اول حلقات برنامج الحكايه ومعانا الميميزه ( لميس )

[واد حبيب]

لسلام عليكم ورحمه الله وبركاته
أعضاء منتدي بنات مصر
اهلا ومرحبا بيكم في برنامج جديد يذاع علي شاشات المنتدي
في قسم اليوميات
اول حلقات البرنامج هيكون معانا عضوه من أفضل الأعضاء في المنتدي مبدعه في أخلاقها قبل إبداعها في الموضيع مبدعه في ثقفتها قبل كلماتها
معانا النهارده في أول حلقه
اختي قبل ما تكون عضوه

المبدعه لميس

اهلا بيكي في البرنامج

اهلا بيك يا ابو إياد

عوزين نتعرف علي لميس في سطور قليله
انسانه وبس

لميس ترتبها اي بين أخواتها واي اللي بيميزها عن باقي أخواتها
رقم ٧ من ٨

لميس نقدر نقول عليها انسانه قويه ولا ضعيفه
في بعض المواقف قويه الخاصه بالمسؤولية
اما المواقف اللي فيها مشاعر بكون ضعيفه وجدا

اسرارك ممكن تكون مع حد ولا بتخليها في قلبك
لا أسراري معايا انا

مين أقرب الناس لقلب لميس
زوجي

الغربه بتمثل اي في حياة لميس
الوجع اللي بعيشه

لميس علاقتها اي باولادها شديده عليها ولت صاحبتهم
تفاهم وحب انا طيبه بس بيسمعوا كلامي

اي الحلم اللي حلمتي بيه وعوزاه يتحقق
كنت بحلم ادخل اعلام واكون صحفيه
محصلش نصيب وبقيت مدرسه

ما هى الصفه التى لا تستطيعى تغيرها فى نفسك
ضعفي وأن مشاعري بتغلبني

ماذا تفتقدين فى حياتك
الحمد لله انا في نعم كتير اوي

لميس اي علاقتها بمطبخ علاقه سطحيه ولا عميقه
لا جامدين ومفيش إلا احنا

اي أفضل الأكلات اللي مفضله ليكي
جمبري وشوربة فواكه البحر

اتعرفتي على زوجك الحالي ازاي ؟
جيران بس اتعرفت عليه في الجامعه

وايه اللي جذبك ليه ؟
إنه راجل بمعنى الكلمه دي

ويا ترى اتجوزتوا عن حب ولا جواز تقليدي ؟
حب جامد اوي

احكي لينا موقف حصل معاكي أثناء الخطوبه ومش قادره تنسيه
واحده صاحبتي كانت عنيها على زوجي الحالي
ووقعت بينا عشان نسيب بعض بعدها بكام يوم قرينا الفاتحه



امته دخلت منتدي بنات مصر وكنت في منتديات تانيه ولا لا
من 2013
اه كنت في منتديات تانيه
بس المنتدى ده هو الوحيد اللي مستمره فيه

ليه اخترتي الاسم ده علشان تسجلي بيه
ده اسم بحبه كان اسم بطله مسلسل تركي

عرفتي المنتدي ازاي واي اللي شدك تسجل فيه
في عضوه هنا قالتلي عليه بس مش موجوده
حاليا

اي اكتر الاقسام المحببه لقلبك في المنتدي
كل الأقسام الحصريه يعني بقلم الأعضاء

اول قسم كنتي مشرفه عليه واي اللي عجبك في القسم
قسم قلم الاعضاء

اي سبب غيابك الفتره دي كلها
كنت مشغوله بس وتعبانه شويه


مين اكتر الاعضاء بتشوفي موضعهم دايما في المنتدي
بشوف كل المواضيع لكل الأعضاء

اي الفرق بين المنتدي ده واي منتدي تاني
المنتدى هنا هادي ودي ميزه بالنسبه لي
وكمان الناس محترمه وفي حالها

لو اخترتي قسم القصص تكوني مشرفه عليه
أتعرض عليا وانا وافقت

هتكوني متوجده بصفه مستمره ولا هتغبي تاني
ان شاء الله

المنتدي بيمثل اي للميس هوه مجرد تسالي ولا حاجه تانيه
ملاذ ليا بعيش مع نفسي فيه

مين اقرب الاعضاء لقلبك هنا اختاري باسماء
كل الناس هنا اخواتي ومحترمين

مين اللي نفسك يرجع المنتدي تاني ويفضل علطول
كل الأعضاء المميزين في ناس كانت
بتكتب بطريقه حلوه

فرق بين لميس في المنتدي وخارج المنتدي
نفس الشخص

عوزين منك نصيحه لاعضاء المنتدي
اتمنى انهم ما يملوا ولا يغيبوا تاني عن المنتدى


وبكده نكون اول حلقات برنامج الحكايه مع ضيفه غاليه علينا كلنا
مفيش عضو هنا مش هيكون معانا في البرنامج ده
تقبلو تحياتي
واد حبيب

[*فجر الاسلام*]

اهلا بلميس القمر نورتي والله
ماقولتيش اسمك اي ولا منين ده اي البرنامج اللي عوز يتحدف بالطوب ده من اوله😂😂😂😂
لا انا كده هتخانق
انسانه هاديه جدا وجميله ويارب دايما ماتغيب عننا

[^^khL oUD]

جميله لميس ردود بسيطه بس قويه
شخصيه جميله متعاملتش معاها بس لطيفه ف وجودها
تسلم ي ابو اياد ع التوبيك لذيذ.

[Lamees]

شكرا يا ابو إياد على الاستضافه الحلوه
برنامج حلو وممكن كمان تتطور في الاسئله
وتضيف له تسلم على الحلقه الحلوه دي

[Lamees]

اقتباس المشاركة الأصلية كتبت بواسطة *فجر الاسلام* اهلا بلميس القمر نورتي والله ماقولتيش اسمك اي ولا منين ده اي البرنامج اللي عوز يتحدف بالطوب ده من اوله😂😂😂😂 لا انا كده هتخانق انسانه هاديه جدا وجميله ويارب دايما ماتغيب عننا

تسلمي يا فجر نورتيني حبيبتي

[Lamees]

اقتباس المشاركة الأصلية كتبت بواسطة ^^khl oud جميله لميس ردود بسيطه بس قويه شخصيه جميله متعاملتش معاها بس لطيفه ف وجودها تسلم ي ابو اياد ع التوبيك لذيذ.

تسلمي خلود كلك ذوق

[شاعر الحب الحزين]

استضافة جميلة لشخصية راقية
لميس صاحبة حضور مؤثر في المنتدى
بتمنالها التوفيق والسعادة في حياتها

برنامج رائع وأسئلة في الصميم
عاش يا ابو إياد
وف انتظار الضيف الجديد
الله يعطيك العافية يارب ❤️

[فــــــــــرح]

لقاء جميل واستضافة عرفتني على عضوه خلوقه وطيبة ومثقفه
وواضح الهدوء والاتزان والمنطقية في اجابتها …


المبدع دائما ابو اياد
منقذ الصفحات من الغرق في هاوية النسيان

شكرا لك انعشت المنتدى بمواضيعك المبدعة

[Aya 7ekaya]

لميس شخصية هادية وجميلة
مبسوطة أن الاستضافة كانت فرصة نتعرف عليها اكتر
بالتوفيق ديما

[ساحر الأحزان]

استضافه جميله حبيب

مع شخصيه انيقه

صاحب حضور جميل

قلم مميز

ومجهود قيم

تحياتي لكم

ويدوم النشاط