عندي بسبوسة

[شاعر الحب الحزين]

زعلانة وعايزة تمشي

طب امشي عادي عندي بسبوسة

لو يقع جفن عيني ورمشي

مش هتنزل دمعتي هتفضل محبوسة

مبقتش بحبك يا محشي

وانتي لما تقوريه بتعوريه وتبوظي الكوسا

نظرة عينك أسرارك بتفشي

مبقتش بحبها بقت زي نظرة عمرو موسى

اللي عايز يمشي يمشي

أنا مزعلشي غير لما بتخلص عندي البسبوسة



ولما تسأليهم عني

هيقولوا مش زعلان عنده بسبوسة

متزعليش بقى مني

انتي حلوة بس حلاوتك بتعمل سوسة

زعلانة وعايزة تمشي

مستنية إيه امشي أنا عندي بسبوسة



ش . ح

[ويبقى الأثر]

عندك بسبوسه طيب اعزمنا اخواتك فى المنتدى
ايه البخل ده
ومين ميحبش المحشى ده قمر
خفيفه حروفك جوعتنا ياخالد

[ساحر الأحزان]

حعمل ذي قيثاره واقلك طيب اعزمنا خلينا

نحلي من البسبوسه

احسنت شاعرنا الجميل

التعبير

تحياتي وتقديري

[شاعر الحب الحزين]

اقتباس المشاركة الأصلية كتبت بواسطة ☆قيثارة الصمت☆ عندك بسبوسه طيب اعزمنا اخواتك فى المنتدى ايه البخل ده ومين ميحبش المحشى ده قمر خفيفه حروفك جوعتنا ياخالد

ده انتي تؤمري قيثارتنا الرقيقة
خلاص المحشي عليكي وعليا البسبوسة 😊

حلو حضورك وكلامك منة الله
الله يسعد قلبك ويديم وجودك يارب
أسعدتيني بحضورك الرقيق وكلامك الجميل منة الله
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ساحر الأحزان حعمل ذي قيثاره واقلك طيب اعزمنا خلينا نحلي من البسبوسه احسنت شاعرنا الجميل التعبير تحياتي وتقديري

انت وقيثارة على راسي من فوق
هيحصل ان شاءالله انت حبيبي أبو المجد 😉

أحسن الله إليك أخي الغالي أمجد
أسعدتني بحضورك خفيف الظل
وكلامك الطيب القلبي النقي
شكري وتقديري وامتناني ❤️