الهروب

[شاعر الحب الحزين]

يفيدك بإيه الهروب

لو كان الوجع جواك

قد ما عديت في دروب

بيعدي الحزن وياك

عمال تدور في القلوب

ومش لاقي حد معاك

ما لقيوش في الورد عيوب

قالوا بيطرح أشواك

مبقاش في اهتمام للأسلوب

لو مش زيهم ف مستواك

بقت أسهل حاجة نعملها الذنوب

والتبرير أنا مش ملاك

بقى كل همنا نملا بطون وجيوب

مبقاش يهمنا جعان وفقير هناك

نلجأ لكل الحلول بس نكسل نتوب

بنفضل ف دوامة الهلاك

قد ما نهرب منقدرش نهرب م المكتوب

قد ما نجمع ملناش أملاك

اهرب لأي مكان وزمان في آخر الهروب

هتلاقي قدرك بيستناك



ش . ح

[بحر القمر]

الله الله على الجمال
تسلم ايدك شاعرنا

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي الله الله على الجمال تسلم ايدك شاعرنا

الله يباركلك ويبارك فيك
تسلملي أبو اليسر الغالي
أسعدتني بحضورك وكلامك الطيب
شكري وتقديري وامتناني ❤️

[*فجر الاسلام*]

هتلاقي قدرك بيستناك
جميله اوي تسلم بجد

[شاعر الحب الحزين]

اقتباس المشاركة الأصلية كتبت بواسطة *فجر الاسلام* هتلاقي قدرك بيستناك جميله اوي تسلم بجد

ده جمال طلتك يا فجر
والله زمان عنك
الله يسلمك ويسعد قلبك
أسعدتيني حضوراً وقولا
شكري وتقديري وامتناني 🌺