الجينز والكت والبدي وما خفي كان أعظم

[ساحر الأحزان]

بسم الله الرحمن الرحيم

تعتبر الملابس حرية شخصية لصاحبها من حيث اختيار الألوان أو الموديلات التى تناسب عمرة ,,سوء كان عمرة صغير

او كبير لا شك فى ذلك ولكن؟
مع بدايه دخول الصيف وأرتفاع درجه الحراره,,

اختيار نوعية الملابس بالنسبة للفتيات مع أنتشار ظاهر الجينزات والباديهات والسرتشات ’والبرمودا ’’والكت وغيرة

نقول ان الأطفال ملامح الأنوثة غير ظاهرة عندهم فى او مراحل العمر ويكون أختيار الملبس لا كلام علية

ولكن؟عندما تصل الفتاة لمرحلة البلوغ وتظهر عليها أعراض الأنوثة عندما ترتدى الجينز الضيق الذى يظهر المفاتن

مع البادى الخناق وغيرة ؟

يعنى لما تشوف واحدة لابسة بنطال جينز صاحبة يجد صعوبة عند أرتدائة أية الموقف ,من ذلك؟


عموما أنا مش حدخل فى تفاصيل أكتر من كدة؟
وخصوصا مع الحرمان النفسي والعاطفي؟

وحضع الظاهرة دى ظاهرة الموضوع تحت أيديكم؟

هل الفتيات يمكن ان يستغنين عن لبس البناطيل الجينز ؟

والبادى والكت عند الخروج من المنزل لان لو قلنا جوة المنزل عادى دة جوة البيت وغير ظاهر للى برة

ولا الى بقولة دة صعب حدوثة؟

اترك لكم باب المناقشة مفتوح فى ذلك الموضوع,,

شاكرا لكل من مر وادلى برائية ومن لم يقل فتلك حرية شخصبة لة

تحياتى لكم

[بحر القمر]

هو احنا ليه كل لما نحس اننا مكبلين او مزنوقين نستخدم لفظ الحريه ؟
الحريه مش قلة ادب واسفاف وابتذال
الحريه نفسها لها قيود وضوابط ومعايير
الحريه مش اللبس الخليع والمقطع والمقزز للجنسين
ومش معنى اني حر اقوم كرجل اعاكس اللي رايحه واللي حايه تحت اسم الحريه
انا ضد اي شيئ فيه قصور وفيه اسفاف وفيه لفت نظر وفيه عدم مراعاة الله او احترام الذوق العام
مش هقول حرام او حلال لكني ضد ووظيفة التحليل والتحريم مش وظيفتي
بس انا اتعلمت ان لا يصح الا الصحيح
والمصيبه نرجع نشتكى من الاغتصابات والمعاكسات والامور دي
طيب ما يتم ارتداء ملابس مقبوله ومهذبه

موضوع قيم جدا منك اخي
تحياتي وكل التقدير لك

[Lamees]

الحرية تنتهي عندما تتعارض مع حريات الآخرين
يعني الحرية هنا مشروطه اه المجتمع عطاني الحرية
بس بشروط كما أن الدين أعطاني كأمراة الحرية
بشرط الا تتعارض مع الدين
مش ده الزي الإسلامي المفروض علينا كنساء مسلمات
اه ممكن نلبس على الموضة وكل حاجة بس لازم نراعي
الدين والآداب العامة كمان
تحيتي لك أمجد
دام العطاء والتواجد

[شاعر الحب الحزين]

مرة كان في بنت مع أمها في مكان عام مزدحم
مكان مخصص للجلوس للعائلات والشباب
المهم أم البنت أغمى عليها ووقعت ع الأرض
كانت البنت كل ما توطي وتقعد عشان تطمن على أمها
ضهرها يبان وتقعد تنزل البلوزة اللي لابساها
ف إيدها عشان ضهرها مش يبان قدام الناس
وتحاول تفوق أمها ف ايدها التانية
قمت قلعت قميصي وحطيته عليها لأن دي الأصول

يمكن الموقف اللي حصل معاها ده خلاها
تعتدل في لبسها بعد كده وأتمنى ده ليها وللجميع

الله يهدينا ويهديهم يارب
موضوع قيم أخي الحبيب أمجد
الله يعطيك العافية
شكري وتقديري وامتناني ❤️

[دمعه حائره]

موضوع اللبس ده مرتبط بالمكان اللي عايشين فيه والشرع والدين
ممكن تكون لابسه متحرر لكن البيئه اللي عايشه فيها ده عادي هناك
مينفعش تروح بنفس اللبس في حي ممنوع في الكلام ده
والعكس بردو كل مكان متعود علي نوعيه لبس وعادات وتقاليد
لكن لو هنمشيها شرع ودين معروفه ايه هي الحدود
انما عموما الناس بتمشي حسب المكان اللي اتربت فيه وعاداته
وانا ضد ان حد يتدخل في طريقه لبس حد او تصرفاته
طالما مش بيئذي غيره او يتعدي حدوده او ينتهك عادات المكان الموجود فيه
يعني مثلا فيه بلاد مفروض فيها النقاب بغض النظر هو تدين او لا
وبلاد عادي تمشي بلبس مكشوف
فانا مبشغلش نفسي بالكلام ده طالما محدش مدايقني بطريقه لبسه
تسلم امجد

[نجاة حسام]

حريه شخصيه
ومحدش مننا ليه دخل انو يحكم
والاخلاق مش مربوطه بشكل الهدوم كت وشورت
سورى الرقاصه بتلبس عبايه ومش قصدى ان اللى بتلبس عبايه رقاصه
اقصد فى الوجه العام عمر ما نقدر نحكم على حد من مجرد شكل خارجى
كل انسان حر فى حياتو
لبسه كت ولا كم ولا خمار حتى
مش مطلوب منى اقيم حد
كل واحد عارف الصح والغلط كويس

[ahmed 22]

الشكل العام للمجتمعات بيتغير ...
واقعيا ماحدش وصي علي حد في لبسه
بس صعب تمنع نظرات الناس اللي كلها احكام
للعالم اللي من غير بيئتك
لو انت اضطريت في يوم تعاشرهم ...


المشكلة ان الحريات الشخصية طغت علي الأحكام الشرعية ..
يعني مثلا
لو كان الحكم عالأخلاق ...
والنظرية بتقول ان مش كل بنت بتلبس ضيق هي انسانة مش محترمة

فالأخلاق مش مجرد احترام
الاخلاق في الاسلام انواع ...

الحياء نوع من انواع الأخلاق
العفة كذلك ...
والملبس فيه ارتباط بينه وبين العفة والحياء

مش عارف اجيبها ازاي ..
بس انت لما طفل بيقعد يمص في صابعه
مش معني انك بتقوله بس ... فهو بيبطل ...

لازم ينضج كفاية انه ياخد القرار بنفسه
ويشوف ان اللي بيعمله غلط ...

انه ينضج كفاية ... ده معناه انك لازم تقوله كخ كتير
وتصر عليها يوم وشهر وسنة ... لحد ما يفهم ...

في مجتمعاتنا حاليا ماحدش بينضج في خلقه
لأن الانسان لما بينطلق في المجتمع ماحدش بقا يجرأ يقوله كخ
امه الوحيدة اللي كان ممكن ينقبل منها ... وهو بيقبل بعد الحاح مستمر

ووسط كمية التناقضات اللي الناس عايشاها علي الجرايد والشاشات
وتأثير افعال المشاهير علي الناس ...
انحفر جوا العقول قناعات بالحريات
دون النظر الي تأثير القناعات دي علي حياتهم

وبقا من الصعب ان يشوف نصيحة انها مش تدخل في حريته
لأنه مش متقبل فكرة انك اصلا بتنصحه
وليه ... وانت مين اصلا ؟ ولا انت فاكر نفسك ايه ؟

هو مش شايف نصيحتك ... لانه شايف اخطائك قبلها
هي شايفة لو انك بتنصحها انها تلبس كويس
فأنت خطيئتك اكبر ... لأنك انت ليه تدخل اساسا

التدخل في حرية الغير بقا خطيئة في عرف الغير تقل عن خطيئتهم ...
ويا سلام لو انت بتنصح بغشومية او اسلوب غبي
يبقي انت كدا خلاص قفلت اللعبة من قبل ما تبدأ ...

عارف المشكلة الاكبر في ايه
ان الناس محسساك انها شافت كل حاجة في حياتها
فبطلت تنبهر ... بالتالي بقا صعب التأثير فيها
او ايصال معلومة ليها او اقتناع ...

عامة حاليا
لو الناس اساسها مش صلب .. فسهل العبث بيه
ولو حتي عامل فيها ابو العريف
ولو حتي عاملة فيها ام الحريات ...

[belly]

طيعا انل مؤمن بمدا الحرية الشخصية لاقصي حد
لكن لا يوجد شئ اسمه خرية شخصية او ان هذا هو رايي
اذا كان لبدين راي اخر
يعني عندما يقول الدين عم زي المراة لا يشف و لا يصف و لا يلفت الانتباه
فواجنيا ان نقول سمعنا و اطعنا .. لا سمعنا و عصينا كما فعل المغضوب عليهم
و انا ساكون صريحا جدا في كلامي
انا لسن شابا صغيرا .. لكنني من مواليد ١٩٧٩
و تخرجت من الجامعة في عام ٢٠٠٢ و صدقني يا اخي امجد
في الكلية بهذا الوقت كانت اجرا فتاة ترتدي ملابس ضيقة
تظهر حدود و شكل ملابسها الداخلية ..
هذه كانت الفلتة و اجرا قتاة و كانت غير محجبة
لكن اليوم هذا الشئ الذي كنا نشعر بالدهشة منه عام ٢٠٠٢
اصبح تفعله اقل بنت محجبة تزصف بالاحترام
لقد حصل لي موقف قبل خمسة اعوام عندما كنن اسير بالشارع
و امامي بنت محجبة ترتدي سروال قماشي ابيض شديد الضيق
لدرجو انني كنت اميز الرسوم علي ملابسها الداخلية
و هذا جعلني اسرع في السير ختي اتجاوزها .. فانا لا اريد ان تخونني عيني
و علي الرغم من سرعتي في السير الا ان الفناة كانت سريعة
و المسافة بيننا كانت تقل لكن ليس بصورة كبيرة
و هذا جعلها مكشوفة امامي لفترة حتس من الله علي و دخلت اخيرا
لمحل سندوتشات
طبعا لن اقول عن كم النظرات التي التهمت جسدها في نهم
بداية من صبيةوفي عمر الثامنة انتهاءا بعجزة جاوزوا الخامسة والسبعين
مفاد القول ان الدنيا تتحول من سئ الي اسوأ بالنسبة للشباب و البات معا
و ليس من المستعجب ان نري موضة السير بدون ملابس مع ارتداء الحجاب
خلال الخمسين سنة التالية مثلا
الجينز و البادي و الكت و البرموده و الفيزون و التربون
ليست حرية شخصية ابدا
لكن من يسمع و من يعي و من يغار علي عرضه ؟
اسف علي صراحتي التي قد تكون فجة
و اشكرك علي موضوعك القيم اخي امجد
و دمت بحفظ الرحمن

[^^khL oUD]

انا معاك ف ال قولته بس احيانا ف ناس كدا م مصر بيحبو يقلدون الغرب
ب اي شكل م الاشكال سواء ف اللبس أو ثقافتهم
وطبعا تقليد غلط لأنهم مش شبهنا ولا عاداتنا وتقاليدنا
دا غير ف عائد كبير ع التربيه الاب والام إن ف حاجات مينفعش
ايوا تبقي حره بس مش لدرجه اوفر تلفت النظر
انا دايما بقول مش باللبس ياما ناس لبسها محترم بس هما مش محترمين
والعكس صحيح
بس ف اوقات فيها بيبقي لا كدا مينفعش كدا حرام مش عيب كمان لا دا حرام

تسلم ي امجد موضوع يستحق النقاش .

[ساحر الأحزان]

اقتباس المشاركة الأصلية كتبت بواسطة ياسر عبد الباقي هو احنا ليه كل لما نحس اننا مكبلين او مزنوقين نستخدم لفظ الحريه ؟ الحريه مش قلة ادب واسفاف وابتذال الحريه نفسها لها قيود وضوابط ومعايير الحريه مش اللبس الخليع والمقطع والمقزز للجنسين ومش معنى اني حر اقوم كرجل اعاكس اللي رايحه واللي حايه تحت اسم الحريه انا ضد اي شيئ فيه قصور وفيه اسفاف وفيه لفت نظر وفيه عدم مراعاة الله او احترام الذوق العام مش هقول حرام او حلال لكني ضد ووظيفة التحليل والتحريم مش وظيفتي بس انا اتعلمت ان لا يصح الا الصحيح والمصيبه نرجع نشتكى من الاغتصابات والمعاكسات والامور دي طيب ما يتم ارتداء ملابس مقبوله ومهذبه موضوع قيم جدا منك اخي تحياتي وكل التقدير لك

اشكر لك مداخلتك القيمه ياسر

تحياتي وتقديري لك