دوامـــه

[*فجر الاسلام*]

لو ركزت ف الدنيا ياما
هتلاقي نفسك في دوامه
من ساعة ما خلقها ربنا
ولحد يوم القيامه
.
مره فرحك مالي يومك
ومره ماتستحمل همومك
مره تنام من السعاده
ومره ماترتحش ف نومك
.
واللي وقع من نصيبه
ومالقاش حد يشيله
لو هييرضي بالمقسوم
هيلاقي الخير دليله
.
واللي مشي الشر وراه
وسلم نفسه لهـواه
بكره يندم ندم عمره
ولا ينفع الندم معاه
.
فجر

[واد حبيب]

اي الكلام الجامد ده
عيش الدنيا وانسي همومك
بكره تموت وتسيب هدومك
كلمات جميله منك
تسلم يدك

[*فجر الاسلام*]

اقتباس المشاركة الأصلية كتبت بواسطة واد حبيب اي الكلام الجامد ده عيش الدنيا وانسي همومك بكره تموت وتسيب هدومك كلمات جميله منك تسلم يدك

والنبي ضحكتني
جت ع الهدوم ي محمد اللي هتتساب
ربنا يسترها معاك
نورتني

[واد حبيب]

اقتباس المشاركة الأصلية كتبت بواسطة *فجر الاسلام* والنبي ضحكتني جت ع الهدوم ي محمد اللي هتتساب ربنا يسترها معاك نورتني

ايوه انا هدومي كلها مستورده
وشاريها بدينار لزم اخاف عليها
ربنا يفرحك وتضحكي دايما

[*فجر الاسلام*]

اقتباس المشاركة الأصلية كتبت بواسطة واد حبيب ايوه انا هدومي كلها مستورده وشاريها بدينار لزم اخاف عليها ربنا يفرحك وتضحكي دايما

هيفيد بإيه المستورد ي عم الحج😂😂
سيبك من السيره دي بقا
ويفرحك تسلم يا رب

[Aya 7ekaya]

جميلة ومعناها حلو اوى
تسلمى على ابداعك فجر

[*فجر الاسلام*]

اقتباس المشاركة الأصلية كتبت بواسطة aya 7ekaya جميلة ومعناها حلو اوى تسلمى على ابداعك فجر

وجودك الاجمل ي يويو
مانتحرمش منه

[Lamees]

حلوة اوي يا فجر
تسلم ايديك
ويدوم لنا اطلالتك

[ساحر الأحزان]

عارفه فجر

الواحد اوقات كتير

بتتراكم عليه الضغوط

والمشاكل

لو ركز مع كل واحد ما حيقدر يمشي

ولكن اعمل الي عليك

وسيب ربك يحلها ده افضل شيء

وذي ما قال حبيب

دوب هدومك

قبل ما هي تدوبك

احسنتي فجر

دمتي بخير

[hanady]

مره فرحك مالي يومك
ومره ماتستحمل همومك
مره تنام من السعاده
ومره ماترتحش ف نومك

كلماتك رائعه ك روعة احساسك فجر