متصعبوهاش علينا . هتكرهو الناس فى الدين

[الأميرة رودي]

هتكرهوا الناس في الدنيا و الدين ..
مش فاهم انا ايه المشكلة ان الناس تحتفل بالمولد النبوي و تشتري حلاوة المولد ..
ايه المشكلة ..
كل واحد دماغه مش عاوزة تواكب تغير الحياة و رابطها ببعض الفتاوي مر عليها قرون و لم تعد تناسب الدنيا اللي الرسول نفسه قال انتم ادري بشئونها مصمم يحرم علي الناس كل فرحة كأن الدين جاء لمنع الناس من اي فرحة و لحزنهم و تكديرهم فقط ..
كل واحدة يقولك بدعة ..
و ماله يا سيدي ..
بدعة حلوة ..
ما البدعة يا حلوة يا وحشة ..
دي بدعة حلوة ..
الناس تفتكر ذكري ميلاد النبي و نفوسها تهدي ..
الاطفال يرتبط في ذهنهم من الصغر ذكري ميلاد النبي الحبيب بالحاجات الحلوة و الحلويات و الهدايا و الفرحة ..
فمن صغرهم يبجلوا النبي و يحبوه و يرتبط في ذهنهم حبه بالسعادة و الفرحة ..
كفاية بقي تصعب و تحريم كل شيء علي الناس كرهتوهم في الحياة ذاتها ..
لم يرسل الله الاديان لسحق سعادة الناس في كل شيء ..
و الدنيا تغيرت و لابد من عقليات متفهمة متسامحة عاقلة لا تفرط و لا تغلو ..
بامر الله احتفالات عظيمة بمولد سيدنا و حبيبنا النبي و حلويات و سعادة بس متكتروش عشان الضرر الصحي ..
و كل سنة و اهل مصر كلهم طيبين و بكل خير ..

[ساحر الأحزان]

الاحتفال بالمولد مثل الاعياد

من ملابس جديده واحتفلات وفرحه

وتزاور

تخش جوه نفوس الاطفال من الصغر التقليد الجميل الي مفيهوش تقليل

من الدين ولا العقيده مش حيضر في شيء

بل بالعكس ده بيقرب الناس في التزاور والتحابب

ووصل صله الارحام

عود جميل الاميره رودي

وبانتظار جميل مواضيعك الحلوه

يامان الله

[جالس لحالي]

من سمات القرأن الكريم ان ربنا وضح فيه ضرورة استخدام العقل والتفكير والتدبر

ومن سمات كتير من المفسرين والفقهاء واهل الفتوى ممنوع استخدام العقل والتفكير والتدبر ولازم تاخد نهج هذا ما وجدنا عليه ابائنا وترجعلنا فى كل كبيرة وصغيرة ونشوف الاربع مذاهب رأيهم ايه

والله العظيم دخلت فى نقاش مع واحدة تركت الاسلام بسبب المفسرين وتعارض كلامهم مع المنطق

نوصل فى النهاية ما هو الشىء الشاذ فى الاحتفال بمولد النبي صلواتي وسلامي عليه

لا يوجد

يبقى نركن كلام الكهنة على جنب ونحتفل بمولده

[الأميرة رودي]

اقتباس المشاركة الأصلية كتبت بواسطة ساحر الأحزان الاحتفال بالمولد مثل الاعياد من ملابس جديده واحتفلات وفرحه وتزاور تخش جوه نفوس الاطفال من الصغر التقليد الجميل الي مفيهوش تقليل من الدين ولا العقيده مش حيضر في شيء بل بالعكس ده بيقرب الناس في التزاور والتحابب ووصل صله الارحام عود جميل الاميره رودي وبانتظار جميل مواضيعك الحلوه يامان الله

ميرسي ياامجد شرفتني بمرورك الطيب.
اشكرك للاضافه

[الأميرة رودي]

اقتباس المشاركة الأصلية كتبت بواسطة جالس لحالي من سمات القرأن الكريم ان ربنا وضح فيه ضرورة استخدام العقل والتفكير والتدبر ومن سمات كتير من المفسرين والفقهاء واهل الفتوى ممنوع استخدام العقل والتفكير والتدبر ولازم تاخد نهج هذا ما وجدنا عليه ابائنا وترجعلنا فى كل كبيرة وصغيرة ونشوف الاربع مذاهب رأيهم ايه والله العظيم دخلت فى نقاش مع واحدة تركت الاسلام بسبب المفسرين وتعارض كلامهم مع المنطق نوصل فى النهاية ما هو الشىء الشاذ فى الاحتفال بمولد النبي صلواتي وسلامي عليه لا يوجد يبقى نركن كلام الكهنة على جنب ونحتفل بمولده

بالظبط هو ده اللى اقصده.
ايه السلوك المحرم فى الاحتفال بالمولد النبوي اذا كان بشراء الحلويات
او تهنئه الاطفال بأي شكل من الاشكال.
ليه التعقيد ونقول ده بدعه .
انت بتحبب ابنك فى ذكرى ميلاد الرسول.
بتخليها مناسبه سعيده بدل مايتوه فى زحمه التكنولوجيا ومواقع التواصل اللى هتخلي الناس تنسى المناسبات المهمه اللى زي دي
مش عيب ولا حرام نحتفل بأش شكل من الأشكال طالما لاتتعراض مع قيم الدين والادب والحياء.

اشكرك لمرورك العطر .