الدفاع عن سارقي الديك الرومي

[طبيب الهوى]

الدفاع عن سارقي الديك الرومي

ابنائي وبناتي & إخواني واخواتي
أعضاء منتدانا الكرام
علمت من أمجد رئيس محكمة المنتدى العليا
أن بناتي الاحباء
ام أحمد الشهيرة بلاميس
هاجر الشهيرة بحياة
فجر الشهيرة بفجر الإسلام
قد سرقوا عشاء أعضاء المنتدى
والتي قامت بتحضيره ابنتي الحبيبة
خوخة الشهيرة بخلود
وكان العشاء عبارة عن
ديك رومي وطبق بيض اومليت
ولما سألت البنات مين اللي سرق الديك الرومي
جاوبت ام أحمد وقالت أنا اكلت منه الصدر بس مشوفتوش
وقالت هاجر أنا أكلت دبوس واحد يا عمو لكن في الحلم
وقالت فجر أنا أكلته كله بس فيديو يا عمو
يعني انا صورته بس
وطبعا بناتي مش بيكدبوا
عشان الستات مش بتعرف تكدب
قلت اسأل خلود أفهم منها يمكن نسيت تطلعه من الفرن
قالت خلود انا طبخته عشانك أنت وأمجد يا عمو
وكلامها كان صاعقة بالنسبة لي
مين اللي سرق الديك بتاعي
جلست حزين أفكر في الديك الرومي
وفجأة افتكرت البت إيلانا بنت ام اسماعيل
وعفريتها عفركوش بن برتكوش
اتصلت عليها وطلبت منها ترسل لي عفركوش
عشان اسأله عن الديك الرومي
قالت إن عفريتها في أجازة ومش بيرد على الجوال
واشارت عليا اسأل تيتة امال جبل عالي
عشان هي اللي مربية الديك وصاحبته
اتصلت على امال وسألتها عن الديك
صرخت وقالت اديته هدية للبنت مروة الشهيرة بروكه
عشان تدبحه في فرح هبة عاشقة الهدوء
لكن البنت سارة الأميرة رودي سرقته منها
وقدمته هدية للانسة نور بنت منة دمعة حايره
اتصلت على منة وقالت من يوم ما البت مروة الشهيرة بفداء
ما سرقت خروفها وهي مش بتربي حيوانات ولا طيور
ورجعته تاني للبنت روكه
اتصلت على روكه قالت يا اخويا
من يوم ما اتسرق خروف منة اتصل على
نغم الشام ترد عليها وتقول ماااااااااااءاعرفش
يا مروة خلصيني فين الديك
قالت اديته هدية للبنت خلود بمناسبة زواجها
اتصلت على خلود قالت
بصراحة يا عمو أنا شويته واديته لأم أحمد
عشان توصله لحضرتك
وهنا تأكدت ان ام أحمد هي اللي سرقت الديك
وعملت عليه عزومة عزمت عليه فجر وحياة
سيدي رئيس محكمة المنتدى العليا
السادة المستشارين الاجلاء الرحماء
اطالبكم بالحكم على البنات بما يلي
شراء وطبخ ديك رومي لكل من
أمجد رئيس محكمة المنتدى العليا
ونائبه الرجل الطيب أبو عصام
لمدة ٣٠ يوم
وعلى المتهمة لاميس تجهيز عزومة لهما
بمناسبة قرب وصول زوجها بالسلامة
أما المتهمة هاجر تقوم بايجار شقة في العجمي بيطاش
للحاج أبو عصام والسيد رئيس محكمة المنتدى العليا
لمدة شهر على حسابها شاملة مصاريف المواصلات
والاكل والشرب على حساب هبة أخت هاجر
أما المتهمة الثالثة فجر الإسلام
اطالب ببراءتها لأنها أكلت الديك فيديو
مع تحيات هيئة الدفاع المكونة من كلا من
السيد شاعر الإحساس
السيد قلب وكلمات
السيد الرحال الزجال
السيدة قوة أنثى
السيدة إيمان طلعت
السيدة قيثارة الصمت
السيدة ليدي ليد
السيدة هادية
السيد إحساسي صحيح
السيد كبرياء رجل
السيد الفيلسوف
السيد شاعر الحب الحزين
السيد أبو نصير عمدة الخزعبلات
تحياتي وودي وورودي
أبو عصام

[^^khL oUD]

الله بجد كل الاعضاء دول وحشوني اوي اوي
انت سردت القصه بطريقه جميله اوي ي عمي ابو عصام
جميله بجد وكنت بقرا الموضوع وانا مبتسمه ومبسوطه 😍🖤
ربنا يسعدك وتسلم ايدك بجد
بس انا برده واخده ع خاطري بسبب الديك بتاعي ومعايا صوره ل لميس وهي بتاخده م التلاجه لو أنكرت هنزلها الصوره 😂😂😂

[ساحر الأحزان]

ابوعصام فتح المنجم تبعه

واتي علينا بجميل الخزعبلات

لاعضاء نشتاق لهم

ونتمني من الله رجوعهم بخير وسلامه

حتي تقوم شيف خلود

بتحضير وليمه كبيره تليق برجوعهم

احسنت طبيب الكلمات الجميله الصياغه والتعبير

تقييمي البسيط

تحياتي

[Lamees]

والنبي بلاش فضايح يا جماعة
من غير صور حاضر
الديك الرومي عليا
الوليمة كلها عليا
يوم رجوع حبايبنا الغايبين
العزومة عندي

ثانكس يا جماعة
بس انا مظلوم يا باشا

[مهيب ملاك]

خزعبلايه

ظريفه ودمها خفيف منك
يسلمو

[حـيـــــآة ❤]

ايوا انا أخري الدبوس فعلا 👈👉🤣
مين اللي اكل الجبنه 🤣

[دمعه حائره]

الله ايه الاسامي الحلوه دي ياريت يرجعوا كلهم تاني
موضوع جميل واسلوبك شيق جدا تسلم يا ابو عصام

[ويبقى الأثر]

الله على هيئة الدفاع فين أيامهم
طيب هما كمان ملهمش نصيب فى الديك ولا ايه
موضوع جميل والدى وأسماء جميله ذكرتها
ان شاء الله يعودوا بخير وسلام
تسلم ويسلم مواضيعك الحلوه

[طبيب الهوى]

اقتباس المشاركة الأصلية كتبت بواسطة ^^khl oud الله بجد كل الاعضاء دول وحشوني اوي اوي انت سردت القصه بطريقه جميله اوي ي عمي ابو عصام جميله بجد وكنت بقرا الموضوع وانا مبتسمه ومبسوطه 😍🖤 ربنا يسعدك وتسلم ايدك بجد بس انا برده واخده ع خاطري بسبب الديك بتاعي ومعايا صوره ل لميس وهي بتاخده م التلاجه لو أنكرت هنزلها الصوره 😂😂😂

عذرآ ابنتي غلطت وضغطت على تعديل بدل اقتباس
هؤلاء الاعضاء وحشوني أنا كمان ابنتي
الحمد لله الذي جعلني سببا في اسعادك وابتسامتك
الله يسعدك ابنتي ويسترك ويحفظك من كل سوء وشر آمين
وتاخدي على خاطرك ليه يا خلود
لاميس هتشتري ديك رومي كل يوم لمدة شهر كامل
وعليكي طبخ وشواء الديك الرومي لعمك أبو عصام يوميا
وربنا يديني القوة والصحة عشان أقدر أخلصه
تحياتي وودي وورودي
أبو عصام

[طبيب الهوى]

اقتباس المشاركة الأصلية كتبت بواسطة ساحر الأحزان ابوعصام فتح المنجم تبعه واتي علينا بجميل الخزعبلات لاعضاء نشتاق لهم ونتمني من الله رجوعهم بخير وسلامه حتي تقوم شيف خلود بتحضير وليمه كبيره تليق برجوعهم احسنت طبيب الكلمات الجميله الصياغه والتعبير تقييمي البسيط تحياتي

أخي الحبيب أمجد
المنجم ليس ملكي لكنه ملك
منتديات بنات مصر
ان شاء الله تعالى سيعود من غاب
يا أمجد بمجهودك ومجهود من متواجد الآن
ميرسي أمجد مرورك الراقي وردك القيم
تحياتي وودي وورودي
أبو عصام