العنف فى العلاقات مش بس بالضرب والإهانة.

[الأميرة رودي]

مساء المحبه.

الشده والعنف
العنف فى مجتمعاتنا العربيه يزداد بشكل غريب
برغم اننا فى الاغلب مجتمعات الإسلام والمسلمين.
بس صفه العنف موجوده فى قلوب وعقول الكثير.

العنف موجود فى كل مكان . اتفق
ولكن هنا بشوف مظاهر عنف متعدده ومرعبه
والعنف اللى بقصده مش بس عنف بالضرب او الايذاء الجسدي.
انا بتكلم عن العنف كمصطلح عاااام . يضم عنف المشاعر مثلا . والعنف الفكري
الجفا والجحود وعدم استخدام الكلمه الطيبه اللينه فى حياتنا بيعتبر اكبر عنف.
كل إنسان فى احتياج الكلمه الرقيقه اللى تطيب خاطره .
افتقادنا للاسلوب المهذب فى التعامل مع بعضنا البعض والتكلم بالعجرفه
دون النظر لاعتبارات كتير .
ممكن كوننا مجتمعات ذكوريه تزيد من حده مفهوم العنف
مش بس علاقه زوج بزوجته . ممكن علاقه الأخ بأخته او أخوه
علاقه ربنا خلقها فطريه وكرمها وذكرها فى القرأن ..

﴿ قَالَ رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِنْ لِسَانِي * يَفْقَهُوا قَوْلِي * وَاجْعَلْ لِي وَزِيرًا مِنْ أَهْلِي * هَارُونَ أَخِي * اشْدُدْ بِهِ أَزْرِي * وَأَشْرِكْهُ فِي أَمْرِي * كَيْ نُسَبِّحَكَ كَثِيرًا * وَنَذْكُرَكَ كَثِيرًا * إِنَّك كُنْتَ بِنَا بَصِيرًا..

صدق الله العظيم..

كلمه أشد به أزري كفيله توضحلنا مدى متانه العلاقه بين اخين.
كذلك علاقه اخ بأخته اللى كلها جحود
قليل لما بقيت بشوف طبطبه وحنيه من طرفه .
رغم انه هو الاب بعد الاب . هو الحمايه البشريه على أخته بعد حمايه ربها عليها..


علاقه الرجل بأمرأه يحبها .
هو بس يتزوجها وبعد كده يطلع علينا عقده ونشوف شخصيه نرجسيه متسلطه .
عنيفه المشاعر بخيله الكلمات الطيبه ..
والكارثه الكبرى ان مفهوم الرجوله عند الكثيرين مرتبط بالصرامه والشدة .
لو بقى لين هين حنين مع انثاه ميبقاش راجل تبقى عاملاله عمل
لو شديد ومكشر وشه وعلى طول الخط بيقول لاء وقالب وشه هو كده راجل وسيد الرجاله. وده شكل كبير من أشكال العنف فى العلاقات الاسريه.

كنت سمعت فيديو لشيخ بيحنن قلوب الرجال على الزوجات.
وبيقول فيه: بلاش تتعامل مع الأنثى بشنباتك .اي أنثى
والمعنى شامل الزوجه والأخت والابنه .
اتعامل برفق ولين وهواده .
لان المرأه عموما ضعيفه . مهما حسستك بقوه شخصيتها وتجبرها فهى ضعيفه جدا.

ثقافه اللين والعطف والتعامل برقي بقى شبه معدوم فى بلادنا مقارنه بالمجتمع الغربيه.
احترام العلاقات بشكل عام بيقل.
بقينا نشوف ونسمع عن اخبار مرعبه بعيده عن تربيتنا وديننا.

الموضوع طويل جدا وله أبعاد كتير والكلام فيه مش هينتهي.

اتمنى كل واحد يبدأ بنفسه ولو فيك العيب مش عيب تغيره.
نرسخ مفاهيم ديننا لو قلوبنا من جديد ونوصى أولادنا فى تربيتنا بالتمسك بمبادئ كادت تختفي.
علاقات صله الرحم . وحب الاخوه لبعضهم . ومحبه الزوج لزوجته بنقاء دون شوائب.
الاخبار اللى بنسمعها وبتداول كل يوم كارثه على تشكيل عقول أطفالنا .
ياريت ننتبه ونحاول تفهمهم ان دى أفعال دخيله .مالهاش دعوه بينا ولا بديننا وتقاليدنا.
ونحاول تتلاشى العنف من أفعالنا. نكون مجتمعات هينه زي مابدا الإسلام


انا حاورت الرجل فى كلامي وليست المرأه لان الله أعطاه القوامه .
بمعنى الرجل بيكون في ايده القرار فى الكثير من الحالات وليست المرأه.

... اشكركم لسعه صدركم

تحياتي

[ساحر الأحزان]

موضوعك حلو رودي

لان لم ولن ينتهي وسوف يظل نحن ما نبحث عن هو قبل المساواه

هو العدل المطلوب


من عدل فسوف تستقيم اموره

ومن خاف الله سوف يعدل وهنا سوف يحل مع العدل حسن المعامله ومخافه الله
والعمل بما امر به هو ورسوله الكريم

احسنتي رودي بجميل موضوع القيم

تحياتي وتقديري

[العاشق الذى لم يتب]

هو صحيح كلام كبير وطويل
لكن مليان حاجات مفيدة ونصايح ومعلومات وتذكير وتنبيه وعظة
ربنا يرضيك يارودى ويسعدك
وحشتنا مقالاتك وكمان حضورك اللى منور ديما
تحياتى

[دمعه حائره]

العنف اسلوب قليل الحيله الضعيف اللي معندوش غير قوه الجسد
وللاسف العنف موجود عند الرجل والمرأه سواء لفظ او فعل
وانتشر اوي الفتره دي كمان بين الاطفال
ده راجع لبعدنا عن الدين واصول التربيه
وانتشار السوشال ميديا خلي الامور دي تظهر
بعد ماكانت مقفول عليها البيوت
لازم يكون فيه وقفه سواء من الناس او القانون عشان نحد من الحوادث دي
تسلمي رودي مقال قيم

[الأميرة رودي]

اقتباس المشاركة الأصلية كتبت بواسطة ساحر الأحزان موضوعك حلو رودي لان لم ولن ينتهي وسوف يظل نحن ما نبحث عن هو قبل المساواه هو العدل المطلوب من عدل فسوف تستقيم اموره ومن خاف الله سوف يعدل وهنا سوف يحل مع العدل حسن المعامله ومخافه الله والعمل بما امر به هو ورسوله الكريم احسنتي رودي بجميل موضوع القيم تحياتي وتقديري

الغفله عن الحقوق والتكاسل فى وصل حبال الود هى السبب الحقيقي
للجفا والجحود المجتمعي اللى وصلناله.
اشكرك لمرورك الطيب ساحرنا الطيب
تحياتي

[الأميرة رودي]

اقتباس المشاركة الأصلية كتبت بواسطة العاشق الذى لم يتب هو صحيح كلام كبير وطويل لكن مليان حاجات مفيدة ونصايح ومعلومات وتذكير وتنبيه وعظة ربنا يرضيك يارودى ويسعدك وحشتنا مقالاتك وكمان حضورك اللى منور ديما تحياتى

تسلم .
الموضوع لمسني شخصيا فى علاقه احد اقربائي بأهله
تصرفات عنيفه وجمود قلب لم نعتاده فأحزنني بشده
مشكور ياطيب لمرورك العطر
تقديري لحضرتك

[الأميرة رودي]

اقتباس المشاركة الأصلية كتبت بواسطة دمعه حائره العنف اسلوب قليل الحيله الضعيف اللي معندوش غير قوه الجسد وللاسف العنف موجود عند الرجل والمرأه سواء لفظ او فعل وانتشر اوي الفتره دي كمان بين الاطفال ده راجع لبعدنا عن الدين واصول التربيه وانتشار السوشال ميديا خلي الامور دي تظهر بعد ماكانت مقفول عليها البيوت لازم يكون فيه وقفه سواء من الناس او القانون عشان نحد من الحوادث دي تسلمي رودي مقال قيم

فعلا احسنتي اضافتك رائعه
العنف أوقات كتير بيكون انعكاس لنقص شديد فى الشخصيه
فبيحاول يعوض النقص ده بالشده والصرامه وبخل المشاعر.
نورتيني حبيبتي
باقه ورد جميله لوجودك دائما.
ا

[Aya 7ekaya]

للاسف فعلا العنف انتشر بشكل عجيب مع إن ربنا وصانا فى كل العلاقات بالرفق و اللين
الزوج مع الزوجه
(خيركم خيركم لأهله وأنا خيركم لأهلى )
والاهل هنا مقصود بيها الزوجه
و زى ماذكرتى ( اشدد به اذرى ) وهنا بين الاخوات
و مع الأب والام ( وبالوالدين إحسانا)
و مع الناس (حرم على النار كل هين لين سهل )
ربنا يبعد عننا أصحاب القلوب القاسية
موضوع قيم جدا ي رودى ماتحرمناش من الجمال ده

[مهيب الركن .]

الرجولة شئ والذكوره شئ اخر
الرجولة صفه وليست نوع
وانا فى تعقيب صغير على جزء من كلامك وهى ان ربنا اعطى الراجل القوامه وده مش صحيح والناس فاهمه الموضوع ده غلط
ربنا بيقول فى كتابه الكريم ( الرجال قوامون على النساء بما فضل الله بعضهم على بعض وبما أنفقوا من أموالهم )
الرجال هنا ليس المقصود بها الذكور
لأن المتأمل للأيه سيجد الله يقول بما فضل الله بعضهم على بعض وليس بعضهم على بعضهن
وقال فى ايه اخرى من المؤمنين رجال صدقوا ما عاهدوا الله عليه ورجال هنا ليس المقصود بها ايضا الذكور
لأن اول من قتلت فى الأسلام كانت امرأه وهى ام عمار
مفهوم القوامة ليس محدد على الذكور فقط وانما على الذكور والاناث
فمن كانت لدية السلطة الماليه والادارية كان هو القائم على شؤون البقيه اى كان نوعه
تقبلى تحياتى اختى الفاضلة

[الأميرة رودي]

اقتباس المشاركة الأصلية كتبت بواسطة مهيب الركن . الرجولة شئ والذكوره شئ اخر الرجولة صفه وليست نوع وانا فى تعقيب صغير على جزء من كلامك وهى ان ربنا اعطى الراجل القوامه وده مش صحيح والناس فاهمه الموضوع ده غلط ربنا بيقول فى كتابه الكريم ( الرجال قوامون على النساء بما فضل الله بعضهم على بعض وبما أنفقوا من أموالهم ) الرجال هنا ليس المقصود بها الذكور لأن المتأمل للأيه سيجد الله يقول بما فضل الله بعضهم على بعض وليس بعضهم على بعضهن وقال فى ايه اخرى من المؤمنين رجال صدقوا ما عاهدوا الله عليه ورجال هنا ليس المقصود بها ايضا الذكور لأن اول من قتلت فى الأسلام كانت امرأه وهى ام عمار مفهوم القوامة ليس محدد على الذكور فقط وانما على الذكور والاناث فمن كانت لدية السلطة الماليه والادارية كان هو القائم على شؤون البقيه اى كان نوعه تقبلى تحياتى اختى الفاضلة

صج جداا
توضيح رائع والله واتفق معك .
بس حتى لو ربنا أعطى القوامه لنوع من الرجال وليس كل الذكور
فقمجتمعاتنا أعطت القوامه للكل حتى المسئ والمفسد والمقصر فيهم وده سبب أنى قولت
اننا مجتمعات ذكوريه للأسف.
مشكور لوجودك الراقي وأضافتك الراقيه
تحياتى لحضرتك