الحلقه التاسعه من برنامج الحكايه ومعانا المبدعه ( ‏الملكة كيلوباترا )

[واد حبيب]

السلام عليكم ورحمه الله وبركاته
وعليكم السلام ورحمة الله وبركاته
أعضاء المنتدي وزوار المنتدي كل عام وانتم بكل خير
النهارده حلقه جديده من برنامج الحكايه ومعانا عضوه ليها نشاط وابداع علي في المنتدي
رغم فتره الغياب الكبيره ان شاء الله ترجع من جديد ويكون ليها بصمه جميله زي زمان
معانا المتميزه

‏الملكة كيلوباترا
او

شجر الدره

هلا بيكي في البرنامج
اهلا وسهلا بيك وشكرا على الكلام وان شاء الله ارجع زى الاول

قبل أي شي بكون سعيد جدا وانا بعمل معاكي اول استضافه
وانا سعيدة جدا بتواجدى معاك فى الحلقة

عوزين نتعرف علي نفسك في سطور قليله
انا سارة بنت هادية
من طنطا وخريجة هندسة حاسب آلى

مين اقرب حد ليكي من اخواتك
كلهم والله

مين أقرب الناس لقلبك
والدتى

اي الحلم اللي حلمتي بيه وعوزاه يتحقق
ابقى حاجة كبيرة فى عملى

هل تفضلين العمل ولا تكوني ست بيت
الاثنين بصراحة

أي المنصب اللي تتمني تكوني فيه
مديرة

ما هى الصفه التى لا تستطيعى تغيرها فى نفسك
الصدق مابقدرش اغيرها

ماذا تفتقدين فى حياتك
افتقد والدى الله يرحمه

هل تفضلين المال ام الحب
الحب

أي المميز اللي فيكي عن باقي الناس
بصراحة مااقدرش اقول انى مميزة عن باقى الناس لان الناس فيهم ميزة احسن من التانى وزى مافيه ميزة فيه عيوب فينا بردو

هل انتي شخصيه رومانسيه ولا اجتماعيه
اقدر اقول انى اجتماعية

اي أفضل الأكلات اللي مفضله ليكي
افضل الاكلات المفضلة ليا هى البيتزا

أي السبب الي يخليكي تقطعي اعز صحابك الا الابد
لا انا من النوعية انى مابحبش اقطع اعز صاحبة ليا حتى لو غلطت فيا

أي اكتر الحيونات اللي بتخافي منها
الثعبان بخاف منه بطريقة

لو قولتلك قولي سر عنك مفيش حد يعرفو تقولي أي
حاليا مافيش اى سر اقوله

أي الفرق أيام الكليه ودلوقتي
ايام الكلية كانت ايام جميلة وممتعة
ودلوقتى انا بشتغل كثير وماعنديش وقت افضى

أي اكتر حاجه بتحبيها في شخصيتك
الهدووووء بحب اقعد فى اماكن هادية

عشتي قصه حب قيل كده ولا لا
عيشت ولكن مش تميت الجواز يعنى نقدر نقول ان كل شئ قسمة ونصيب

قولينا أي موصفات شريك حياتك
يكون محترم وصادق

وايه الصفه اللي مستحيل تفبلي بيها
الكذب

امته دخلت منتدي بنات مصر
2009

ليه اخترتي الاسم ده علشان تسجلي بيه
انا فيه اسماء كثير غيرته قبل شجرة الدر والملكة كيلوباترا بس الاسم دة (شجرة الدر) لان بصراحة بحب الشخصيات التاريخية جدا ولما كنت فى اولى اعدادى كنت بحب اتفرج على الحاجات دى ولكن دلوقتى الحاجات دى خلاص انتهت وياريت الحاجات دى ترجع تانى

عرفتي المنتدي ازاي واي اللي شدك تسجل فيه
بالصدفة كنت بدور عن حاجة تانية طلعتلى اول حاجة دى

اي اكتر الاقسام المحببه لقلبك في المنتدي
عالم حواء وخصوصا الاشغال اليدوية ودلوقتى كمان الشخصيات التاريخية

اصعب المواقب اللي مريتي بيها هنا؟
كل المواقف اللى مريت بيها حلوة

هل بكيتي مره بسبب المنتدي
لا

اكتر تكريم فرحك من قلبك كان اي
كل التكريم كان بيفرحنى

مين العضو اللي بتشوفي فيه نفسك في موضيعه
مافيش حد معين

مين اكتر الاعضاء بتشوفي موضعهم دايما في المنتدي
ساحر الاحزان وواد حبيب

من وجهه نظرك من السبب في عدم نشاط المنتدي
لا مافيش حد السبب فى عدم نشاط المنتدى خالص

أي سبب غياب المستمر عن المنتدي
كل واحد عنده ظروف وشغل ومسؤلية

لو قولتلك ترجعي الاشراف هتوفقي ولا لا
ممكن اه وممكن لا لان نشاطى دلوقتى قليل

لو قولتلك قولي اقتراح لتنشيط المنتدي هتقولي أي
رجوع باقى الاداريين وباقى الاعضاء كلهم مش الاداريين بس

مين العضو اللي تقوليلو ارجع وحشتني
حوراء حبيبتى (Arco Baleno)

اختاري عضو تقولي له انت ملك المنتدي
الاستاذ امجد (ساحر الاحزان)

مين اعز اصدقائك هنا وشوفتو بعض
Arco Baleno

اكتر حاجه زعلتك في المنتدي
اكثر حاجة زعلتنى فى المنتدى ان مافيش نشاط لكن اكيد بسبب ظروف ما

مين اقرب الاعضاء لقلبك هنا اختاري باسماء
كلهم والله انا مش عاوزة انسى حد لكن كل اللى غابوا هنا وكل اللى رجعوا للمنتدى تانى

مين اللي نفسك يرجع المنتدي تاني ويفضل علطول
الماجيك وحوراء (Arco Baleno) والاستاذ ضياء (Doiss)

قولي لينا المنتدي ناقص أي علشان يرجع زي الأول
ناقص اللى غابوا

عوزين منك نصيحه لاعضاء المنتدي
اهتموا بالمنتدى اهتمام كبير وااوصلوا من حيث النشاط

كلمه لواد حبيب
انت مشرف محترم ومشرف نشيط ودة اللى بلاحظه فى المنتدى وانا بشكرك جدا بتواجدى معاك فى الحلقة دى

شكرا علي توجدك في الحلقه المتميزه دي
تقبلي تحياتي

[أمير عسكر]

استضافة جميله لانسانه خلوقه واضح من الردود
اتمنى ليها كل الخير والسعادة والتوفيق في حياتها
اتعرفنا على الباشمهندسة ساره ربنا يفرح قلبها
فالشكر لك اخي الطيب واد حبيب

[طبيب الهوى]

أخي الحبيب محمد
عودة قوية لبرنامجك القيم مع
ابنتي سارة
أسئلة متنوعة منك أخي
واجابات مميزة من ابنتي سارة
تدل على البساطة والهدوء والواقعية
الله يسعدك ابنتي ويسترك ويحفظك من كل سوء وشر آمين
تحياتي وودي وورودي
أبو عصام

[العاشق الذى لم يتب]

اهلا بالمهندسة سارة
واجمل ناس ساكنى الغربية
طيبون ومتواضعون
وجميلة الاستضافة والملكة كليوباترا
ومااشجعها شجرة الدر
اشكرك ابواياد
تحياتى

[دمعه حائره]

استضافة جميله واجابات رائعه
ساره انسانه طيبه وخلوقه وعلاقتها هنا بالجميع ممتازه
اتمنالك التوفيق في حياتك وربنا يسعدك
شكزا يامحمد

[Fatma eissa]

لقاء في منتهي الروعه مع ساره
نورتي البرنامج باجاباتك الجميله

تسلم يامحمد علي البرنامج
الممتع

[الملكة كيلوباترا]

انا بشكرك ياواد حبيب بتواجدى معاك فى الحلقة ومبسوطة ، اتمنى اكون خفيفة على اللى فى المنتدى وهارد واحد واحد باذن لله

[فــــــــــرح]

استضافة طيبة خلوقة اسعدتني معرفتها

شكرا استاذ محمد على الاستضافة

[ساحر الأحزان]

استضافه جميله محمد

مع عضوه مميزه

عودتها ساعدت معنا في تسريع النشاط داخل المنتدي

بشكرها علي جميل كلامها بحقي

وكلنا ابناء المنتدي مع بعض يد واحده نساعده علي عوده المنتدي مثلما كان لعصره الذهبي

اشكرك ساره

اشكرك واد حبيب

تحياتي لكم مع باقه ورد عطره

[M e s k]

استضافه جميله وانسانه اجمل
لها تواجد حلو ف المنتدى
نتمنى لها التوفيق