اكرهيني

[شاعر الحب الحزين]

اكرهيني أنا مبقتش خلاص حبيبك

أيوة بكرهك فيا عشان قريب هسيبك

كفاياكي تمثيل إنك بتحبيني

آن الأوان تبينيلي إنك بتكرهيني

واتطمني المرة دي مش هرجع واجيبك

اكرهيني حسسيني بكرهك لو كنت حبيبك



خليكي مرة صادقة بمشاعرك

صارحيني بكرهك ليا

ما كفاية كدب عشان خاطرك

خلصت فصول المسرحية

بطلي تتداري ورى ستايرك

ومن وراها تبصي عليا




اكرهيني قد ما بتكرهي الموت

اكرهيني قد أكتر حاجة بتكرهيها

قولي بكرهك قوليها بأعلى صوت

قوليها ما كل عمايلك بتحسسني فيها



ش . ح

[^^khL oUD]

معتقدش ي خالد حد حب حد ف يوم م الايام يكرهو صعبه
ممكن يتقفل أو يبين عكس حبه
ربنا يبعد عنك الناس دي ويسعدك ويجبر بخاطرك
الكلمات جميله جدا دائما مبدع

[ويبقى الأثر]

لا ابدا ياخالد الكره عمره مابيريح
انك تحس ان فى حد كارهك صعب
كان ممكن تقول انسينى مش اكرهينى
ربنا يريح بالك وقلبك يارب

[شاعر الحب الحزين]

اقتباس المشاركة الأصلية كتبت بواسطة ^^khl oud معتقدش ي خالد حد حب حد ف يوم م الايام يكرهو صعبه ممكن يتقفل أو يبين عكس حبه ربنا يبعد عنك الناس دي ويسعدك ويجبر بخاطرك الكلمات جميله جدا دائما مبدع

عندك حق يا خلود
بس صدقيني القلوب ما بتلتزمش بقواعد
وأصعب كره هو اللي بيجي بعد الحب
اللي بيمشي على رجليه ما يتحلفش عليه
وصدقيني اللي يكرهنا أرحم من اللي عامل نفسه بيحبنا

اللهم آمين يارب أحلى دعوة دي والله
لأني بجد مستني الفرصة دي عشان أبعد عنهم
يسلملي جمال طلتك وحضورك وكلامك خلود
أسعدتيني بحضورك وكلامك الرقيق الحنين
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ☆قيثارة الصمت☆ لا ابدا ياخالد الكره عمره مابيريح انك تحس ان فى حد كارهك صعب كان ممكن تقول انسينى مش اكرهينى ربنا يريح بالك وقلبك يارب

عشان تعرفي بس انا تعبان قد ايه 😅
انا عايش وسط ناس كارهاني وعاملين بيحبوني
ظروف بقى وحكمت إنهم يعيشوا معايا
لو فيه أمل بنسبة 1% إنها تحبني مكنتش قلت اكرهيني

تسلمي ويسلم نبض قلبك الطيب منة الله
وانتي كمان ربنا يريح بالك ويسعد قلبك يارب
أسعدتيني بحضورك وتفاعلك القلبي النقي
شكري وتقديري وامتناني 🌺

[*فجر الاسلام*]

اكرهيني حسسيني بكرهك لو كنت حبيبك
..
الدنيا لفت بيا انت هي بتكره ولا بتحب ههه.
تسلم ايدك

[شاعر الحب الحزين]

اقتباس المشاركة الأصلية كتبت بواسطة *فجر الاسلام* اكرهيني حسسيني بكرهك لو كنت حبيبك .. الدنيا لفت بيا انت هي بتكره ولا بتحب ههه. تسلم ايدك

والله مبقتش عارف يا فجر
مين بيكرهني ومين بيحبني
تناقض عجيب في تصرفات الاتنين 😅

تسلمي ويسلم نبض قلبك الطيب فجر
أسعدتيني بحضورك وكلامك الطيب
شكري وتقديري وامتناني 🌺

[hanady]

اقتباس خليكي مرة صادقة بمشاعرك صارحيني بكرهك ليا ما كفاية كدب عشان خاطرك خلصت فصول المسرحية

رائعه .. سلمت