لمار المحترمه والأداره المحترمين نداء ألي الجميع

[ساحر الأحزان]

السلام عليكم ورحمه الله وبركاته
موضوعي اليوم ليس نقد ولكنه نصيحه من أداري سابق داخل بنات مصر عاش وتعايش مع المنتدي بمراحل كثيره
مراحل خمول ومراحل نشاط موضوعي نصيحه ونداء ألي كل أبناء وبنات مصر المحترمين
الأعضاء المراقبين المشرفين الأداريين وخصوصا لمار التي لم نصل لها علي طريق يطمنا عليها لأنهاغائبه من فتره

كبيره ولم نتعود منها علي ذلك ويوجد امور كثيره داخل المنتدي متوقفه علي عوده لمار لعل سبب غايبها خير

ونطمئن علي عودتها اين نور وواد حبيب والمشرفين والمراقبين فداء وفجر مشكوره تتواجد علي فترات وتتابع وفداء لعل المانع خير يا فداء طال غيابك المشرف المتابع الان هو خالد شاعر الحب الحزين مازال عطائه مستمر يتواجد ويتابع

حياه شفاها الله وعفاها كانت متابعه نشطه وسامر جون سينا الذي لم نتعود علي غيابه طوال تلك الفتره وياسمينا واسلام كيف يعود النشاط للمنتدي وقلبه النابض غائب هل هان علينا بنات مصر ألي تلك الدرجه
المنتدي أصبح مليء بالاعلانات ومواقع الدعايا وهو الشيء الذي لم نتعوده ما زال معنا بعض الاعضاء أصحاب
العطاء الوافر داخل بنات مصر وليسو مشرفين ياسر عبدالباقي العضو النشيط الذي يستحق الاشراف والمراقبه
من زمان ودمعه حائره صاحبه الجهد الوفير والمتابعه وطبيب الهوي صاحب القلم المميز وخلود وهمس الرحيل وايلانا صاحب جميل الردود والتشجيع والمواضيع والعاشق الذي لم يتب ورضا التركي ومهيب الركن

واحمد 22 صاحب القلم المميز
أخوتي الطاقم الأداري نرجو منكم أعطاء المنتدي بعض الوقت وليس وقت كبيرا أعينونا حتي يعود المنتدي

يا لمار هناك مشاركات ومسابقات التي من شأنها تنشيط المنتدي وتشجيع الأعضاء من شهور لم تزود حتي الان وأمور اداريه بحاجه الي اللون الاحمر هل ننتظر الي ان يذهب منا المنتدي بلا عوده
هل هان علينا منتدي بنات مصر يا أبناء المنتدي
رجاء يا هيثم تدخل وأدخل وجوه جديده تعيد النشاط الي المنتدي هناك منتديات نشيطه
ومنتدانا لا ينقصه شيء سوي التواجد الأداري الذي يعمل علي جذب الأعضاء وتنشيط المنتدي

ورساله ألي كل عضو غائب المنتدي يشتاق أليك فهل أنت لا تشتاق أليه

[شاعر الحب الحزين]

الله أعلم بظروفهم وحالهم
بس أكيد كلنا عندنا ظروف وحالات
بس ده ما يمنعناش من التواجد
الإدارة والرقابة والإشراف وجودهم أساسي
وشيء جميل إننا نشوف الأسماء بكل الألوان
في المتواجدون الآن وخصوصاً اللون الأحمر المفقود

أنا بوجه تحية كبيرة لكل شخص بيتحدى ظروفه
ومشاكله وبيدخل المنتدى وباقي ع العشرة الحلوة
وبتمنى إن كل الغايبين يكونوا بخير ده أهم شيء
وان شاءالله هيبقوا موجودين قريب هنا معانا
وأتمنى نعيد سوا مع بعض في عطلة العيد ده
يكونوا البنات خلصوا طبخ وغسيل
والرجالة خلصت شغلها 😂😎

مبادرة طيبة منك أخي الحبيب أمجد
وهناك أسماء أخرى نفتقدها إلى جانب
الأسماء التي ذكرتها هنا أخي أمجد
سفيرة القلم نغم الشام
ابنة السلام جبل عالي
ملكة الإحساس روني
شمعة الحياة إيمان طلعت
رسامة المنتدى آية حكاية
الكاتبة المجتهدة آية fanaa
شاعر الإحساس المميز بكتاباته وردوده
شاعر الثورة أحمد عادل
وشاعرنا الجميل أبو سعد
المميزة حضوراً وقولا مريم
شاعرة الرومنسية حنين
الجميل الغائب كريم عاصم
والغائبة الحاضرة yooya
وأخي الغالي ياسر إحساسي صحيح
والأخت همس الكناريا والأخت منايا
الكونتيسة ضحى وشروق
وكتير كتير من حبايبنا الغايبين
بعتذر لو نسيت اكتب اسم حد
بس اللي مش كتبت اسمه دخلت
صفحته وبعتله رسالة اطمئنان وسؤال
وان شاءالله الكل يرجع ونطمن ع الجميع

الله يعطيك العافية يارب أخي الحبيب أمجد
شكري وتقديري وامتناني ❤️

[يحيى الفضلي السودان]

تسلم اخي الغالي
على هذا التفقد والنداء الجميل

يحيى الفضلي عوض حسن بابكر
كنت هنا

[حـيـــــآة ❤]

والله حاجه تحزن فعلا
انا عن نفسي موجوده مبعملش اي حاجه ف حياتي حالياً غير نوم🥱🤣 ❤️
بس مفيش حاجه مشجعه بصراحه بدخل الاقي المنتدى بيهش وينش
كمان زي ما قلتلك الواحد نفسيا تحفه جدا🥺

[big bốss]

كل عام و انتم بخير

لعل المانع خير و ان شاء الله الكل يرجع 🥰

[واد حبيب]

انا تقريبا كل يوم موجود بس مش بفتح المنتدي لان الوضع فعلا ممل جدااا هنا
لزم يكون في مراقب موجود دايما واداري موجود باستمرار لكن مع غياب الاداري من فتره طويله ومفيش بديل له الاعضاء والمشرفين بطلو يعملو مسابقات علشان مفيش حد بيزود الجوايز ولا في اهتمام اصلا
انا واحد من الناس مليش مزاج ادخل علشان الوضع اللي في المنتدي
مفيش حل غير ان يكون في اداري موجود باستمرار
غير كده كل اللي هبتعمل ملهوش لزمه

[ahmed 22]

ماينفعش نطلب من حد فقد الشغف لشئ انه يكون معطاء
المنتديات لناس كتير كانت فترة وانتهت من حياتهم
وده واقع ماحدش يقدر يغيره ..
والواحد فينا هيكون شخص اناني لو قام بإدانة ده

يعني البعض ممكن يعود لاستعادة بعض الذكريات مش اكتر
لان فيه ناس بتربط وجودها بوجود ناس ...
وفي ناس لو انقطعت فترة ورجعت ومالقتش نفس الاجواء
اللي تركت المنتدي عليه ... بتحس انها غريبة فيه ... وبالتالي التوقف افضل

لأن صدقني كتير من الناس كانت بتدخل المنتديات في فترة من حياتهم
كانوا محتاجين فيها دعم معنوي ولو زائف علي هيئة ردود او شوية ضحك وهزار

الناس كبرت ... احنا كبرنا
ولازم الكل يسأل نفسه ويعرف هو بيدخل المنتدي ليه اصلا ؟

لو الغرض من دخولنا هنا ماختلفش وبقا انضج
فصدقني اي كلام هنا يتقال مالوش عازة
سواء دخل مشرفين او لاء ...
سواء صاحب الموقع اهتم او لاء
مجرد مسكنات وبتنتهي

المواضيع بتاع تنشيط كالمنتديات دي اصلا
بتنكتب من قبل ما انا اسجل حتي ....
بدون فايدة لان ماحدش عارف هو عاوز اصلا..
ولو حد منتظر ان ممكن الدنيا ترجع زي زمان
فأنا بقوله مابقاش فيه زمان بالنسبة لحد
كل واحد لازم يعيش وفته حاليا .. لأن كل وقت وليه ناسه
وليه شكل مختلف عن زمان
مع احترامي ليك طبعا استاذنا

[دمعه حائره]

ربنا يرد الغايب بخير وسلام ويطمنا عليهم
اكيد كلنا مفتقدين وجودهم
ونشاط المنتدي عموما بكل الاعضاء اللي اسسوه وساهمو في وجوده
تسلم علي المبادره ومنور المنتدي ديما

[*فجر الاسلام*]

اعتقد ان اللي يتحمل المسئوله هو صاحب المنتدي لان محدش شافه من سنين تقريبا كده نسي المكان
وجود اي حد بيفرق بس اللون الاحمر بيفرق اكتر لانه بشجع الباقي ع الدخول
انا ممكن ادخل كل يوم بس ع حسب انا اساسا بفتح عشان اشوف لو في مواضيع يتوافق عليها فقط لا غير
لان نفسي اتسدت ع الكلام حتي عن الكتابه والله المستعان

[مهيب الركن .]

انا عن نفسي بحب الكتابه واللى بكتبه بحب الكل يشوفه
عشان كده بدخل المنتدى واحط كتاباتى
ومش فارقه معايا اذا كان فيه تفاعل ولا مفيش
اللى حابب يرد اهلا بيه واللى مش حابب أهلا بيه برضه
سيب كل واحد ينام على الجنب اللى يريحه
وكل سنه وكل الناس بخير