اسمي فريدة ..!

[جنون قلب]

- انني اسمك ايه
-- انا حكايه طويله فاضي تسمعها

- اسمعها
-- بص يا سيدي انا اسمي فريده
بابا اختار اسمي دا من وانا لسه مشوفتش الدنيا
تقريبا بابا الوحيد اللي مقتنع ان اسمي فريده
ماما مكنتش عايزه الاسم دا
وكل شويه تقوله انت سبتني تعبانه وروحت
سميت البنت حتي من غير ما تقولي
علي فكره هي تقصد بالبنت دي انا يعني

- طب انتي شبه ماما ولا بابا
-- كلهم بيقولي انتي سمسم وهو صغير
سمسم دا برضه اللي هو بابا
بس بابا بيضحك مع انه يبان عليه مداري حزن كبير
معرفش يقصدوا ايه بالجمله دي
بس هي بتتقال كدا

- طب انت تحبي بابا ولا ماما
- هي دي برضه مشكله تانيه
انا احب لعب سمسم احب وجوده معايا
بضحك معاه كنير وماما بتزعل
فبضطر اضحك ليها ضحكتين
انا احب بابا

-انتي عمرك كام
--
متفكرنيش
ماما خدت كراسه من الصحه فيها كلام كتير عني
كل شهرين تاخدني تديني حقنه وتورم رجلي
خدت مرتين
وفاضل كام يوم واروح اخد حقن عشان بقيت ست شهور
بس سمسم شايفني عمره كله

.....
عارفين يعني ايه ربنا يكون بيحبك
يعني يحققلك كل اللي اتمنيته
انا امنيتي ابقي بابا فريدة
ربنا محبش يكسفني
اللهم لك الحمد والشكر
فضفضتلكم بدل منها
الله يعمر بيوتكم ب فرحه

[دمعه حائره]

ماشاء الله ربنا يحفظها ويبارك فيها وتكون ابنه باره بيك
وتفرح بيها يارب
احلي كلام والله الواحد يختم يومه بيه
ربنا يحفظكم ويزيدكم من فضله يارب

[نجاة حسام]

ربنا يحفظها وتشوفها احلى عروسه

[نغم الشام بعد المغيب..]

ما شاء الله تبارك الرحمن
-فضفضة معجونة ببراءة الطفولة.
أسأل الله أن يحفظها لكم أخي ،ويجعلها من الصالحات
آمين يارب.

[ساحر الأحزان]

فضفضه عذبه وجميله

من قلب شفاف


احسنت اسلام

وبارك الله لك بها وحفظها وجعلها من الذريه الصالحه

والباره بكم والمحافظه علي دينها

[فداااااااااااء]

ربنا يبارك لك فيها ويحفظها لك اخى جنون
وتعيش وتشوفها احلى عروسة

[ويبقى الأثر]

بسم الله ماشاء الله
ربنا يبارك فيها ويجعلها ذريه صالحه
مشاعر كتير راقيه
دمت بخير

[big bốss]

ربنا يخلهالك و يفرحك بيها

دامت برائتها و ابداع ابيها

[احساسى صحيح]

ربنا يفرحك بيها وتقر عينك بيها
وتشوفها حاجة كبيرة ومشرفة فى المستقبل بأذن الله
تحياتى اسلام

[بحر القمر]

ربنا يبارك لك فيها فيها يارب وتفرح كل الفرح بيها
اللهم امين يارب العالمين