في شرع مين

[شاعر الحب الحزين]

في شرع مين ي بنئدمين
ابقى أكتر قلب حزين
وأكتر وش بيضحك

ده ميرضيش رب ولا دين
في القلب حنين معرفش لمين
على نفسي بضحك




هتخليك الدنيا تحب حاجات

عمرك ف يوم ما حبيتها

هتحببك ف الكلام وتملاك بالسكات

هتهد حاجات حلوة بنيتها

هتقسيك هتنسيك كل اللي فات إلا الحاجات

اللي هترتاح لو نسيتها




في شرع مين
تبقى دي حكايتي
في شرع مين
تبقى دي نهايتي
أنا الحب الحزين
خلصت سطور روايتي
قلبي مات من سنين
مبقتش شايفه ف مرايتي
في شرع مين
ابقى أكتر قلب حزين
وتبقى الضحكة عنوان حكايتي
مليش حكاية على الله حكايتي


ش . ح

[ساحر الأحزان]

انت انسان جميل

ومهما حصل قلبك كبير

والسعاده ان غابت عنك

فده ما حيطول

لانك صابر يا جميل

احسنت شاعرنا الجميل

تحياتي وتقديري لك

[أمير عسكر]

الي القلب الطيب شاعرنا الغالي
كلمات موجعه واحساس الحزن فبها
يا رب تكون مجرد كتابة بس
تسلم حبيبنا الغالي على جميل عواطفك
والقلم المتجدد الفياض
خالص ودي وتقديري

[الأميرة رودي]

احساس موجع بالفعل
لمستنى كلماتك جدااااا
اشكرك وموفق بإذن الله

[فــــــــــرح]

كلنا امرنا بين ( الكاف) و ( النون) ..
نعيش الحياه .. او نتعايش بين مواجعها
لنرقى لراحة ستصل الينا في وقتها المحدد
لا حزن ابدي ولا الفرح ابدي
وسطية ربانية تهز مشاعرنا لتذكرنا بالعودة
لرب العباد والاستتابة والاهم من كل ذلك
الرضا بما قد قُسم …

كل الامنيات بالسعادة وخير القدر لك اخي الفاضل

[العاشق الذى لم يتب]

الجميل سيظل شامخا فى العلا
لاتهزه ولاتغيره الرياح
كن ثابتا على تلك المبادئ سيد الجمال والاخلاق
صحبى الشاعر الفرحان
منور الدنيا

[دمعه حائره]

الحياه دار مشقه وتعب ومحدش مرتاح
انت تستاهل كل خير وربنا يسعدك ويصلح حالك للأفضل
كلمات معبره ورائعة برغم الالم فيها

[Aya 7ekaya]

ربنا يسعد قلبك و تبقى الضحكة عنوان حكايتك
كلمات لامست القلب يدوم ابداعك ي شاعر