كله بيفوت

[*فجر الاسلام*]

وليه تقول خليك كتوم
ولو شايل جبال هموم
.
ليه تقاوح اهدي وانسي
ريح دماغك بلاش تقسي
.
ليه تعاني كله بيفوت
وفجاه تلاقي ف وشك الموت

ليه تكابر اخرتها تراب
متر في تر وليك حساب
.
فجر

[واد حبيب]

كلام جميل منك كعاده
تسلم يدك ينفجر
تقبلي تحياتي لكي

[شاعر الحب الحزين]

عندك حق والله يا فجر
مهياش مستاهلة الدنيا
الله يسعد قلبك يارب
شكري وتقديري وامتناني ��

[فــــــــــرح]

فعلا كنت كدا والله هم كل حاجه
بدايق .. بدي الناس اولوية واهتمام اللي بعزهم طبعا
لغاية ماحسيت ان كله من صحتي وعمري
بقيت اعيش يومي بيومه
اضحك اغني العب احن اطبطب
لكن ما ابلغش في الحزن
ما ابلغش في الكتمان
بفوت كتييييير
بقى عندي حاجات حلوه اعيش عشانها
واخاف افقدها .. فبحاول لحد دلوقتي
ابقى هااااديه وعايشاها صح فنظري


جيتي على جرح كبير اتعالجنا منه باذن الله

[ساحر الأحزان]

حنفضل نشيل

حنتعب من الحمل

كل واحد وله طاقه

احسنتي فجر

واحسن قلمك

تحياتي وتقديري لكي

[Lamees]

الحقيقه الوحيده في حياتنا الموت
ربنا يحسن خاتمتنا

أحسنت فجر

[Jazanio]

اللهم امين يارب

[ويبقى الأثر]

صدقتى حبيبتى كله بيفوت
وكلنا فى الاخر هنموت
ربنا يطمن قلبك ويشرح صدرك
ويوفقك لما يحب ويرضى