من شباك العربية

[شاعر الحب الحزين]

راكبة ملاكي اسكندرية
بصيت من شباك العربية
لقيت الحلوة بتغمز ليا
ده ايه الحادثة العسل ديا
حادثة مفهاش ضحايا بشرية
باستثناء قلبي وروحي وعنيا
هما لوحدهم كانوا الضحية
عشان من الشباك التاني
كان فيه وحدة بتشاور عليا
الأولى مكانها غير مكاني
نزلت وعيونها عمالة بتنده ليا
قعدت افكر واعد الثواني
ولسه التانية بتبصلي من شباك العربية
بس مش شفتها شفتها بطرف عنيا



ضيعت في الحب طريقي
وبتفرج
ع ضياعي من شباك العربية


فاكر أيام زمان ي صديقي
بتهرج!
طبعاً فاكر كل ذكرى ليك وليا



أنا بقى مش فاكر
ولا أي ذكرى ي صاحبي لينا
قفلت شباك التذاكر
خلصوا كل التذاكر ي أفندينا



هبقى اشوفك من شباك العربية
واشوف طريقك هياخدك فين
ولما يخلص طريقي م تنزلش ليا
خليك ماشي ومتجيش بعدين



كلمة ملاكي اسكندرية
قلتها من باب حبي الكبير لتلك المدينة
ومن باب التغيير فقط ❤️
ومن شباك العربية 😅😉


ش . ح

[ساحر الأحزان]

انت في الاسكندريه الأيام دي ولا ايه

أنت دخلت علينا دخله كلها احترافيه

واحسنت التغطيه

والامور كلها ميه ميه

أحسنت شاعرنا الجميل

تحياتي وتقديري لك

[دمعه حائره]

احلي كلام واحلي اسكندريه دي ولا ايه
جميله ياخالد تسلم

[شاعر الحب الحزين]

اقتباس المشاركة الأصلية كتبت بواسطة ساحر الأحزان انت في الاسكندريه الأيام دي ولا ايه أنت دخلت علينا دخله كلها احترافيه واحسنت التغطيه والامور كلها ميه ميه أحسنت شاعرنا الجميل تحياتي وتقديري لك

ياريتني هناك والله يا ابو المجد
أجمل مدينة في العالم بالنسبالي هي اسكندرية
وأكتر مكان نفسي اكون فيه دلوقت وكل وقت هي اسكندرية

أحسن الله إليك أخي الحبيب أمجد
دخلتك وطلتك ووجودك هما الأجمل
سلمت والنبض الطيب يا طيب القلب
أسعدتني حضوراً وقولا أخي الغالي
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة دمعه حائره احلي كلام واحلي اسكندريه دي ولا ايه جميله ياخالد تسلم

الأحلى وجودك وكلامك شمس المنتدى
تسلمي ويسلم نبض قلبك وربي يديم هالطلة يارب
أسعدتيني بحضورك وكلامك الجميل منة
شكري وتقديري وامتناني 🌺

[فداااااااااااء]

الصدفة الحلوة دايما بتكون سريعة
ولكن لما بتلمس القلب بنفضل سنين نفكر فيها ونقول ياريت تيجي تانى
تلاقيك قولت يارب العربية تعطل علشان تطول الغمزة هههه
اسعدك ربي اخى شاعر ودام رقي قلمك

[ويبقى الأثر]

الله على اسكندريه وجمال بحر اسكندريه
وقعدت الشباك وانت سرحان فى العربيه
جميله حروفك خالد
تسلم ويسلم نبض القلم

[شاعر الحب الحزين]

اقتباس المشاركة الأصلية كتبت بواسطة فداااااااااااء الصدفة الحلوة دايما بتكون سريعة ولكن لما بتلمس القلب بنفضل سنين نفكر فيها ونقول ياريت تيجي تانى تلاقيك قولت يارب العربية تعطل علشان تطول الغمزة هههه اسعدك ربي اخى شاعر ودام رقي قلمك

العربيتين يعطلوا سوا 😅🙂
عندك حق يا فداااء
والصدف الحلوة ساعات بتبقى مش ف وقتها
وياما حاجات من غير قصد
فهمها القلب مقصودة بجد
وهي مجرد صدفة بتعدي صد رد

سلمتي والنبض الرقيق أختي العزيزة مروة
أسعدتيني بحضورك وكلامك وتفاعلك اللطيف هنا
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ☆قيثارة الصمت☆ الله على اسكندريه وجمال بحر اسكندريه وقعدت الشباك وانت سرحان فى العربيه جميله حروفك خالد تسلم ويسلم نبض القلم

والله الجو ده عايزله مصيف في اسكندرية

منة الله والله زمان عنك يا قيثارتنا
الأجمل حضورك وكلامك ووجودك
الله يديم هالطلة يارب منة الله
سلمتي والنبض الطيب
أسعدتيني حضوراً وقولا
شكري وتقديري وامتناني 🌺