لا كله الا البشاميل

[^^khL oUD]

انا اكتر حد ف الدنيا بيحب البشاميل ..هي الصوره مش موضحه اوي بس
هي ف الحقيقه اجمل بكتير لدرجه حماتي واخوات جوزي بيطلبوها مني الحمدلله😂😂
هقول ع السريع عشان مطولش عليكم
بقطع بصلتين او تلاته ع حسب كميه اللحمه وارميهم ف سمنه اشوحهم
وانزل عليهم باللحمه المفرومه وقطع فلفل رومي واقلب واتبلها ب
(ملح ..فلفل اسمر ..بابريكا...كاري ..توم باودر..كبابه صيني ) واضيف ف الآخر صلصه طماطم واغطيها لغايه م تشرب الصلصه.
نيجي للبشاميل بحب اجيب الكيس الجاهز بينجز وقتي
واجيب حله وأحط فيها لتر لبن وكاري وسمنه وواحده مرقه دجاج عشان هي ال بتديها الطعم المختلف وأحط البشاميل واقلب وأحط ع النار واقلب لغايه م اوصل للقوام ال انا عيزاه ..اكون سلقت المكرونه وصفيتها وأحط عليها شويه بشاميل بحيث تكون المكرونه كلها م برا وم جوا بشاميل وادهن الصينيه بشاميل وأحط نص المكرونه بعد كدا اللحمه المفرومه بعد كدا باقي المكرونه وف الاخر خالص البشاميل وأحط بيضه ع وش الصينيه م فوق عشان لما تدخل الفرن تحمر
ودا شكلها النهائي بتطلع جوسي وغرقانه بشاميل
وبالهنا والشفا 🖤🌹

[ساحر الأحزان]

وصفه جميله خلود ومحببه انا عن نفس بحبها

وطالما انتي شاطره كده في المطبخ

نزلي وصفاتك في اليوميات عشان تاخد حقها من المشاهده

وبعد كده انقلها ليكي قسم المطبخ

ومع كل وصفه منك ليكي جايزه من جوايز الشيف الحصريه

موفقه خلود

[دمعه حائره]

ماشاء الله تسلم ايديك ياحبيبتي شكلها تحفه

[Lamees]

ايه ده انا جوعت
تسلم الأيادي يا قمر
ممكن انا كمان اطلب واحدة زي حماتك واخوات جوزك _^_

[بحر القمر]

شكلها شهي ولذيذ
تسلم ايدك يارب اختي

[حـيـــــآة ❤]

شكلها قمر
ماشاء الله
تسلم ايدك خوخه

[شاعر الحب الحزين]

أي حاجة منك بتبقى حلوة يا خلود
عشان كده بيطلبوها منك
تسلم ايديكي وربي يعطيكي العافية يارب 🌹

[belly]

الاكل انهاردة حلو قوي
و تسلم اديكي اختي الشيف خلود
شكلي كده بنعامل مع شيف من المستوي العالمي
خصوصا ان البشاميل من الاكلات اللي بسميها
العشق الاثير
تصدقي اني حاسس بالريحة واصلة لغاية بيتي في اسكندرية
تسلم اديكي و الله يسعد كل ايامك
و في انتظار طبق شهي لذيذ جديد
ناكل الطبق و صوابعنا وراه

[ساحر الأحزان]

يلا بقي خلود

جهزي نفسك وهاتي مطبخك لقسم الاكلات في المنتدي

وورينا جميل وصفاتك الحلو

[نغم الشام بعد المغيب..]

هلا الصورة مااطلعت عندي
بس انا كتيير بحب المعكرونة بالبشاميل
لسا إذا كانت بالصلصة البيضا غير شكل.

-يسلمن ..الله يعطيك العافية.