إحنا بتوع الأتوبيس

[شاعر الحب الحزين]

إحنا بتوع الأتوبيس
اللي سواقه إبليس
فينك ياللي اسمك
حاشر إبليس بكيس
اهو غفلك ي برنس
وحطنا كلنا ف الكيس
ربطه من غير م نحس
وشاله وحطه ف الأتوبيس
جابلك رقاصة قمر
في الليلة اللي انت فيها عريس
صبلك كاسك وغدر
مقلبش كاسه رماه في الكيس
متقولش ميقدرش يغويك
ده يغوي شعب ويغوي رئيس
دي مهمته يزين الدنيا ليك
ف تشوفها حلوة بس من جوه الأتوبيس



إحنا بتوع الكلام
مش بتوع أفعال
عشان مش لاقيين
أفعال نفعلها ي خال
نتمنى نمشي يمين
بس نحب نمشي شمال
بنتعوذ م الشياطين
وهما بيضحكوا جنبنا الأندال



إحنا بتوع الأتوبيس
اللي بيسوقه إبليس



ش . ح

[واد حبيب]

احنا بتوع كل حاجه بتودي في داهيه
كلمات جميله منك كعاده
تسلم يا شاعر علي كلماتك

[ساحر الأحزان]

يا عم ابليس محشور الايام دي جوه الكيس

وما تزعل يا صحبي

الدنيا فيها الغالي

وفيها الرخيص

احسنت شاعرنا الجميل

تحياتي مع وردي

[فداااااااااااء]

بعض الناس غلبت ابليس فى شره
نعوذ بالله منهم هما الاثنين
وبعدين هيجي منين الفعل مادام الجبن سيد الموقف
اهو الكلام معلهوش جمرك فسهل هههه
سلمت اخى شاعر ودام رقي قلمك الجميل

[دمعه حائره]

ربنا يكفينا شر ابليس واعوانه ويبعدهم عننا
تسلم ياخالد

[fanaa]

الإنسان أشد عداوة وشر من ابليس

[جبل عالي]

صدق الله العظيم عندما قال ( : قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ)

سيظل إلى يوم الدين إلى أن نلقي الله
ندعوا الله أن نكون من عباده المؤمنين





إحنا بتوع الكلام
مش بتوع أفعال
عشان مش لاقيين
أفعال نفعلها ي خال
نتمنى نمشي يمين
بس نحب نمشي شمال
بنتعوذ م الشياطين
وهما بيضحكوا جنبنا الأندال

وتلك هي وظيفتهم يتقنونها والا ما أسماهم الله شياطين



الراقي خالد تحيه من القلب
حفظنا الله منهم واياكم

[ويبقى الأثر]

اعوذ بالله من ابليس واعوانه
ربنا ينجينا منهم
كالعاده خالد كلمات جميله
يسلم نبض قلمك وتسلم من كل شر

[شاعر الحب الحزين]

كل الحب والإحترام للجميع هنا ❤️
لي عودة للرد ان شاءالله ❤️

[شاعر الحب الحزين]

اقتباس المشاركة الأصلية كتبت بواسطة واد حبيب احنا بتوع كل حاجه بتودي في داهيه كلمات جميله منك كعاده تسلم يا شاعر علي كلماتك

عندك حق إحنا كده فعلاً
تسلم الأجمل حضورك وكلامك
أسعدتني حضوراً وقولا أبو إياد الغالي
شكري وتقديري وامتناني ❤️