جيل بيسلم جيل ولكن ؟جيل الطيبين أنقرض

[ساحر الأحزان]

بسم الله الرحمن الرحيم

جيل الطيبين انقرض أو أوشك علي الأنقراض ..

والواحد في سن صغيره في طفولته كان عايش سن البراءه من لعب ولهو وأيام كانت حلوه أيام جدي وجدك وستي وستك وأبويا وأبوك وأمي وأمك؟

وخالي وخالك وخالتي وخالتك وعمي وعمك وجيرانا والناس الكبار في بلدنا وقريتنا أيام الشلن والبريزه والربع جنيه الورق أيام النورج بتاع دراس الفول

وأيام مكنه هز القمح والرز ..

وأيام الساقيه ألي كان بيجرها البقر والجاموس قبل المكن الألي بتاع اليوم كانت الجيران فاتحه بيوتها وقلوبها لبعضيها ألي مش عندها حاجه وعند جارتها بتبعت أبنها يستلف من عندها والأمور كانت ماشيه

مكنش فيه تلاجه ولا تليفزيون ولا بوتجاز ولا ميه بارده أو سخنه ؟

وكانت الحياه بسيطه كان ألي بيتخرج من الثانويه بسيعين في الميه يخش هندسه أو يخش طب أو أي شيء حابه

وألي كان بياخد أعداديه أو دبلوم كان بيتوظف ولا كان فيه بطاله ولا كان فيه عماله مؤقته

كانت الحياه برغم بساطتها كانت حلوه وجميله والأيام ماشيه والناس عايشه

كنت مره وأنا صغير رحت أزور جدتي عمت أمي كانت متجوزه في المنصوره رحت أزورها أنا وأمي وأبويا

وكنا بنقعد عندها بالأسبوع جدتي بعد كام يوم أدتني فلوس وقالت أشتري ليك حاجه حلوه

خدت منها الفلوس ونزلت من غير ما أعرف أم ولا ستي وفي الشارع شفت نيل المنصوره وكان شكله جميل

فضلت ماشي ماشي من غير ما أحس ومشي طول وغبت فتره كبيره جدا وأشتريت وأنا راجع قابلت أمي

وأبويا وستي وأولادها والجيران أفتكروني تهت ويومها أبويا أصر أني أروح معاه وسط دموعي ليه أني أفضل

مع أمي وأجي اروح معها وهو رفض ؟

ورجعت بتنا مع أبويا وتاني يوم لقيت أمي رجعت صعبت عليا نفسي أني زعلتها وعملت ليها مشكله ويمكن مش كانت ولا أول ولا أخر مشكله أعملها ليها كنت متعوده مني علي المشاكل وكانت متحملاني

لما خرجت وغبت عنها ولكن ؟كان فيه أرتباط لصيق بيني وبين والدتي رحمه الله عليها من يوم ما أتولدت

لحد يوم وفاتها وهي عايشه معايا وراحت لأخرتها من بيتي ..

جيل الطيبين ده برغم بساطته وحياته البسيطه فهم لا يعوضون وبرغم أننا الأيام دي في رفاهيه

من سيارات وألات حديثه وفونات وغيره من رفاهيات العصر الحديث ألا أنك من غير كبيرك سوء أبوك أو أمك

أو أخواتك أخوالك أعمامك عماتك أصحابك ..

الناس دي الحياه من غيرهم ملهاش طعم لأنهم بركه الحياه ...

فضفضه قلبيه وضعتها بين أيديكم

أحترامي للجميع

[فــــــــــرح]

اكتر وحده عايشه في امبارح ممكن اكون انا
حنين فضيع للامس للماضي للعب للذكريات
وبيت جيرانا كان فعلا بيتنا
كل حاجه حلوه سبناها امانة مع ارواح حبايبنا اللي ماتوا
وفعلا جيل بيسلم جيل

الان التواصل الكتروني ايا كان نوعه
فين وفين لما نشوف بعض
احنا عيله كبير ه ماشاء الله 7 خالات
وكل خاله متفرع منها 7 او 6 بنات
ههههههههه فين وفين لما بنتقابل مش زي لما كنا اطفال
الدنيا خدتنا وبعدتنا بس المعزه والحب مازال موجود

ربنا يكتب للجميع الخير
ومالنا الا ان احنا نجاري الايام بحلوها ومرها



شكرا استاذنا الفاضل
موضوع قيم احيا روح الماضي جوايا
او صحاه احسن.

[شاعر الحب الحزين]

الله يرحمها ويسكنها فسيح جناته
ويرحم كل المسلمين والمسلمات الأحياء منهم والأموات
ده قدرنا نفارق اللي بيحبونا أو هما يفارقونا

زمان كانت الحاجات العادية حلوة
دلوقتي بقت الحاجات الحلوة عادية

ملامحنا دبلت عقولنا اتغيرت
نظرتنا للحياة بقت مختلفة
وسائل التواصل كتير بس بقينا ف عزلة
مفيش لهفة مفيش استقرار مفيش أمان
لا كلام زمان كلامنا ولا أفعال زمان أفعالنا
ربنا يحفظنا جميعا ويحسن خاتمتنا وعاقبتنا يارب

فضفضة الحنين إلى الماضي الجميل
في ظل واقع مرير الحال والأحوال
فضفضة تلامس الوجدان
أسعد الله قلبك أخي الغالي أمجد
وأسعدك الله في حياتك بكل خير يارب ❤️

[دمعه حائره]

ربنا يرحمها ويرحم امي يارب
ذكريات الطفوله هي اكتر ذكريات مابتتنساش
وكل ماالدنيا بتطور بنفقد قيمه وعادات جميله كانت بتجمعنا
اعتقد ده عيب في جيلنا احنا لازم نربي اولادنا علي القيم دي
والارتباط الاسري بس للاسف بنحاول والمشكله ساعات
بتيجي من الاسر التانيه او منا مشغولين في دوامه الحياه
وبقت صله الرحم في الاعياد والمناسبات
تسلم امجد

[Lamees]

الله يرحم كل جيل الطيبين
اللي في حياتنا اللي هنعيش على ذكرى
وجودهم في حياتنا
تسلم للطرح أمجد

[نغم الشام بعد المغيب..]

-بالفعل كانت الحياة بسيطة ومافيها كل هالتعقيدات ولا كان فيها كل الترفيهات يلي نحنا هلا عايشين فبها.
كانت اللمة حلوة.. بين الاهل والجيران ، كانت  الحارة كلها وكأنها عيلة وحدة بتشاركوا بالأفراح والأتراح بقلب ورب، مو بس بالإسم أو كمالة عدد.
هلا على مستوى الأسرة الواحدة بتشوف تفككك أو عدم ترابط وإندماج! وتلاقي الأفراد قاعدين مع بعض وكل واحد موبايلو بإيده ،ونسيان حالو.
-فعلا كلما ازدادت الحياة تطور  كلما تراجعت نفوس البشر للوراء!وصار هما تواكب العصر ،وتنسف كل القيم الجميلة والمعاني السامية يلي اتربينا عليها، إلا مارحم ربي
.
ألاليت ذاك الزمان الجميل يعود يوما..

-فضفضة جميلة منك أخي أمجد وبتريح كتييير.

[ساحر الأحزان]

اقتباس المشاركة الأصلية كتبت بواسطة فــــــــــرح اكتر وحده عايشه في امبارح ممكن اكون انا حنين فضيع للامس للماضي للعب للذكريات وبيت جيرانا كان فعلا بيتنا كل حاجه حلوه سبناها امانة مع ارواح حبايبنا اللي ماتوا وفعلا جيل بيسلم جيل الان التواصل الكتروني ايا كان نوعه فين وفين لما نشوف بعض احنا عيله كبير ه ماشاء الله 7 خالات وكل خاله متفرع منها 7 او 6 بنات ههههههههه فين وفين لما بنتقابل مش زي لما كنا اطفال الدنيا خدتنا وبعدتنا بس المعزه والحب مازال موجود ربنا يكتب للجميع الخير ومالنا الا ان احنا نجاري الايام بحلوها ومرها شكرا استاذنا الفاضل موضوع قيم احيا روح الماضي جوايا او صحاه احسن.

معك حق فرح

هناك حنين للماضي والذكريات

التي جمعتنا مع احبتنا

وبرغم التطور التكنولجي غاب مع التزاور الاجتماعي

وبقي الاتصال علي فترات هو الحل

اشكر لكي جميل مداخلتك

دمتي بخير

[ساحر الأحزان]

اقتباس المشاركة الأصلية كتبت بواسطة شاعر الحب الحزين الله يرحمها ويسكنها فسيح جناته ويرحم كل المسلمين والمسلمات الأحياء منهم والأموات ده قدرنا نفارق اللي بيحبونا أو هما يفارقونا زمان كانت الحاجات العادية حلوة دلوقتي بقت الحاجات الحلوة عادية ملامحنا دبلت عقولنا اتغيرت نظرتنا للحياة بقت مختلفة وسائل التواصل كتير بس بقينا ف عزلة مفيش لهفة مفيش استقرار مفيش أمان لا كلام زمان كلامنا ولا أفعال زمان أفعالنا ربنا يحفظنا جميعا ويحسن خاتمتنا وعاقبتنا يارب فضفضة الحنين إلى الماضي الجميل في ظل واقع مرير الحال والأحوال فضفضة تلامس الوجدان أسعد الله قلبك أخي الغالي أمجد وأسعدك الله في حياتك بكل خير يارب ❤️

امين يارب العالمين


الماضي دوما ياخذنا معه خالد

ايام الطفوله والصبا

الايام مع الاهل والاصدقاء

ايام كان البال خال ومرتاح

قبل شيل المسؤليه مع الكبر

اشكرك شاعرنا الجميل علي طيب مداخلتك

تحياتي لك

[ساحر الأحزان]

اقتباس المشاركة الأصلية كتبت بواسطة دمعه حائره ربنا يرحمها ويرحم امي يارب ذكريات الطفوله هي اكتر ذكريات مابتتنساش وكل ماالدنيا بتطور بنفقد قيمه وعادات جميله كانت بتجمعنا اعتقد ده عيب في جيلنا احنا لازم نربي اولادنا علي القيم دي والارتباط الاسري بس للاسف بنحاول والمشكله ساعات بتيجي من الاسر التانيه او منا مشغولين في دوامه الحياه وبقت صله الرحم في الاعياد والمناسبات تسلم امجد

لان الطفوله كانت شاهده علي جميل المواقف والذكريات


التي لا تعوض مع مرور الايام والسنين ياخذنا الحنين الي تلك الايام

مع اللمه مع الاحبه من الجيران والاهل والاصدقاء

الله يرحم موتانا جميعا منه

واشكر لكي جميل مداخلتك الطيبه

تحياتي لكي

[ساحر الأحزان]

اقتباس المشاركة الأصلية كتبت بواسطة lamees الله يرحم كل جيل الطيبين اللي في حياتنا اللي هنعيش على ذكرى وجودهم في حياتنا تسلم للطرح أمجد

امين يارب العالمين

الذكري للماضي تظل بداخلنا نحن اليها

ونشتاق لها لانها امام الاعين

اشكرك لميس علي جميل مداخلتك

تحياتي لكي