العراف

[شاعر الحب الحزين]

قبل كل شيء بحبكم وحشتوني جدا
وهي كمان وحشتني جداً
أول مرة الكيبورد يطلعلي كلمة جدا صح
اللي هي بعد كلمة وحشتني
ومرضيش يطلعها صح قبلها ولا بعدها
واهو جداً لأ طلعها صح المرة دي 🙂
كيبورد ابن لذينه غاوي يكسفني😅
بس عشان تعرف إني صادق وحشتني جداً جداً
كلكم وحشتوني وبحبكم ❤️

قال العراف لصاحبنا
هتعيش كتير وهتشوف أيام حلوة
وف نفس اليوم صاحبنا مات
تفتكروا العراف كان صادق ولا بيكدب
من نظرة وجهي أقصد من وجهة نظري 😎
العراف كان صادق وحسبها من الناحيتين
وكان بيكدب لما قال هتشوف أيام حلوة
صادق لأن الواحد بعد ما يموت بيعيش كتير
وبيكدب لأن الأيام الحلوة في علم الغيب
يا عالم ايمتا هتيجي الأيام الحلوة
مش هنروح نسمعها من إيهاب توفيق برضه 😅
ولا اقولكم هروح واسمعها دلوقتي
بلا عراف بلا كلام فاضي 🙂
ده موضوع عادي كده متاخدوش في بالكم 😅
ادخلوا واتكلموا في أي حاجة عادي
بس ادخلوا الباب مفتوح ادخلوا
سلام سلام ❤️🥺

[ندوشه 2011]

ايه الحلاوه دي دا كلام رائع.مفهمتش حاجه

[شاعر الحب الحزين]

اقتباس المشاركة الأصلية كتبت بواسطة ندوشه 2011 ايه الحلاوه دي دا كلام رائع.مفهمتش حاجه

كويس إنك مفهمتيش ده اللي بيفهم بيتعب في الزمن ده 😒
إذا كنت أنا اللي كاتب الكلام مش فاهم حاجة
هتفهمي إزاي إنتي يا ندوشه 😅
نورتي 🌺

[Yasmien Nabil]

كلام جميل جدا

[العاشق الذى لم يتب]

كلام فى همس فى معانى راقية
ومبدع راقى وجميل
ومساؤك سعادة
سلمت والنبض
تحياتى

[mrmr al sayed]

شكرا جزيلا

[شاعر الحب الحزين]

اقتباس المشاركة الأصلية كتبت بواسطة yasmien nabil كلام جميل جدا

نورتي بحضورك الرقيق
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب كلام فى همس فى معانى راقية ومبدع راقى وجميل ومساؤك سعادة سلمت والنبض تحياتى

أبو الروف الغالي منورني
وحشتني يا ابو قلب طيب
أسعدتني بحضورك وكلامك الطيب
يسلم نبض قلبك رفعت الغالي
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة mrmr al sayed شكرا جزيلا

العفو نورتي بحضورك الأول بين سطوري
شكري وتقديري وامتناني 🌺

[دمعه حائره]

الموت عالم غيبي منعرفش هنبقي بعده مبسوطين ولا مبسوطين جدا
بس الاكيد انه احساس حلو لما لسه يكون فيه حد بيوحشك
كلام جميل تسلم