اشياء لا تقبل السماح...

[*فجر الاسلام*]

السلام عليكم ورحمة الله وبركاته
عاملين ايه يا رفاق
هو انتو ممكن تسامحوا حد اخد حقكوا منكم
ممكن تسامحوا حد ظلم وافتري
وضحيت عشانه وعشان العشره وبرضو مش عاجب
والمصيبه انه عامل نفسه برئ واحنا اللي بنفتري
انا عن نفسي لا
ولو رجعت الحقوق لا برضو
هي الايام اللي عدت دي بالمر ده كلو مين يرجعها
هي الدموع والقهره تساوي كام فلوس؟

[Handsome Man]

ممكن أسامح كل من ظلمني وأشكو أمري إلى الله الواحد القهار
أختي فجر وصلني إحساسك و أوجعتني ولكن لا تنسي أنه من أفضل الصفات التي يتسم بها الإنسان هي «العفو عند المقدرة»
والأحسن كذالك تجنب أصحاب الطباع الصعبة والسيئة لكي أحمي نفسي من ظلمهم وافتراهم
أسعد الله قلبك أختي فجر وأمتعه بالخير دوما

[*فجر الاسلام*]

اقتباس المشاركة الأصلية كتبت بواسطة handsome man ممكن أسامح كل من ظلمني وأشكو أمري إلى الله الواحد القهار أختي فجر وصلني إحساسك و أوجعتني ولكن لا تنسي أنه من أفضل الصفات التي يتسم بها الإنسان هي «العفو عند المقدرة» والأحسن كذالك تجنب أصحاب الطباع الصعبة والسيئة لكي أحمي نفسي من ظلمهم وافتراهم أسعد الله قلبك أختي فجر وأمتعه بالخير دوما

انا اعرف كل ده
بس ده لما يبقي غريب
لكن دول حته منك ومش بتيجي غير من القريب
حسبي الله ونعم الوكيل

[fanaa]

حتى ولو غفر الله له...لن أغفر
مش بسامح حد أنا وباخد حقي بالمثل

[*فجر الاسلام*]

اقتباس المشاركة الأصلية كتبت بواسطة fanaa حتى ولو غفر الله له...لن أغفر مش بسامح حد أنا وباخد حقي بالمثل

الحمد لله لقيت حد زيي ماتحسسونيش اني قلبي اسود

[ويبقى الأثر]

حقك اذا ظلمك تغفرى وتسامحى او لا على حسب الجرمه اللى عملها
اسامح مره واتنين انما علطول من غير مايعترف بغلطه لا
محطش نفسى فى موضع ذل
لكن اذا رجع الحق ليكي سامحى
بنسامح مش عشانهم يكفى الوجع اللى سببوه لينا
بنسامح علشان سلامة قلبنا الا من اتى الله بقلب سليم
بنسامح لانه من صفاته العفو ولان ربنا بيجازى خير للكاظمين الغيظ والعافين عن الناس .. بنسامح علشان نقرب من ربنا مش نقرب لهم هما . انا لو ماسامحتش هيبقى فى قلبى كره من ناحيتهم وهيتملى طاقه سلبيه تاثر على حياتى ومزاجى ..اسامح واحط حدود تعامل وخلاص
فضفضه جميله حبيبتى
ربنا يريح بالك وقلبك

[شاعر الحب الحزين]

معرفش ليه شفت نفسي وسط الكلام
أنا هسكت عشان لو اتكلمت هيبقى آخر كلام ليا
الحياة والظروف والحدود والمسافات
هي اللي واقفة بيني وبين الفراق لناس واللقى بناس
هما ال ١٤ سنة عشرة زي سنة ولا اتنين
هي التضحية بالعشرة دي سهلة ولا صعبة
أنا بحاول أهرب من سؤالك ليه
أنا بحاول أهرب من الدنيا كلها
أنا راحتي في وحدتي واسامح أي حد
لو كان التمن وحدتي
إلا قريبي ده بتتردله ولازم تتردله
الغريب خلصانه معاه بغباوة ف ساعتها


أنا شفت الموضوع فضفضة على شكل حوار
بشكرك فجر ع المساحة الجميلة دي
لو لقيت المساحة دي ف قلب حد مكنتش هقول ��

انتي طيبة وتستاهلي كل خير يا فجر
الله يسعد قلبك يارب ��

[ساحر الأحزان]

هو الظلم بيكون إحساس
والعفو طبع الكرام
ولكن علي حسب الموقف والمواقف ان كانت تسمح
ولا ما تسمح
الله يوفقك

[sara mahmoud]

بارك الله فيك

[دمعه حائره]

لا يكلف الله نفسا الا وسعها
احنا بنسامح عشان نرتاح وننساهم
لكن مش ضروري نرجع نعاملهم تاني
اما فلوس الدنيا متعوضش ليالي قهر وحزن
ربنا يسعدك ويحفظك