب نفهمها
في الزمن ده الواحد يكون واهم أحسن ما يكون فاهم

تسلمي ويسلم نبض قلبك يارب
أسعدتيني بحضورك الرقيق وكلامك خلود
شكري وتقديري وامتناني 🌺

[العاشق الذى لم يتب]

شاعرنا الكبير
وهمس يواكب الحال
كلمات ولااجمل
ومساؤك سعادة
سلمت يمناك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب شاعرنا الكبير وهمس يواكب الحال كلمات ولااجمل ومساؤك سعادة سلمت يمناك

مساء الورد والفل والياسمين رفعت الغالي
سلمت والنبض الطيب أخي الحبيب رفعت
أسعدتني حضوراً وقولا
شكري وتقديري وامتناني ❤️