غلطت في العنوان

[شاعر الحب الحزين]

غلطت في العنوان

وكان أول عنوان أغلط فيه

أيوة غلطت وندمان

على كل عنوان قبله مغلطتش فيه

غلطة وصلتني للمكان

اللي كان قلبي عمال بيدور عليه

فينك ي غلط من زمان

ازاي الجمال ده كله عني مداريه

ياما الصح خلاني غلطان

وغلطة جابت قلبي للي بيحلم بيه




غلطت عشان بالصدفة أقابلها

كانت أجمل غلطة بحياتي بعملها

عنيها اللي من ثواني شايفهم

كإني بقالي من سنين عارفهم

كنت ماشي معنديش خريطة أشغلها

كانت ماشية لابسة طرحة وبتعدلها

من نظرة قلوبنا عرفوا بعض

كانت قمر ماشي فوق الأرض

حسيت إني شفت البنت اللي كنت بتخيلها

حبيت غلطتي ف العنوان وبقيت الغلطة بحنلها




ش . ح

[نجاة حسام]

او صدفه بتجمعنا باللى المفروض يكونو اقرب مالينا
وبنمشى ونفارق عشن لا هما طرقنا ولا احنا هنكون فى نفس الطريق
صعب نقول انها غلطه عشن بكده هتكون اجمل غلطه
تحياتى خالد
دمت متالق
اتمنى ليك السعاده

[ساحر الأحزان]

وللصدف اقدار واحكام

حين تجمعنا مع من وضعه القدر بطريقنا

احسنت شاعرنا الجميل خالد

تحياتي وتقديري لك

[ويبقى الأثر]

الصدف الجميلة ان ضاعت مش بتتكرر
عيشها واتمسك بيها
يسلم قلمك وقلبك خالد
تقديري

[amar2022]

بسيطةٌ هي حياتنا ونحنُ من نُعقّدها ..إن اشتقتَ لأحدهم فأخبرهُ ببساطة: "أشتاقك كثيراً"..وإن ضايقكَ اقتراب أحدهم ، فاهمِس بأذنهِ":"ليتك تبتعِد قليلاً "..أعمارنا أقصر من أن نُضيّعها في متاهات غموض النوايا وسراديب الغير واضحة ..فكونوا بسطاء وتعاملوا مع الآخرين ببساطة ، فترتاحون وهم يرتاحوا..

[amar2022]

لا تشد على يد من أراد الرحيل !!!
لأن البقاء رغبة والبقاء دون رغبة حياه زائفة !!!
حياه مليئة بالمجاملات حياه تنقصها حياة !!!
فلا تجعل أول إهتماماتك بمن جعلك آخرها
ولا تضع كامل إنتباهك على من تعمد نسيانك !!!
" فأنت لست نصف شخص لتعيش نصف حياة "
لا تجعل نفسك مثيراً للشفقة لا تركض وراء من يهرب منك
كن عزيز بذاتك لا تقبل الأنصاف ولا الشراكة !!!
ولا بأقل مما تستحق

[العاشق الذى لم يتب]

احيانا تكون الغلطة احسن من الف مقصودة
ربنا يختارلنا الخير
مساؤك انوار

[أمير عسكر]

يا سلام يا الصدف عيش
سلم الله قلبك الجميل
خالص الود والتقدير لشخصك النبيل
تحية تليق بك شاعرنا

[شاعر الحب الحزين]

اقتباس المشاركة الأصلية كتبت بواسطة دموع الصمت او صدفه بتجمعنا باللى المفروض يكونو اقرب مالينا وبنمشى ونفارق عشن لا هما طرقنا ولا احنا هنكون فى نفس الطريق صعب نقول انها غلطه عشن بكده هتكون اجمل غلطه تحياتى خالد دمت متالق اتمنى ليك السعاده

هي أجمل غلطة اللي بتوصلنا للصح
بطل الدور هنا شايفها صح

تسلمي ويسلم نبض قلبك الرقيق نجاة لكي بالمثل وأكثر
أسعدتيني بحضورك وكلامك وتفاعلك القلبي الصريح
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ساحر الأحزان وللصدف اقدار واحكام حين تجمعنا مع من وضعه القدر بطريقنا احسنت شاعرنا الجميل خالد تحياتي وتقديري لك

صدقت وتلك هي أجمل الصدف
أحسن الله إليك أبو المجد الحبيب
سلمت والنبض الطيب أخي الغالي أمجد
أسعدتني حضوراً وقولا
شكري وتقديري وامتناني ❤️