طول عمري لوحدي

[شاعر الحب الحزين]

طول عمري لوحدي

لو حواليا مية مخلوق

بسامح كتير وبعدي

أوكسجين لأي حد مخنوق

ترضيني بوسة ف خدي

وكلمة حلوة تخليني اروق

عارفني بحب التمر الهندي

ليه تخليني من السوس أدوق

ولا عشان هو مش عندي

تكدب وتقول مش موجود ف السوق

أحب الطير ساعة م يهدي

أحب اشوف الشمس وقت الشروق

بسيط بس أقبل أي تحدي

ومش بعرف أعوم ولا بعرف أسوق

لو حبيتني مش هتحب حد قدي

وبرضه جايز متكرهش قدي مخلوق

ياللي بتقرا حروفي ليك كل ودي

بشكل ودي ارفع عينك وبص فوق

هتلاقيني بقيت هنا لوحدي

مش هتلاقي حد غيري ف الصندوق



ش . ح

[دمعه حائره]

كلمات جميله ومؤثره تسلم اخي ربنا يسعدك

[بحر القمر]

ونسيت اخوك ياسر ياعم
ينفع كده طيب
لا انت مش لوحدك
اخوك هنا وياك
ومتابعك
وبحب اقرا خواطرك وانت عارف
ربنا يسعدك يارب

[شاعر الحب الحزين]

اقتباس المشاركة الأصلية كتبت بواسطة دمعه حائره كلمات جميله ومؤثره تسلم اخي ربنا يسعدك

الأجمل حضورك بعد غياب
أسعد الله قلبك منة
أسعدتيني حضوراً وقولا
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي ونسيت اخوك ياسر ياعم ينفع كده طيب لا انت مش لوحدك اخوك هنا وياك ومتابعك وبحب اقرا خواطرك وانت عارف ربنا يسعدك يارب

انت حبيبي يا ابو اليسر
واخويا وصاحبي ونبض المكان
طول عمرك بتدعمني بكلامك ووجودك
بعتز وبتشرف بمعرفتك وبمتابعتك الكبيرة
انت القلب النابض للمنتدى أخي الغالي ياسر
بوركت جهودك الرائعة أخي الرائع
أسعدتني بحضورك وكلامك الطيب القلبي
شكري وتقديري وامتناني ❤️