ايه ممكن يتعوض

[دمعه حائره]

ديما بقول إن الحاجات الماديه ممكن تتعوض أو حتي نستغني عنها إنما الأشخاص لأ ،فيه ناس بتشوف شخص عنده كماليات أو ماديا مش محتاج حاجه، لكن لو دورت وراه هتلاقي ممكن الدنيا تكون خدت منه اثمن شئ مستحيل يتعوض، زمان فقدت أشخاص مستحيل تتعوض وفقدت مشاعر مفيش ماديات عرفت تعوضها،وكنت تعيسه جدا وأغلب مشاعري هروب علي حزن ويأس، حاليا الماديات مش أحسن حاجه زي بقيت الناس وكل المستويات بيشتكو،واضطريت أستغني عن حاجات كنت أفتكر إني مقدرش أعيش من غيرها ومع ذلك مش حاسه بنفس الخسارة أو الحزن اللي بحزنه علي فقد بني آدم أو قيمه ، ده يأكد إن مش كل الناس ماديه وإن الفلوس فعلا ممكن تكون طريق لاسعادك لكن مش هي اللي هتسعدك، ممكن تسفرك تتفسح لكن مش هتشتريلك الناس اللي تونسك وتحبك، ممكن توفرلك الأكل والشرب لكن مش هتشتري النفس اللي تخليك تاكل، توفرلك حاجات كتير لكن ممكن الصحه ماتساعدش إنك تتمتع بيها أو تفقد الشغف اللي يخليك تستغلها، كلام ممكن يكون مثالي أو خيالي للبعض وده هيكون عشان مجربش اللي غيره مر بيه، أو ممكن الماديات عنده ليها اولويه، نصيحه اتعلموا الإستغناء عن أي شئ واستعدوا ليوم ميكونش موجود واكسبوا نفسكم واللي بتحبوهم ده أعظم مكسب #mena_hassan

[ساحر الأحزان]

ربنا سبحانه وتعالي نعمه علينا كبيره جدا

بس أحنا للأسف مش واخدين بالنا منها ودايما في شكوي

من ضيق الحال

وقله المال

وغيره

ولكن ربنا سبحانه وتعالي أنعمه كبيره علينا ومعوض أشياء كتيره مثل البركه في الرزق

والتوفيق في تربيه الأولاد

والصحه الجيده

وراحه البال

والقرب من الله

والعمل علي ما يرضيه

ربنا بيوزع بقضاء عادل بحكمه

ولكن النفس البشريه دوما متقلبه لا ترضي بحال واحد ولكنها تريد كل شيء

احسنتي منه الموضوع

دمتي بكل خير

[فداااااااااااء]

دايما بقول اى شيء يتعوض الا فقدان من نحب
لما تنكسر حاجة غالية او اشياء افقدها
اقول الحمد لله قضاء اخف من قضاء دى يمكن بتفدى حد
مش بزعل عليها اوى لان بعرف انها ممكن تتعوض مع مرور الوقت
بعض الناس المادية مش بتنظر للناحية دى غير لما ياخدوا صفعة قوية يدركوا
من خلالها ان الماديات ماهى الا كمليات هى مهمة اه ولكن مش الاهم

جميلة الفضفضة منة ربنا يسعدك

[العاشق الذى لم يتب]

الدنيااصلامنقوصة
ومااكتمل فيه شيئ إلا وبدأ بالنقصان
تلك هى حقيقتها
استاذة منة
كل سنة وانت طيبة
الحمدلله انك بخير
وسعدنا بالطمئنان عليك
تحياتى

[phalsteen]

كلام عظيم للاسف محدش بيفهمه الا من تجارب وقسوة الزمن
نقول الحمد لله علي كل حاجة ربنا ادهالنا او شاء انه يحرمنا منها
وكل واحد يرضي بقسمه ربنا
وميبصش في حياه حد
علشان اكيد دافع تمن كل حاجة من عمره
او من فرحته او من حرمانه من حاجات كتير اوي
ميقدرش يعوضها
الحمد لله وكفي

[شاعر الحب الحزين]

القناعة والحب هما مختصر فضفضتك القلبية منة
كل شيء ممكن يتعوض إلا العمر
كل يوم بيعدي من عمرنا بيروح ما بيرجعش
بيرجع بالإسم بس ما بيرجعش في الحياة
الماديات مهمة في الزمن ده بس مش أهم من الإنسان
المال مش بيشتري حياة لصاحبه لو عمره انتهى
والدوا بيخذل الطبيب لو انتهى أجله
كل حاجة وليها وقت سيب كل حاجة وركز ع الوقت
لأنك هتسيب كل حاجة لما ينتهي الوقت

من أجمل وأصدق وأروع الكلمات التي
قرأتها في الفضفضة جميلة صريحة هادفة
كما أن وجودك بيننا مكسب عظيم لنا ولمنتدانا منة

أسعد الله قلبك الطيب منة
شكري وتقديري وامتناني 🌺

[دمعه حائره]

اقتباس المشاركة الأصلية كتبت بواسطة ساحر الأحزان ربنا سبحانه وتعالي نعمه علينا كبيره جدا بس أحنا للأسف مش واخدين بالنا منها ودايما في شكوي من ضيق الحال وقله المال وغيره ولكن ربنا سبحانه وتعالي أنعمه كبيره علينا ومعوض أشياء كتيره مثل البركه في الرزق والتوفيق في تربيه الأولاد والصحه الجيده وراحه البال والقرب من الله والعمل علي ما يرضيه ربنا بيوزع بقضاء عادل بحكمه ولكن النفس البشريه دوما متقلبه لا ترضي بحال واحد ولكنها تريد كل شيء احسنتي منه الموضوع دمتي بكل خير

صدقت ياامجد ولازم الانسان يحمد ربنا علي كل حال
شكرا نورتني

[دمعه حائره]

اقتباس المشاركة الأصلية كتبت بواسطة فداااااااااااء دايما بقول اى شيء يتعوض الا فقدان من نحب لما تنكسر حاجة غالية او اشياء افقدها اقول الحمد لله قضاء اخف من قضاء دى يمكن بتفدى حد مش بزعل عليها اوى لان بعرف انها ممكن تتعوض مع مرور الوقت بعض الناس المادية مش بتنظر للناحية دى غير لما ياخدوا صفعة قوية يدركوا من خلالها ان الماديات ماهى الا كمليات هى مهمة اه ولكن مش الاهم جميلة الفضفضة منة ربنا يسعدك

صدقتي يا مروه والحمد لله على كل حال بتراضي النفس وتهديها
تسلمي حبيبتي نورتيني

[دمعه حائره]

اقتباس المشاركة الأصلية كتبت بواسطة العاشق الذى لم يتب الدنيااصلامنقوصة ومااكتمل فيه شيئ إلا وبدأ بالنقصان تلك هى حقيقتها استاذة منة كل سنة وانت طيبة الحمدلله انك بخير وسعدنا بالطمئنان عليك تحياتى

فعلا تسلم علي ردك ونورتني

[دمعه حائره]

اقتباس المشاركة الأصلية كتبت بواسطة sorara كلام عظيم للاسف محدش بيفهمه الا من تجارب وقسوة الزمن نقول الحمد لله علي كل حاجة ربنا ادهالنا او شاء انه يحرمنا منها وكل واحد يرضي بقسمه ربنا وميبصش في حياه حد علشان اكيد دافع تمن كل حاجة من عمره او من فرحته او من حرمانه من حاجات كتير اوي ميقدرش يعوضها الحمد لله وكفي

فعلا اي حاجه ماديه تتعوض واللي يقدر ده اللي جرب الفقد
تسلمي حبيبتي نورتيني