الحلقه السادسه من برنامج الحكايه ومعانا المتالقه (فرح )

[واد حبيب]

السلام عليكم ورحمه الله وبركاته
كل عام وانتو بالف خير وسعاده
اهلا بكل الموجدين
تحياتي القلبيه لكم وللجميع
حلقه جديده من برنامج الحكايه ومعانا مبدعه جديده كلنا بنحترمها وبنقدرها جداا
معانا مبدعه من مبدعه الحروف والكلمات الجميله

فرح

هلا بيكي في البرنامج

عوزين نتعرف علي فرح في سطور قليله
مزيج ما بين الامس والغد تحاول لملمت شتات اليوم
حرفيا لا اعرف من فرح!! رقيقة .. ام قاسية
ضعيفة ام قوية !! ظروف تشكلني او تلعب بي
ومالي سوا المسياره لها

مين اقرب حد ليكي من اخواتك
كل الحب لامي حبيبتي واخواتي روحي وريحاني السبعة بعد فقد اختي الثامنه حبيبة قلبي وذكرياتي رحمها الله وجمعنا بها في جنات النعيم

علاقتك باخواتك علاقه حب وصداقه ولا سطحيه
علاقة اخوه .. طفله كبرت كاخر العنقود تقلد اخواتها تسريحه شعر نور القصيره
فضفضه ثياب زينه الجامعية .. قصقصت صور المجلات مثل نوال دوشه ابتسام هدوء عليا ومنى.. وصلاة جوهره رحمها الله
علاقة جميله وجعها ( العمر) الذي يجري

اسرارك ممكن تكون مع حد ولا بتخليها في قلبك
اتجاهلها وكأنني بلا صندوق اسود

مين أقرب الناس لقلب فرح
قلبي كبير امي اولا ثم البقية اخوات صديقات ( كتف وسند) لكل اوجاعي

عرفت انك من السعوديه لو خيروكي انك تعشي في السعوديه واي بلد تانيه تختاري اي وليه
عشقي مملكتي الحبيبة لكن بعد زيارتي لمصر وقعت في غرام الاسكندرية الهادئه البارده الرومانسيه والانيقه جداااااااا

اي الحلم اللي حلمتي بيه وعوزاه يتحقق
لدي حلم مركون لمرور 14 عام حتى ابدا بتحقيقه وحلم اخر باذن الله سيكتب له التحقيق وهو امتلاك سكن في الاسكندريه قريبا يارب

ما هى الصفه التى لا تستطيعى تغيرها فى نفسك
اشعر باني تغيرت وكل ما بي تغير ولا يوجد مالا يمكن تغيره
ظروف ترسمنا ولا نستبعد بأنها تهدنا لتبنينا من جديد لا نشبهنا

ماذا تفتقدين فى حياتك
افتقد النوم .. الهدوء ،،، الفراغ .. السطحيه
افتقد لفكري الخالي .. افتقد للحظه قد يراها البعض غريبه
لكن فعلا افتقد للحظات الارق تلك التي لا استطيع النوم فيها الا بمزاجي

فرح اي علاقتها بمطبخ علاقه سطحيه ولا عميقه
عميقة جدا تفاجاءت بها بعد الزواج

اي أفضل الأكلات اللي مفضله ليكي
الطعميه ههههههه بهزر
الاكل الايطالي اعشقه لدرجة الملل


اتعرفتي على زوجك الحالي ازاي ؟
قدر رباني جاء في لحظة دعوت الله فيها حقيقة بأن يعوضني عن وجع كنت اعيش فيه وقتها
وسبحان الله اتصال صديقة قديمة جدا في اواخر شهر رمضان كان البدايه الجميلة

وايه اللي جذبك ليه ؟
رجل عادي جداااااا لكنه ( رجل )

ويا ترى اتجوزتوا عن حب ولا جواز تقليدي ؟
تقليدي احبني هو فيه … ومن لا يحب الفرح ؟! ^^


احكي لينا موقف حصل معاكي أثناء الخطوبه ومش قادره تنسيه

موقف مجنون جدا لكن كان بعد كتب الكتاب هو خروجي معاه من ورا اهلي
وتواجده امام بوابة المدرسه بشكل شبه يومي ^^ والى الان هذا من اجمل اسراري او ما كان من اسراري

كيف تتعاملين مع المشاكل الزوجيه
عدم تدخل اي طرف اخر في المشاكل ولو على سبيل الفضفضه
اي خلاف يموت بين الاثنين فقط خلال يوم او يومين


وسبتي البيت كام مره
مسبتش بس هددت اني حسيب البيت مرتين
المره الاولى شلت شنطتي زي الافلام المصريه هههههههه
وندمت لاني تعبت وانا برجع الهدوم لمكانها ^^
والمره الثانيه كنت انصح من المره الاولى حطيت هدوم الغسيل
في الشنطه بدال هدومي الاصليه ^^
والحمدلله متعبتش وانا برجعهم

امته دخلت منتدي بنات مصر
سجلت في 2008 لكن الدخول الفعلي اتوقع بعد كدا
عمر والله

ليه اخترتي الاسم ده علشان تسجلي بيه
محبش النك نيم

ده اسمك الحقيقي ولا اسم مستعار
اسمي الحقيقي

عرفتي المنتدي ازاي واي اللي شدك تسجل فيه
صدفة بحب مصر بس
كتبت بنااات مصر وطلع اجمل قدر في حياتي

اي اكتر الاقسام المحببه لقلبك في المنتدي
الادبيه قلم اعضاء بنات مصر صفحات مكشوفة طبعا

لو قالولك ترجعي الاشراف اي القسم اللي هتختريه
حقول لا شكرا مش قد الاشراف

مين اكتر الاعضاء بتشوفي موضعهم دايما في المنتدي
مفهمتش بس حسب فهمي دمعة وساحر الاحزان وحضرتك محمد
وكان في طبيب الهوى وفي نغم وقيثاره ودموع وياسر ممكن

اي الفرق بين المنتدي ده واي منتدي تاني
دا قطعة من القلب والذكريات وباذن الله لو جيت مصر لا اروح اشوف كل اللي بحن ليهم حتى لو مش عاوزين يشوفوني ححاول قد ما اقدر اشوفهم بنات ورجاله كمان بحسهم عيلة تانيه ليا فمصر .. قلبي في السعوديه ونبضه فمصر

هتكوني متوجده بصفه مستمره ولا هتغبي
معرفش محدش بيتمنى يغيب عن حبيبه بس الظروف تحكم

المنتدي بيمثل اي لفرح هوه مجرد تسالي ولا حاجه تانيه
جاوبتك فوق قطعه كبييييره من قلبي

مين اقرب الاعضاء لقلبك هنا اختاري باسماء
كتير ومش حذكر ولا اسم لاني حابه الكل حرفيا

مين اللي نفسك يرجع المنتدي تاني ويفضل علطول
اااااه سؤال يوجع جدااااا مش حجاوب عليه … كل الاعضاء المبدعين

فرق بين فرح في المنتدي وخارج المنتدي
كان لا مفيش فرق بس بقى فرق كبيرررر عكس المنتدى تماما

قولي لينا المنتدي ناقص أي علشان يرجع زي الأول
ناقصه الكل يرجع والمشاكل ترجع والحب يرجع

عوزين منك نصيحه لاعضاء المنتدي.
ما اعرف اقدم نصيحة لاي حد لكن اتمنى ميكونش في عدوات بين بعضيكم
لانكم حتشتاقوا للايام دي بعد سنين

سعيد جدااا يافرح بحلقه دي
انتي انسانه مبدعه وقلمك جميل وفي انتظار ان يعود قلمك من جديد يبدعنا هنا
تقبلي مني كل احترام وتقدير لشخصك الجميل

[Aya 7ekaya]

فرح من الاعضاء اللى كان ليهم بصمة جميلة فى المنتدى
خاصة أنها كانت موجودة وقت الزمن الجميل للمنتدى
استضافة راقية وإن شاء الله قريباً تنورى الاسكندرية و ربنا يحققلك كل اللى بتتمنيه

[فــــــــــرح]

شكرا من قلبي استاذ محمد عالاستضافة
واتمنى اكون وصلت فكره بسيطة عن فرح كأنسانة
وسط اهلها واخواتها بعيد كل البعد عن فرح كقلم يكتب بمشاعر لا تشبهه احيانا ونسخه منه احيانا اخرى…
وفي القلب اكثر ..

شكرا

[ساحر الأحزان]

فرح من الشخصيات الجميله داخل المنتدي

قلمها يمتاز بأن له طبع خاص مختلف

من وقت ما أنتسبت للمنتدي كانت متواجده

ولها الكثير من الكتابات الأدبيه لا يختلف عليها أثنان

لها ردود تشجيعيه مميزه

أتمني لها التوفيق بحياتها

ومعنا داخل المنتدي

أشكرك حبيب أنك عرفتنا اكتر علي شخصيه فرح الأنسانه بعيد عن المنتدي

قبل العضوه التي نحترمها

تحياتي لكم وتقديري

[*فجر الاسلام*]

اي الجمال ده انسانه جميله بمعني الكلمة
ربنا يسعدك كل ايامك

[العاشق الذى لم يتب]

اهلا ومرحبا وحيالله المربية والمعلمة والاستادة الكبيرة
بنت السعودية الحبيبة
فرح ونعم الاسم والمعنى والمضمون والشخصية الراىعة
انرت البرنامج
وكثيراسعدت بقراءة سطرك المملوء ثقافة وعلماوطيب قلب
ربى يوفقك ويباركلك فى بعلك وذريتك
ويحقق لك الامنيات
وتسعد مصركلهاواسكندرية
بوجودك بين اهلك المصريين
كل الشكرابواياد
والبرنامج الراقى

[الملكة كيلوباترا]

الحلقة جميلة واجابات فرح تحفة
ومنتظرين ضيف جديد فى الحلقة

[شاعر الحب الحزين]

إنسانة رائعة ونقية القلب والنفس والعقل
تنوعت إجاباتها لتكشف لنا عن خليط من الألم
والأمل والإحساس والصدق والوفاء
والإبتسامة يختبئون خلف اسم فرح

استضافة جميلة لشخصية راقية ومحبة للخير
رحم الله أختك وجعل مثواها الجنة
وان شاءالله تحققي كل أحلامك وتشوفيها حقيقة وتعيشيها

شكرا ع الإستضافة أبو إياد الحبيب
اختيار موفق لضيفتك الراقية فرح
شكري وتقديري وامتناني ❤️

[فــــــــــرح]

اقتباس المشاركة الأصلية كتبت بواسطة aya 7ekaya فرح من الاعضاء اللى كان ليهم بصمة جميلة فى المنتدى خاصة أنها كانت موجودة وقت الزمن الجميل للمنتدى استضافة راقية وإن شاء الله قريباً تنورى الاسكندرية و ربنا يحققلك كل اللى بتتمنيه

صباح الخير …

اهلا وسهلا بك ايه دائما وابدا بين ( الفرح) وكل ما يخصها
ويسعدني جدااااا بأن هناك من يتذكرني ويتذكر تلك الايام
مرحلة عمريه مهما جدا كانت في حياتنا شكلها منتدى جميل
ارجو من الله عودة كل من كانوا ورحم الله من فقدنا منهم رحمة واسعة

اسعدني مرورك جدا

[فــــــــــرح]

اقتباس المشاركة الأصلية كتبت بواسطة ساحر الأحزان فرح من الشخصيات الجميله داخل المنتدي قلمها يمتاز بأن له طبع خاص مختلف من وقت ما أنتسبت للمنتدي كانت متواجده ولها الكثير من الكتابات الأدبيه لا يختلف عليها أثنان لها ردود تشجيعيه مميزه أتمني لها التوفيق بحياتها ومعنا داخل المنتدي أشكرك حبيب أنك عرفتنا اكتر علي شخصيه فرح الأنسانه بعيد عن المنتدي قبل العضوه التي نحترمها تحياتي لكم وتقديري

اهلا بك دائما استاذ امجد بين صفحاتي
مهما كتبت انا اقل بكثير من الاقلام المميزه المتواجدة
قلم سهل نسيانه .. وتجاهله احيانا ليس عيب في المتلقي
بل عيب او تواهان في الفاظ استخدمها قد لا تناسب الجميع
شكرا لكل من يفهم قلمي .. الفاظي .. ومشاعر اكتب بها


شكرا دائما وابدا لتواجدك استاذنا الفاضل